பண்பாட்டு அசைவுகள் (Panpattu Asaivukal) (Essays)

by தொ. பரமசிவன்

‘அறியப்படாத தமிழகம்‘,‘தெய்வங்களும் சமூக மரபுகளும்’ ஆகிய இரு நூல்களில் உள்ள கட்டுரைகளையும் சில புதிய கட்டுரைகளையும் உள்ளடக்கிய தொகுப்பு இது. மண்ணும், மண்ணின் உயிர்வகைகளும் பயிர் வகைகளும் இவற்றினூடான மனித அசைவுகளும் பன்முகத்தன்மை கொண்டவை என்ற புரிதலை இந்நூல் ஏற்படுத்துகிறது. நம்மைச் சுற்றியுள்ள அசைவுகளை எந்திரகதியில் அல்லாமல் தன்னுணர்ச்சியோடு காணவைக்கிறது.
தொ. பரமசிவத்திடமிருந்து தெறிக்கும் கருத்துகளும், சான்று மேற்கோள்களும், வாழ்ந்து பெற்ற பட்டறிவும் மலைப்பை ஏற்படுத்தக் கூடியவை. நாம் நன்கு அறிந்தது என்று நினைக்கும் விஷயத்தில் புதிய ஒளி பாய்ச்சுவதும், பழகிப் பழகிப் பொருளிழந்துவிட்டது என்று நாம் உணர்வற்று நோக்கும் ஒரு சொல்/தொடர்/பழ

Kindle Edition

Published December 1, 2001

About the author

Tho. Paramasivan (Tamil: தொ. பரமசிவன்; 1950 – 24 December 2020), often known as Tho Pa, was an Indian Tamil anthropologist, writer, folklorist, archeologist and professor. He was the first graduate in his family. He grew up to serve as a professor of Tamil at Manonmaniam Sundaranar University, simultaneously pursuing a writer’s career.

Fondly called as ‘Tho Pa’, he has written more than 15 books which focus on the historical, archaeological and anthropological aspects of Tamil society. His works also dwell a lot on folklore. One of his finest work in this area is Alagar Kovil.

பேராசிரியர் முனைவர் தொ. பரமசிவன் தமிழகத் தமிழறிஞரும், திராவிடப் பண்பாடு ஆய்வாளரும், மானிடவியல் ஆய்வாளரும் ஆவார். மனோன்மணியம் சுந்தரனார் பல்கலைக்கழகத்தில் பேராசிரியராகப் பணியாற்றியவர்.

பண்பாடு, சமயங்கள் தொடர்பான இவரது ஆய்வுகள் மார்க்சிய பெரியாரிய அடிப்படையைக் கொண்டது. அடித்தள மக்களின் அழிந்து வரும் பண்பாடுகளை காக்கவேண்டியதன் அவசியத்தைக் கூர்மையாக முன்வைப்பவர். திராவிடக்கருத்தியலோடு கூடிய புதிய ஆராய்ச்சி முறையியலைக் கண்டுபிடித்த பெருமைக்குரியவர். கலாச்சாரம் என்பது மறு உற்பத்தி சார்ந்தது என்று ஆராய்ச்சியாளர்கள் பேசுகின்ற தத்துவார்த்த மொழியை உடைத்தெறிந்துவிட்டு எளிமையான மொழியின் வழி நுண் அரசியலைப் புரியவைத்தவர். எச்சங்களாகவும், மிச்சங்களாகவும் சிதறிக் கிடக்கும் தமிழ்ப் பண்பாட்டின் வேர்களை தன் கட்டுரைகள் வாயிலாக எடுத்துரைத்து வருபவர். மேலிருந்து எழுதப்பட்ட வரலாற்றிற்கு மாற்றாக கீழிருந்து வரலாறு எழுதுவதற்கான பயிற்சியை இவரது கட்டுரைகள் தருகின்றன.

அழகர் கோயில் குறித்த இவரது முனைவர் பட்ட ஆய்வேடு கோயிலாய்வுகளுக்கு முன்னோடி நூலாகத் திகழ்கிறது. ஆய்வாளர்கள் மட்டுமில்லாமல் அனைவரும் தேடி வாசிக்கும் நூலாகவும் இந்நூல் இருக்கிறது.

Reviews

[Booksndbooksly · Rating 4 out of 5]

சமீபத்தில் நான் வாசித்து முடித்த நூல், பேரறிஞர் தோ. பரமசிவம் அவர்களால் எழுதப்பட்ட 'பண்பாட்டு அசைவுகள்' என்பதாகும். இது ஒரு புதிய வெளிச்சத்தைப் பாய்ச்சும் அரிய படைப்பு.

பல்லாயிரம் ஆண்டுகளாக நாம் வெறும் நம்பிக்கைகள் என்று கருதிப் பின்பற்றும் சடங்குகள், பழக்கவழக்கங்கள் ஆகியவற்றின் ஆழமான சமூக வேர்களையும், வரலாற்றுப் பயன்பாடுகளையும் இந்நூல் நுட்பமாக ஆராய்கிறது. 'சடங்கு' என்ற வட்டத்திற்குள் அடைக்கப்பட்டுவிட்ட பல பண்பாட்டுக் கூறுகளின் உண்மையான அர்த்தத்தையும், காலப்போக்கில் ஏற்பட்ட அதன் திரிபையும் இந்தப் புத்தகம் மூலம் நாம் உணர்ந்துகொள்ளலாம்.

நம்முடைய வழிபாட்டு முறைகள், உணவுப் பழக்கங்கள், விழாக்கள் ஆகியவற்றின் தோற்றுவாயை, அதனைச் சுற்றியுள்ள சூழலியல், பொருளாதார மற்றும் சமூகப் பின்னணிகளைக் கொண்டு தோ. பா. அவர்கள் மிகவும் தெளிவாகவும் ஆதாரப்பூர்வமாகவும் முன்னிறுத்துகிறார். ஒரு விசயத்தின் செயல்முறைக்கு என்ன காரணம், அதன் மூல நோக்கம் என்ன என்று இதுவரை நீங்கள் சிந்திக்காத கோணங்களில் எல்லாம் இந்நூல் உங்களைத் தூண்டும்.

வெறும் சடங்காகப் பார்ப்பதைத் தவிர்த்து, அறிவார்ந்த பார்வை கொண்டு நமது பண்பாட்டை அணுக இந்நூல் உதவுகிறது. நம்முடைய பாரம்பரியத்தின் அறிவியலைப் புரிந்துகொள்ள, இது ஒவ்வொரு தமிழருக்கும் அவசியமான வாசிப்புப் பெட்டகம் ஆகும்.