Baneitrað samband á Njálsgötunni

by Auður Haralds

„Ja, undir einhverjum áhrifum er hann,“ þrefaði lögginn.
„KONNráð,“ gaggaði kellingin, „hefurðu verið að ÞEFA af SOKKUNUM þínum?“
„Nei, ég er hættur því eins og ég lofaði,“ tautaði ég.
„Herra lögregluþjónn,“ sagði mamma við hann í trúnaðartón, „ég hélt hann væri heima hjá prestssyninum að lita í litabókina sína.“
Ég starði á þá gömlu. Með hverjum hélt hún eiginlega? MÉR?

Mætir Konráð skilningi hjá móður sinni? Nei. Hann finnur það nú bara bezt þegar hún rífur græjurnar hans úr sambandi á næturnar.

Svo hittir Konráð huggulega stelpu úr Hafnarfirði. En skánar lífið við það? Nei, því Lillu finnst ólíklegt að heimsendir komi fyrir jól og svo heldur mamma hans að Landleiðir gefi henni gulúr fyrir það eitt að fjármagna Konráð í strætó.

Heimurinn stendur sameinaður gegn Konráði, meira að segja löggan fer með hann heim, alsaklausan, grunaðan um ölvun á Hallærisplaninu.

Genres: Audiobook, Young Adult

125 pages

First published January 1, 1985

About the author

Auður Haralds er íslenskur rithöfundur. Fyrsta skáldsaga hennar, Hvunndagshetjan: þrjár öruggar aðferðir til að eignast óskilgetin börn árið 1979, vakti mikla athygli sem opinská grátbrosleg lýsing á hlutskipti kvenna við upphaf ákveðins kafla í kvennabaráttu á Íslandi. Hún fylgdi henni eftir með Læknamafían árið 1980 og Hlustið þér á Mozart? 1982. Skömmu síðar komu út þrjár bækur hennar um Elías sem byggðu á innslögum sem hún skrifaði fyrir Stundina okkar, sem Sigurður Sigurjónsson lék, og unglingabókin Baneitrað samband á Njálsgötunni. 1987 kom svo út síðasta skáldsaga hennar til þessa, Ung, há, feig og ljóshærð.

Reviews

[Sóley Reynisdóttir · Rating 5 out of 5]

Ofboðslega fyndin saga um samband drengs og móður í skugga kalda stríðsins. Endalausu þráhyggjur Konráðs fyrir heimsendinum voru svo melódramatískar þegar enginn tók undir þær og stríðsyfirlýsing móðurinnar tóku mig alveg út. Flissaði út í eitt að hlusta á lestur Sigurðs Þórs, sem var einstaklega frábær. Með betri bókum sem ég hef lesið í ár.

[Agnes Marí · Rating 4 out of 5]

Skemmtilegt og fyndin. Sterkir karakterar og áhugarverð stemmning

[Gerður María · Rating 3 out of 5]

solid þristur

[Lilja Magnúsdóttir · Rating 5 out of 5]

Must að hlusta á þessa í (leik)lestri Sigurðar Þórs á Storytel, frábær lestur á frábærri bók! Flissaði mjög oft því hún er mjög skemmtileg.

[Hólmfríður Árnadóttir · Rating 5 out of 5]

Alveg frábær lesning, nostalgían yfirþyrmandi og svo fyndin og skemmtileg. Ekki ein feilnóta (þó Konráð hafi ekki sett á sig handáburð).

[Guðjón Bragason · Rating 5 out of 5]

Alger snilld, afar fyndin út í gegn og rifjar upp æskuárin í skugga kjarnorkuvopna kapphlaupsins.

[Kollster · Rating 5 out of 5]

Stórkostleg - dásamleg - frábær

[Bjarney Einarsdóttir · Rating 5 out of 5]

Stórskemmtileg

[Elena Pétursdóttir · Rating 5 out of 5]

Frábær bók

[Sigurlaug Lára · Rating 5 out of 5]

Stórkostleg ❤️ ein allra besta og skemmtilegasta bók sem ég hef lesið

[Anna Karen · Rating 5 out of 5]

Hló upphátt svo oft, lestur Sigurðar Þórs gerir frábæra bók fullkomna!

[Nína Dóttir · Rating 5 out of 5]

Ég held svei mér þá að þetta sé skemmtilegasta bók Auðar sem ég hef lesið hingað til. Ég hló upphátt oftar en einu sinni og oftar en fimm sinnum.
Mæli mjög með hljóðbókinni! Hún er alveg frábær

[Signý Yrsa · Rating 5 out of 5]

Þessi bók er algjör snilld! Brjálæðislega fyndin og upplestur á Storytel frábær.

[Sindri Helgason · Rating 3 out of 5]

Mest óþolandi fólk í sögu íslenskra bókmennta

[Margrét · Rating 5 out of 5]

This is the best book! It had me crying with laughter. I was in the car, trying to read it out loud to my mother, and we were both laughing so much she had to stop the car.

[Asta · Rating 4 out of 5]

Var að lesa þessa í líklega þriðja sinn, enn jafn frábær.