أبيض وأسود أو الرجل والمرأة

by جورج صبري

يتناول الكتاب العلاقة بين الرجل و المرأة بشكل ساخر في الصداقة و الخطوبة و الزواج و العمل

239 pages

First published January 1, 2008

Reviews

[Moustafahelmy · Rating 5 out of 5]

انا استفدت من كتاب ابيض واسود او الرجل والمراة كتير جدا وهحاول الخص كل اللي اكتسبته في نقط محددة:
**** الكتاب كوميدي ومسلي جدا ورغم ان مليان موضوعات كتير جدا الا انك ممكن تخلصه في قعدتين نظرا لانه شيق جدا

****الكتاب عناوينه لوحدها تجبرك انك تقرا الموضوع للاخر مثل
5 أسباب تجعل الرجل عاشقا للمقهى وهيموت عليه
4 مواقف تشعرك أنك متزوج من بنت بارم ديله
5 أشياء رومانسية يتربى عليها الرجل ولا يجدها في الزواج
4 شخصيات تجبرك المرأة على احتقارهم رغم أنهم لا يستحقون ذلك
"20 اختلاف بين الرجل والزوج"
4 مفاهيم جامدة عادة ما تسقط فيها الدراما
3 جمل شهيرة متعلقة بالزواج لن تسمعها مطلقا يا معلم
ويسألونك لماذا نكرههن ..(4 أسباب)
6 مواقف شهيرة تثبت لك أن الولد أفضل من البنت ألف مرة
5 أسئلة تكشف بها زيف عشق شريكتك لكرة القدم
4 صفات وهمية تعتقد المرأة أنها تمتلكها
3 أشياء تجميلية تفعلها المرأة وتتعب فيها ولا تؤثر في الشباب
أشياء تجعلك تعرف "ليه البنت بتكره كل البنات التانيين"

*** كتاب فيه بعض الموضوعات في السياسة والرياضة والمشكلات الاجتماعية والاقتصادية وبيتكلم فيها عن طريق تناول العلاقة بين المرأة والرجل

*** الكتاب رغم انه مبهدل الستات تريقة وخاصة بنات الجيل الجديد والموظفات الجدد الا انه موضوعي جدا وعنده سبب لكل انتقاد، وكمان بينتقد بسخرية وضحك مش شتيمة وخلاص

*** الكتاب بيكشف عن سلبيات البنات وبيخليهم يعرفوا الولاد بصينلهم ازاي وده مفيد جدا للبنت عشان تعرف نفسها بشكل اكبر وتعرف سلوكياتها وكلامها الناس بتفهمه ازاي

**** كتاب ابيض واسود او الرجل والمرأة بيرصد سلوكيات جيل ما بعد الخصخصة والشات والتقاليد الاجتماعية الجديدة في الصداقة والزواج والعمل على حد قول احد القراء

*** الكتاب مفيهوش خطوط حمرا ولا كسوف ولا خوف من المديرين وانا مش فاهم ازاي المؤلف كتب العيوب في الادارة المصرية وفيه المديرين اللي اتعامل معاهم بالشكل الصريح ده وباالكوميديا دي لانه اكيد اترفد او شكله معندوش مدير اصلا يخاف منه

**** الكتاب مليان معلومات عن عالم خفي في الشركات العالميةوالقطاع الخاص والبنات والمديرات والاجانب وكل ده في نطاق التريقة والمعلومات اللي عمرنا معرفناها لانها بتحصل في مطبخ المؤسسات دي

*** احلى حاجة في الكتاب انك لازم هتشتريه للي بتحبه او ترسله سرا للمدير بتاعك لنه باختصار بيقول كل الكلام اللي احنا نفسنا نقوله ومكسوفين منه

*** ودي شوية عناوين من الموضوعات اللي عجبتني غير العناوين اللي ذكرتها فوق:

3 سيدات لا تصدقهن إذا طلبن منك أن تتحدث بصراحة "وإياك ورقم 2 يا معلم"
10 تناقضات توضح لك الفارق بين الفتاة والزوجة
4 فئات شهيرة ظلمتها الدراما
4 مساوئ جناها الرجل وجنتها الساحرة المستديرة من دخول المرأة عالم تشجيع كرة القدم
حقيقة مؤكدة لا تقتنع بها المرأة مطلقا
4 شرائط عظيمة اختفت من حياة هذا الجيل
4 مسميات شهيرة اختفت من عالم الموضة "عن البرتقاني والموهير والفسكوز نتحدث"
5 مبادئ شهيرة ضيعت حياة الشباب
4 صفات يحبهم الرجل في خطيبته ويكرههم في زوجته جدا
4 مفاهيم خاطئة عن المرأة المصرية
4 بلاوي تجنيها إذا اشتريت لزوجتك المجلات النسائية


بعض عناوين الجزء الخاص "بالأدب العمالي الساخر"

30 اختلافاً يكشفون الفرق بين المدير المصري والمدير الأجنبي
4 أوهام قديمة عن المصريين في الخارج انكشف زيفها
3 مهن للمرأة تتوقف عنها تماما في حالة الارتباط
5 كلمات عليك أن تنساها عند بدء حياتك العملية
أفشل 4 إدارات ستجدهم في حياتك الوظيفية
3 مجالات عمل للرجال يشتكون منها لأنها بلا "بنات حلوة"
ثلاثية الفشل الوظيفي.. الفيس بوك على رأسها
7 صفات تكتسبهم من مجال العمل وتعاملك مع المدير ويفيدوك في الزواج جدا جدا
26 اختلافا يكشفون الفرق بين المدير الرجل والمديرة المرأة
4 حاجات لازم تعملهم لو مديرتك واحدة ست
10 أشياء يجب أن تفعلهم عند الوقوع في الخطأ مع المديرة المرأة
صدق إللي قال.. إن فاتك الميري اتمرغ في ترابه (4 أشياء وآه من رقم 4)

[Nourhan Samy]

شفت ان الكاتب متحامل اوووووووى على المراه وحملها كل المشاكل ويتخف بيها و بعقلها حولها الى كائن تافه ونكدى واظهر العيوب و المشاكل فى الحياه ولم يعطى اى حلول ولم يرى اى جانب ايجابى فهو اعتمد على السخريه و تحويل الكتاب الى جلسه كلاميه للضحك والسخريه من واقعنا فقط و بعدين ده عقد الرجاله خالص من الزواج وححسسهم ان كله زفت وان كل الستات زفت وان كده حياته انتهت واصبح مش راجل ومالوش كلمه حتى لو فى نماذج من الستات او الجواز كده اكيد فى حاجات لا

[Roba]

كتاب ساخر بدرجة أولى ! يظهر الرجل بصورة "أبيض" والمرأة بصورة " أسود" لربما يعجب هذا بعض الشباب ولكن فيه مبالغات لا داعي لها وفيها إجحاف بحق المرأة ولكنها في النهاية إحدى الزوايا التي ينظر منها للامر وله زوايا أخرى لعل كتبًا أخرى تتطرق إليها!

[Joseph Kamal]

really soooo nice book
i enjoyed reading it

[Hatem Rhmany · Rating 3 out of 5]

كتاب جميل ..ساخر ..ممتع ..

[Hany Nossair]

• It is an excellent corrective affirmative action book for most work places, it is one of the best books i have ever read about business workplace, ironic, Smart, real, and acrries a great valuable message.

[Dalia Elessamy]

Very very nice and comic, I recomend it to every one how is an employee:)

[Ahmed]

مبروك كتابك جورج

[Latte · Rating 5 out of 5]

كتاب ممتع جدا !!
مفيد, طريف, منطقي!
من أنجح الكتب التي تتحدث عن العلاقة بين الرجل والمرأة

أنصح به وبشدة

[Dana · Rating 1 out of 5]

ممل ، كان جيداً عند البدء بقرائته و لكن بعد عدد من الصفحات اصابني الملل و قررت التوقف عن قرائته لعدم قدرتي على اكماله .

[Eman Ragab · Rating 2 out of 5]

كتاب ساخر ولكن ليس من الدرجة الاولى
يعد هذا الكتاب حقا من الناحية الساخرة المضحكة ولكن احيانا يتطرق الكاتب الى السخرية التى لا تفضى بمعنى أى سخرية بلا هدف

[Rabab · Rating 1 out of 5]

في الأول اعتقدت ان الكتاب ممتع ولكنه غير ممتع على الإطلاق، سعات بيخرج برة الموضوع زي الفرق بين المدير المصري والأجنبي وحاجات تانية كتير... وأكتر حاجة بتغظني الغلطات المطبعية
بس خلاص كفاية كدة

[Rima Sherif · Rating 3 out of 5]

to some extent funny