الموت على الأسفلت

by عبد الرحمن الأبنودي, Naji al-Ali ناجي العلي (رسوم)

الاهداء ...
لناجى العلى .. الفنان الشهيد
ولشهداء فلسطين فى الماضى وفى المستقبل فى الذكرى الاولى للانتفاضة

عبد الرحمن الأبنودى



الرسوم للفنان : ناجى العلى
الإخراج الفنى : محمد بغدادى

Genres: Poetry, Literature

96 pages, Paperback

First published January 1, 1988

About the author

عبد الرحمن الابنودي واحداً من أشهر شعراء الشعر العامية في مصر و العالم العربي شهدت معه وعلى يديه القصيدة العامية مرحلة انتقالية مهمة في تاريخها كتب لكبار المطربين وتنوعت اعماله مابين العاطفي والوطني والشعبي ولد عام 1938م في قرية أبنود بمحافظة قنا في صعيد مصر، لأب كان يعمل مأذوناً شرعياً، وانتقل إلى مدينه قنا حيث استمع إلى اغاني السيرة الهلالية التي تأثر بها.
من أشهر أعماله السيرة الهلالية التي جمعها من شعراء الصعيد ولم يؤلفها. ومن أشهر كتبه كتاب (أيامي الحلوة) والذي نشره في حلقات منفصلة في ملحق أيامنا الحلوة بجريدة الأهرام تم جمعها في هذا الكتاب بأجزائه الثلاثة، وفيه يحكي الأبنودي قصصاً وأحداثاً مختلفة من حياته في صعيد مصر

حصل الأبنودي على جائزة الدولة التقديرية عام 2001، ليكون بذلك أول شاعر عامية مصري يفوز بجائزة الدولة التقديرية

Reviews

[BookHunter M ُH َM َD · Rating 4 out of 5]

ستجدها هنا بصوت الأبنودى
https://soundcloud.com/mohamed-h-el-s...

وأنا الدرويش..

أنا السابح بمسبحتي..

ومبخرتي..

وتوبي الخيش..

أغنيلك..

وأموّلك مواويلك..

ماتسمعنيش..

ولا تشوفينيش..

ومش لازم..ما دام عايشة..

ما دمت بعيش..

وياما بيكي عقلي اتجن..

وانتي الأن..

انتي الظن..

وانتي قلمي لحظة فن..

يا غنيوتي..

أنا أحزن أغانيكي..

وانتي الحلم..

آه من الحلم..

لا نسيني ولا نسيكي..

يبيعوا اللون..

يغشوا الدم..

يهدوا الكون..

يشيلو الكيف في عب الكم..

أنا أنفاسك الخضرا..

وأنا الجرح اللي في جبينك..

أنا الخنجر في شريانك..

وأنا اللقمة في إيد طفلك..

أنا قبرك وأكفانك..

وأنا الشمعاية في حفلك..

أنا الجاهل لكن باقرأ..

وبافهم غاية النظرة..

أنا دارك وانا أهلك

وانا وردك وانا نسلك

انا رغيفك وفرّانه

وحطب النار..

وزيتونك وزتّانة..

أنا القاطف وانا العصار..

واسلامك وقرآنه..

وقلبي..منشد الأذكار..

أنا العابد..

أنا الزاهد..

أنا اللي يحب..مايلومنيش

انا العاشق..

أنا الدرويش..

صلاة الثورة ماتفوتنيش..

ودم شهيد يوضاني بماء تاني..

بماء من نبع نوراني..

في قلبي مفيش..

في أسراري ولا حكايتي..

إلا انتي..

يا خيط النور..

يا كوة في سور..

يا نور منظور..

يا خير محظور..

أنا الأيد اللي منعاني..

أنا الآسر وأنا المأسور..

أنا الغايب..

أنا الدايب صبابة..والجناح مكسور..

وأنا التايب عن الماء الحرام والعيش..

أنا الدرويش..

أبو الدراويش..

جناحات قلبي من غير ريش..

أنا الماشي وانتي الفكر..

أنا المجنون في قلب الذكر..

ومحتكر المحبة البكر..

سكنتي ازاي كدا في عيشي؟!!

ونخششتي في نخاشيشي؟!

كأنك فيا مولودة..وموجودة

ومفقود حب مفقودة

وأغانيكي أنا هيا

على صدري غيطان زعتر و"مرامية"

مرامية على صدري

ويوم ما أموت تحشيها وترميها على قبري

أنا المنقوش في كفينك..يا موشومة على صدري

يا كبشة عطر ريحاني..

يا صوت دمي اذا يسري..

ولا يفصلنا يوم فاصل..

ودا الحاصل..

فماتلومينيش..

دا انا الدرويش..

أنا المقتول..

أنا المهبول..

أنا اللي بدروش الدراويش..

بفرق جرحي على الثوار..

وأكفّن ميتي بنوار..

وفي صفوفك تلاقيني افرق عيش..

ما تحرقشي عبايتي النار ولا اللحية..

ومن حارة الى حارة..

ومن شارع الى شارع..

ومن ناحية الى ناحية..

يقابلني العدو برصاص..

أقوم نافضه من الجبة الرصاص وارميه..

كأنه قش..

قلوب الأوليا..نيتها لا تتغش..

أنا الدرويش..

ما ينقصنيش فدا واخلاص..

والرجعة ماتنفعنيش..

صورتها تطل من الطاقة..

عيونها السودا عشاقة..

ومشتاقة..

وانا الدرويش بنزف دم..

وسع لي الطريق يا عم..

وماشي بجرحي مش مهتم..

يا عرسي..يا انتفا موتي..

حبيبتي ساكنة في صوتي..

وماسك ايدها في السكة..

تسابق خطوتي ضحكة..

ولون الدم في صدري ما سكتنيش..

وخلاني أعيش وأعيش..

أعيش درويش يا درويشة..

يا درويشة وأموت درويش..

أعيش درويش..

وأمشي أدروش الدراويش..

واغني..ادروش الدراويش..

وأموت بادروش الدراويش..

حبيبتي تعيش..

حبيبتي تعيش..

حبيبتي تعيش

[Pakinam Mahmoud · Rating 4 out of 5]

طلع مش مهم السلاح..
طلع يغني عنه الحجر..
طلع مش عويص الكفاح..
مادام في إرادة و بشر..

الديوان جميل جداً وكان تقييمي له ٣ نجوم لكن بعد ما سمعته بصوت الأبنودي رفعت التقييم من غير تفكير..
بصوته حاجة تانية فعلاً😍

من كتر ما شوفت ما بصدقش إيماني..
أنا شاعر الشمس وادي الشمس ناكراني..
تنساني في فرحها في الحزن فاكراني
وأبني طوبة.. في قلبي تهد ميت طوبة
منين تيجي التوبة عن همك يا أوطاني..

يا حجارتي.. لصالح الواطي..
يا قنابل ..يا رصاص مطاطي..
أنا ماشي معدول وصراطي..
الحارة الفلسطينية..

أعلامي سودا من الهم..
أحلامي حمرا.. ودة دم..
في الأكفان البيض نتلم..
م الحارة الفلسطينية..

[Mohamed Sherif · Rating 5 out of 5]

• أهلي لا أهلك ولا أهلك ساعات أهلك
متحكليش ع اللي قتلك مش هاخدلك تارك
ماملكش غير أحسدك خالص على قتلك
قتيل في غربة ما يفرق عن قتيل الدار
يا ماشي للنور ومش ماشي على مهلك
واحنا خطاوينا يم الموت تجيب العار
أنا الموساد والفساد قاتل كتير قبلك
كمال وغسان واسأل ماجد أبو شرار
وهموت لا شفتك ولا هعرف في يوم قبرك
لا هحط زهرة عليه ولا هغرس الصبار
حاولت قتل الجهل طلع الجهل متعلم وأهوه قتلك.


• القدس قدسي يمامة صيف في غيتها
تطير تجيني بأشواقها وغيتها
فاكراني من يد صيادها أنا أغيتها
فاكراني صوت الأدان الحي في حطين
ومخبي في ضلوعي قلبك يا صلاح الدين
شايل صراخ اليتامى ولوعة المساكين
فاكراني كفن الشهيد وخيمة اللاجئين
وأول الأتقيا وآخر الهاربين
تجيني وتبوسني وتملّس على خدودي
هاربة بحدودها القدام تتحامى في حدودي
تبكي على صدري دبْكة حزن على عودي
تبكي وفاكرة ههدهدها وأسكتها
أنا ياللي من موت شراييني اتنسج موتها
وصوتي يوم الغنا الباطل بلع صوتها
مفيش في قلبي ولا آهه أموتها
كل الآهات ميتة أنا حبيس همسي
نزعت صورتها من بكرايا من أمسي
حطين لا حطيني ولا قدس الهموم قدسي
ولا عارفة تنساني زي ما تهت ونسيتها.


• على قد فرحي الشديد على قد خوفي الشديد
أحمل إيماني الأكيد .. يحملني شكي الأكيد
وقد ما قريب يا بكرا قد ما أنت بعيد
أنا المسيّس خفيف الظل .. أنا الصامت
راقص في قلب العزا .. باكي في صبح العيد.


• يا بخت كل اللي يفرد للوطن شاشه
وبوش واحد يقابله وينسى أوشاشه
عاشوا اللي ماتوا ولَا ماتوا إلا من عاشوا
يا نبع أحمر بيزحف ع الشجر والتل
حيي الشباب الفلسطيني وقول : عاشوا.


• مولود محتل ومتكتف
مولود متنمر متصنف
اشنقني اعدم اتعسف
الحارة فلسطينية
أنا أعلى ما ف صوتي .. سكوتي
وأحلى حياة بعشقها .. موتي
أنا أرضي وجوي وملكوتي
الحارة الفلسطينية.


• يا قدس قولي لحيطانك اثبتي بقوة
هيخلصك ابنك اللي أنا مانيش هوه
لا تبحثي عن حلول
الحل من جوه
الحل من جوه
الحل من جوه.

[Hussam Aql · Rating 5 out of 5]

يبيعوا اللون
يغشّوا الدم
يهدّوا الكون
يشيلوا الكيف في عبّ الكُم؛
أنا أنفاسك الخضرا
وانا الجرح اللي في جبينك
أنا الخنجر في شريانك
وانا اللقمة في إيد طفلِك
أنا قبرك وأكفانك
وانا الشمْعاية في حفلِك
أنا الجاهل لكن باقرا
..وبافهم غاية النظرة
أنا دارك وانا أهلِك
وانا وردك وانا نسلِك
أنا رغيفِك وفَرَّانُه
...وحطب النار
وزيتونِك وزتَّانُه
.أنا القاطف وانا العصَّار
وإسلامِك وقرآنُه
.وقلبي منشد الأذكار

أنا العابد
أنا الزاهد
أنا اللي يحب .. ما يلومُنيش
...أنا العاشق
أنا الدرويش؛
صلاة الثورة ماتفوتنيش
ودم شهيدي وضّاني
بماء تاني
بماء من نبع نوراني
في قلبي مافيش
-في أسراري وحكاياتي-
..إلّا انتي
يا خيط النور
يا كوّه في سور
يا نور منظور
يا خير محظور
أنا الإيد اللي مانعاني
.أنا الآسر .. وانا المأسور
أنا الغايب
أنا الدايب
-صبابة-
والجناح مكسور
وانا التايب
.عن الماء الحرام والعيش
أنا الدرويش
أبو الدراويش
جناحات قلبي من غير ريش
وحاوْريني
صعيدي .. بس قُولي إيه؟
.فلسطيني
ومصري .. بس قلبي إيه؟
.فلسطيني
وعربي .. بس أصلي إيه؟
.فلسطيني
.فلسطيني
.فلسطيني

[ESRAA MOHAMED · Rating 4 out of 5]

منين تيجي التوبة عن همك يا أوطاني ؟
لو الخرايط بتُصدق كنت أعيشها رسم ..
سلك المخيم إبر يا قدس .. وأنتي الوشم ..
عاشوا اللي ماتوا .. ولا ماتوا إلا من عاشوا ..

تاني نسمع قصيدة للخال عبد الرحمن الأبنودي وبصوته عن القضية الفلسطينية وتأبين للفنان ناجي العلي وغيره من الشهداء اللي غدرت بيهم يد الموساد زي كمال ناصر و غسان كنفاني و ماجد أبو شرار ..

حاولت قتل الجهل طلع الجهل متعلم واهه قتلك..
ما ماتشي .. طب مانت مت .. عرفت تتوفى ؟

يحيي الخال في القصيدة النضال الفلسطيني والخذلان من كل الأطراف..
سيبوا نفسكم للأبنودي وحسوا بالوجع في كل كلمة، قصيدة مؤلمة ومرة مرارة الحنظل .🎧💔

اللينك 👇
https://www.youtube.com/watch?v=YZw-f...

أنا العابد .. أنا الزاهد
أنا اللي يحب .. ما يلومنيش .. أنا العاشق .. أنا الدرويش .. صلاة الثورة ماتفوتنيش .. ودم شهيدي وضَّاني بماء تاني .. بماء من نبع نوراني
في قلبي مافيش - في أسراري وحكاياتي - إلا أنتي .. يا خيط النور .. يا كوّه في سور .. يا نور منظور .. يا خير محظور .. أنا الإيد اللي مانعاني .. أنا الآسر .. وأنا المأسور .. أنا الغايب .. أنا الدايب - صبابة - ..و الجناح مكسور .. وأنا التايب .. عن الماء الحرام والعيش .. أنا الدرويش .. أبو الدراويش .. جناحات قلبي من غير ريش .. وحاوريني ..
صعيدي .. بس قولي إيه؟
فلسطيني ..
ومصري .. بس قلبي إيه؟
فلسطيني ..
وعربي .. بس أصلي إيه؟
فلسطيني ..
فلسطيني ..
فلسطيني ..

أطفال الأرض المحتلة .. أطفال الدنيا المختلة .. أطفال السنوات السودا رفضوا الذلة ..يا كل العرب المعروبة .. يا راس العرب المقلوبة .. يا جيوش النصر المغلوبة .. رجعت أرواحنا المنهوبة .. رجعت إرادتنا المسلوبة .. بتحارب بالصوت والطوبة .. أصحاب الأرض الأصليين .. أصحاب النور والليل والطين .. نبت فلسطين .. أصل فلسطين .. روح الأمة .. إزاي لاجئين ؟
على أسفلت الشارع شهدا .. على أسفلت الزنازين مساجين .. يافجر ارضع من دم الطفل .. يا سجن أوسع كسرنا القفل .. بدأت حكايتنا .. ومش راجعين .. مش راجعين .. مش راجعين ..

يا قلب يا كلب .. تنك صاحي وبتنبح .. بطل تعدد .. فلسطين لسه موجودة ..

إخوة صحيح .. إنما في المؤتمر والصوت .. لكن سامحني بقي .. أنا ماليش في الموت .. حلوة حياتي كده .. وأنا حاببها موت .. كفاية اكتب قصيدة شعر آخر الليل وابتديها بفلسطين وانتهي ببيروت ...

استمتعوا ...
دمتم قراء ... ❤❤❤

[Mohamed Fawzy · Rating 5 out of 5]

و منين اجيب ناس لمعناه الكلام يتلوه؟
اذا كنت باجى اقوله .. نص عقلى يتوه؟

الكلام مش مستجيب
والصمت عار
والمسافة بعيدة بين الفعل و القول البليد
لكن نحااول

لا قصيدة هاتجرى ع الاسفلت
ولاترمى حجر
ولافوق اكتافها راح تحمل شهيد
ولا هاتبعد خطر
ولا هاتقرب بعيد
الكلام اخر المطاف هو الكلام
و الدم .. دم
القصيدة توصف الدم الزكى ماتشيلش نقطة
توصف الام اللى ماتت بنتها قدام عنيها
بس وصف!
وصف جيد .. وصف خايب ..
وصف صادق .. وصف كاذب ..
فى النهاية كله وصف !
كل شعر الوصف ..
مايساويش فى سوق الحق صرخة
الكلام عن كل ده شئ م التطاول
انما .. لازم نحاول

[Youmna Fathy · Rating 2 out of 5]

لطيفة كأول مرة اسمع فيها للأبنودي بس مش احسن حاجة تعدي عليا في الشعر في حاجات محستش بنغمة فيها بس عموما كان ممتع.💖

[Aliaa Ali · Rating 5 out of 5]

من أجمل و أروع ما قرأت
-----
ينام العالم العربي
ليلاتي … زي ما بينام

بعواجيزه … بفتيانه
بأطفاله … بشبانه
قرا الجورنال

وملا سيارته بالبنزين
وشاف النشرة بعد الظهر
وقال في الانتفاضة كلام

وحياها
وبعدين … نام
***
نزل عمل الشوبنج
وفات على شركة الفيديو
وغير شنطة الأفلام
لبس وقلع لبس وقلع
وليف نفسه في الحمام
وحط الفوم
وقام للنوم
يكمل متعته أحلام

ونام العالم العربي ليلاتي زي ما بينام

وطول الليل
صحيتوا إنتوا

ولا بتوا ولا نمتوا

تلموا الجمر من تحت التراب والثلج
تضموا الجمر … وتحّتوا
بدت بحجارة
وانتهت الحجارة بنار
بدت أفراد
بقالها لجان يمين ويسار
بدت لكن… أهي فلسطين
بحور الناس موجات موجات
بتزحف عالعدو بقوة
كانوا عشرات
بقوا ميات
بقوا ألفات
هتاف واحد بدل هتافات
بدن واحد بل بدنات
علم واحد … عليه إشارات
علم مظلوم
وجاله يوم
يرفرف توبه في السموات

وله ضحكات
وله همسات
وله صيحات

بيتقدم خطى الزاحفين

وبينادي: أنا فلسطين
أنا فلسطين
أنا فلسطين

ظلمتوني وأديني … النضال ديني

وصوتي ما زال
ولوني ما زال
ورقصي ما زال

فلسطيني
فلسطيني
فلسطيني


ميعادنا في التاريخ قدام
ونام العالم العربي
ليلاتي زي ما بينام
***
ودي الليلة

سهرنا نغني بطولاتكم

ونشرب كاس في صحتكم

وكاس ورا كاس
في صحة أحلى وأجدع ناس

قزازة تؤدي لقزازة

وحيينا البنات … والصبر
وحيينا الشباب … والقبر

فلسطين خضرا جوه الخمر

أغرودة
زغرودة
وموجودة

وعلى الخارطة ما هياش سودا

ما هياش محتلة ولا حاجة

بتتكلم فلسطيني

وما فيهاش أي صهيوني

فيها انتوا بمبانيكم
بأغانيكم

بإصراركم وأفكاركم
وبكباركم وبصغاركم

شربنا في صحة الثورة
في صحة كل من بيجسد الفكرة

وقمنا نمنا
منتظرين نقوم بكرة

***

في دي الليلة أنا نايم

وصاحي عدوي

يدفن في الشباب الحي

ببلدوزرات

بطيارات

نزل واحد على سريري وأنا نايم

جيت قايم

وأنا مفزوع

أحاول أبعد الجثة

أشيل الدم من الفرشة

ألّم ذراع كان منزوع

وناشف

إنما … مرفوع

بيهتف لسه رغم الموت

يصحي القصة في سريري

يشيل الحلم من راسي

لقيت الريق مش مبلوع

وماليش صوت

أو بانطق بصوت غيري

وقمت …
جريت للشارع
رميت نفسي في وسط عباد

ناقشنا حكاية دفنكم احياء

وقلنا: يسقط الأعداء

وهددنا الصهاينة هناك

بميت قبضة في وش الجو

وحييناك … وهاجمنا عدو السو

لكن لما شعرت بجوع

أنا حودت عالحاتي

طلبت كباب

معاه … بيرة

أنا أصلي بأحب اللحم … والبيرة

لقيت قلب الطبق

مكتوب عليه (بيت لحم)

وعلى البيرة

مكتوب (البيرة)

سكرت … وطفت

بين الصحيان والوهم

لقيتني في يافا

وفي حيفا

وفي نابلس وفي الناصرة

وفي بيت لحم وفي غزة

وقشعر جسمي

ساعة الحزن ليه هزة

خفت … وقمت

هربت أوام

لقيت نفسي في قلب البيت

لقيت الفرش من غير دم

عرفت أنام


أنام

والعالم العربي

سبقني ونام

***
يا خيي إنت وحداني

أنا صاحبك في جورناني


ساعة ما يذبحوك أصرخ

وأتلوى في أحزاني

لكن عمري ما مديت يد

أحوش باليد مدة يد

أنا موهبتي في لساني

ومش موهوب في شيء تاني

ولا مقاتل

ولا محارب

ولا مودي

ولا جايب

حبيبك … إنما شفوي وقلباوي

لكن لا طبيب ولا مداوي

ولا بأعرف أخوض الموت … ولا ناوي

أنا في كل ده خايب

ومش ظهرك

ومش سندك

ومش بلدك

ومش بلدك

وبأستغرب على جلَدك

فلو حتحس لخيك يوم

حتنادي

تلاقيني في عز النوم

أنا والعالم العربي

ليلاتي

زي ما بننام

[Kholoud · Rating 4 out of 5]

أخوة صحيح .. إنما في المؤتمر والصوت
لكن سامحني بقى .. أنا ماليش في الموت
حلوة حياتي كدا .. وأنا حاببها موت
كفاية أكتب قصيدة شعر آخر الليل
وأبتديها بفلسطين وانتهي ببيروت

يا منتظرني .. الحقيقة أنا اللي منتظرك
وإلا .. تعالى .. أبرر عذري مع عذرك
أنا ثوري .. لفظ .. كلمة .. حلم .. لا هو فكرك
لو كنت أقدر أبيع عمري عشان بكره
كان ليه سكت انتظر لما تبيع عمرك؟

ويابني صحيتنا ليه .. ما صدقنا ما نسينا
صدقنا مراكبنا مارسيت في مراسينا
ونسينا جرح الجولان والدم في سينا
جاي تبتدي القصة من الأول .. تقول "أصحوا"
وأنت المفروض تكون أول قتيل فينا

*بحب اسمع الكتب بصوت الأبنودي .. جرعة مضاعفة من الجمال

[Esraa magdy · Rating 5 out of 5]

نبت فلسطين،،أصل فلسطين،،روح الامة،ازاى لاجئين؟؟
-------------------------------
وياموت يا مدفوع في شرياني بريح سودا
الهم.دايما بيرحل بس لية عودة
ماتت جناحاتي لكن لسة مفرودة
ويا قلب…يا كلب….تنك صاحي وبتنبح
بطل تعد،،.فلسطين لسه موجودة
-------------------------------
كل شعر الوصف
مايساويش في سوق الحق صرخة
-------------------------------
مأساتى مش من عدوى ...أنتم المأساه
------------------------------
<3 <3 انا الدرويش

[Ahmed Oraby · Rating 4 out of 5]

أنا منتظر يا فتى موتك فارقنى وروح
مانا هقرى اسمك فى جورنان بكرة فى سريرى
وربما تيجى صورتك عالتراب ماتروح
إخوة صحيح إنما فى المؤتمر والصوت
لكن سامحنى بقى انا ماليش فى الموت
حلوة حياتى كدة وأنا حاببها موت
يا منتظرنى الحقيقة أنا اللى منتظرك
ولا تعالا أبرر عذرى مع عذرك
أنا ثورتي لفظ كلمة حلم
لو كنت اقدر ابيع عمرى عشان بكرة
كان ليه سكت انتظر لما تبيع عمرك.

[Youssef Elzeny · Rating 5 out of 5]

وأنا الدرويش..
أنا السابح بمسبحتي..
ومبخرتي..
وتوبي الخيش..
أغنيلك..
وأموّلك مواويلك..
ماتسمعنيش..
ولا تشوفينيش..
ومش لازم..ما دام عايشة..
ما دمت بعيش..
وياما بيكي عقلي اتجن..
وانتي الأن..
انتي الظن..
وانتي قلمي لحظة فن..
يا غنيوتي..
أنا أحزن أغانيكي..
وانتي الحلم..
آه من الحلم..
لا نسيني ولا نسيكي...
يبيعوا اللون
يغشّوا الدم
يهدّوا الكون
يشيلوا الكيف في عبّ الكُم؛
أنا أنفاسك الخضرا
وانا الجرح اللي في جبينك
أنا الخنجر في شريانك
وانا اللقمة في إيد طفلِك
أنا قبرك وأكفانك
وانا الشمْعاية في حفلِك
أنا الجاهل لكن باقرا
..وبافهم غاية النظرة
أنا دارك وانا أهلِك
وانا وردك وانا نسلِك
أنا رغيفِك وفَرَّانُه
...وحطب النار
وزيتونِك وزتَّانُه
.أنا القاطف وانا العصَّار
وإسلامِك وقرآنُه
.وقلبي منشد الأذكار

***

منين أجيب ناس لمعناة الكلام يتلوه
إ��ا كنت باجي أقوله نصّ عقلي يتوه؟

لأ.. نحاول
الكلام مش مُستجيب.. والصمت عار
والمسافة بعيدة بين الفعل والقول البليد
لكن نحاول.
لا القصيدة حتجري ع الأسفلت
ولا ترمي حجر.
ولا فوق أكتافها راح تِحمل شهيد
ولا حتبعِّد خطر
ولا حتقرب بعيد.

الكلام –آخر المطاف- هوه الكلام
والدم دم.
القصيدة توصف الدم الذكي
ماتشيلشْ نقطة.
توْصِف الأم اللي ماتت بنتها قدام عينيها
بس وصف!
وصف جيّد.. وصف خايب
وصف صادق.. وصف كاذب
في النهاية.. كله وصف
كل شعر الوصف..
مايساويش في سوق الحق صَرْخة.

[Youssef Al Brawy · Rating 5 out of 5]

منين أجيب ناس لمعناة الكلام يتلوه
إذا كنت باجي أقوله نصّ عقلي يتوه؟

لأ.. نحاول
الكلام مش مُستجيب.. والصمت عار
والمسافة بعيدة بين الفعل والقول البليد
لكن نحاول.
لا القصيدة حتجري ع الأسفلت
ولا ترمي حجر.
ولا فوق أكتافها راح تِحمل شهيد
ولا حتبعِّد خطر
ولا حتقرب بعيد.

الكلام –آخر المطاف- هوه الكلام
والدم دم.
القصيدة توصف الدم الذكي
ماتشيلشْ نقطة.
توْصِف الأم اللي ماتت بنتها قدام عينيها
بس وصف
وصف جيّد.. وصف خايب
وصف صادق.. وصف كاذب
في النهاية.. كله وصف.
كل شعر الوصف..
مايساويش في سوق الحق صَرْخة.

الكلام عن كل ده
شيء مِ التطاول..
إنّما.. لازم نحاول.

[حسناء · Rating 4 out of 5]

اظن اني دي تاني مرة أقرأها أعجبتني جدا وتأثرت بأغلبها وسمعت منها مقاطع كتير كانت بتعحبني جدا بصوته وبغض النظر عن اي شئ ربنا يرحمه

[Doaa Mohamed · Rating 5 out of 5]

لا قصيدة هاتجرى ع الاسفلت
ولاترمى حجر
ولافوق اكتافها راح تحمل شهيد
ولا هاتبعد خطر
ولا هاتقرب بعيد
الكلام اخر المطاف هو الكلام
و الدم .. دم
القصيدة توصف الدم الزكى ماتشيلش نقطة
توصف الام اللى ماتت بنتها قدام عنيها
بس وصف!
وصف جيد .. وصف خايب ..
وصف صادق .. وصف كاذب ..
فى النهاية كله وصف !
كل شعر الوصف ..
مايساويش فى سوق الحق صرخة
الكلام عن كل ده شئ م التطاول
انما .. لازم نحاول
عظيم♥

[Amr Mohamed · Rating 4 out of 5]

ناجي العلي في الأغنية
هل علية زى الغزالة البرية
ماسك رسمة

كام قلت له : قولها خفايف
نص شفايف
قالي يا شاعر لو خايف
شوف الرسمة

والرسمة فيها دمع وضحك
وارض ملك
وابن واقف خلف السلك
قصاد رسمة

والرسمة فيها يهود..بحاخام
والانكل سام
وعرب لطاف عايشين بسلام
جوة الرسمة

رسم الكفوف زي الصبار
"حنظل"بمرار
صبي قصير واقف محتار
قدام الرسمة

رسمة لا تعرف تتحادق ولا بتنافق
عيب ناجي أنة عاش صادق
عاش للرسمة

كان زيي..يائس يأس مميت
لكن عفريت
دخل لاعداؤة في البيت
شايل رسمة

والرسمة ما فيهاش سما وبيوت
لكن لها صوت
يا ناجي…كان لابد تموت
برة الرسمة

[Ahmed Ibrahim · Rating 5 out of 5]

الكلام مش مستجيب
والصمت عار
والمسافة بعيدة بين الفعل و القول البليد
لكن نحااول

لا قصيدة هاتجرى ع الاسفلت
ولاترمى حجر
ولافوق اكتافها راح تحمل شهيد
ولا هاتبعد خطر
ولا هاتقرب بعيد
الكلام اخر المطاف هو الكلام
و الدم .. دم
القصيدة توصف الدم الزكى ماتشيلش نقطة
توصف الام اللى ماتت بنتها قدام عنيها
بس وصف!
وصف جيد .. وصف خايب ..
وصف صادق .. وصف كاذب ..
فى النهاية كله وصف !
كل شعر الوصف ..
مايساويش فى سوق الحق صرخة
الكلام عن كل ده شئ م التطاول
انما .. لازم نحاول

بحب الديوان ده جداً

[Ahmed · Rating 5 out of 5]

تحفة

القصيدة توصف الدم الذكي
ما تشيلش نقطة
توصف ألام اللي ماتت بنتها قدام عينيها
بس وصف
وصف جيد…….وصف خايب
وصف صادق….وصف كاذب
في النهاية……….كلة وصف
كل شعر الوصف
مايساويش في سوق الحق صرخة
الكلام عن كل دة
شئ من التطاول
إنما…..لازم نحاول

[نرمين الشامي · Rating 2 out of 5]

يتكون الديوان من جزئين: الأول عبارة عن مجموعة قصائد متنوعة عن (فلسطين) و(ناجي العلي)، أما الثاني، فيحتوي قصيدة عن (العراق). ولقد أحببت الجزء الثاني أكثر بكثير من الأول، ولكن تبقى الحقيقة التي لا مناص منها، وهي أن شعر (الأبنودي) يُسمَع، ولا يُقرَأ.

[Draziza Ali · Rating 3 out of 5]

يا قدس قولى لحيطانك .. اثبتى بقــــــــوة
حيخلصك ابنك اللى مانيش هـــــوه
لاتبحثى عن حلول ..
الحــــــــــــــــل من جوه ..!

[أحمد صــــلاح · Rating 4 out of 5]

الأبنودي شاعر حالة
بترتمي وسط القصيدة
تسكر من كلامها وفكرها وبتحس
إن نبض قلبه بينط من بين كل الكلام
مش مجرد كلام
وإن كان يبان كلام
أيوة ... هوا قال الكلام مايشلش جثة
مايشلش دم ...وإن الكلام البليد
لكن قال .. "لأ نحاول"
أفضل ما في القصيدة هي الجملة الصغيرة البسيطة
دي ... التنوع في القصيدة كان عبقري
ما بين الرباعيات والخماسيات والشعر العمودي
والشعر الحديث
الالتزام بقافية موحدة
تنويع القوافي
الحكايات الأحداث ...والحقايق
بالرغم من إنها مؤلمة إلا إنها بتصحي فيك الاعتراف
والاعتراف سيد الأدلة
وبدل الدليل فيه ألف دليل مزروعين جوا القصيدة
زي ديناميت بيتفجر فيك
الأبنودي حالة تتلبسك مع كل ديوان تمسكه له
لازم يضوي صوته جوا مخك صوته ولهجته الصعيدية
وأنت بتقراها اللي جواك بيقراها هوا الأبنودي ذات نفسه
الخال .. أبدع كعادته
وكالعادة إلى الرف المفضل عندي

[Hosam · Rating 5 out of 5]

أنا السابح بمسبحتى ،، و مبخرتى
و توب الخيش
حبيبتى كل اما بنسى
تفكرنى الحاجات بيكى
ائنك .. تدمعك عينى
كأنى مش هاغنيكى
دمايا.. متستاهلش تكون
كحلة ليلة لعنيكى

أنا الغايب
أنا الدايب
و أنا التايب
أنا الدرويش
أعيش درويش
و امشى ادروش الدروايش
و ااغنى ادروش الدروايش
و اموت بأدروش الدروايش
حبيبتى تعيش
حبيبتى تعيش
حبيبتى تعيش

انا فى كل ده خايب
و مش ضهرك
ومش سندك
ومش بلدى
و مش بلدك
و بستغرب على جلدك.

إنت مريح
علشان صريح
تعتز حتى بالعداء
و تكره السم المزيف .. و الغباء
و تملى تحرج اصدقائك..

يا ايها القلب الحزين
افتح بيبانك للهوا
الدم رمز العاشقين
و الدم للأمه دوا
يا ايها الطفل العنيد
يا ايها البطل الجديد
خد الرصاصة و اتقتل
خد السلاسل و اتحبس.

[Nadia Adel · Rating 5 out of 5]

5 نجوم علشان الإهداء والرسوم لناجي العلي ♥
مش عارفة أقول ايه ، من أحلي أعمال الأبنودي
عبر عن حالات كتير جداً من الضعف و التخاذل و التخبط والانهزامية والنفاق .... الخ
اللي بنحس بيها تجاه موقفنا من فلسطين ، تاتكلم عن ناجي العلي و عن شهداء كتير وعن الانتفاضة ..
عجبني جداً شعره عن ناجي العلي ..
الموت علي الأسفلت " كنت فاكرا ديوان طلع كله قصيدة واحدة عن فلسطين .. سعيدة جداً اني قريته

من شعره:

يا يخت كل اللي يفرد للوطن شاشُه
وبوِش واحد يقابله وينسي أوشاشُه
عاشوا اللي ماتوا..ولا ماتوا إلا من عاشوا
يا نبع أحمر بيزحف ع الشجر والتل
حيِّ الباب الفلسطيني وقول: عاشوا

طلع مش مهم السلاح
طلع يغنِي عنه الحجر
طلع مش عويص الكفاح
مادام فيه إرادة وبشر
طلع مش بعيد الصباح
ومستني.. خلف الشجر

[Muhammad Nida · Rating 4 out of 5]

رحم الله ناجي العلي وحفظ القدس عربية إسلامية.

يناير 2012

[Ahmed Abdelmaksoud · Rating 3 out of 5]

أنا العابد .. أنا الزاهد
أنا اللي يحب .. ما يلومنيش ..

[Zahra Reads · Rating 4 out of 5]

"الرسمة مفيهاش سما ولا بيوت
لكن لها صوت
يا ناجي .. كان لابد تموت
برّه الرسمة"

بعد رواية الطنطورية وذكر حدث اغتيال ناجي العلي، ثم لوحات الفنان مجمعة؛ اليوم بفتح الديوان بالصدفة لقيت رثاء في أول القصيدة للفنان ناجي العلي ورثاء لشخص "حنظلة" نيابةً عن الفنان وأطفال فلسطين، لا أملك إلا أن أقول 'أنا متكيف ناوو'

وكالعادة الشعر بصوت الأبنودي حاجة تانية خالص3'>.

[عَنان · Rating 2 out of 5]

"القصيدة قصيدة
بس الفعل فعل.
هل نكف عن المحاولة؟
أو نحاول؟
لو سكتنا يقولوا: ضاعوا
لو وقفنا يقولوا: باعوا
وإذا قلنا
يقولوا فين الكلمة من رمية حجر؟
صرخة قتيل؟
ثورة الأطفال
تخلي الشعر لو كان عبقري
وزنه قليل"
🇵🇸🥀

[Ahmed Sayed · Rating 3 out of 5]

كل شعر الوصف
ميساويش في سوق الحق صرخة..

[Safa Dalal · Rating 4 out of 5]

حبيبتي كل ما بنسى
تفكرني الحاجات بيكي
ائنك..تدمعك عيني
كأني مش حغنيكي

يا غنيوتي
انا احزن أغانيكي..

[Mariam Gawwad · Rating 3 out of 5]

غشيم في حب الوطن طبعا غشيم ياللي تحب الوطن من الصميم ..
بحس أن الأبنودي يتسمع أكتر .