تبيع دماغك: رؤية ساخرة

by أيمن خيري, مروة منير, سها المنياوي

352 pages

First published January 1, 2009

Reviews

[Mohamed Issa · Rating 2 out of 5]

بما إن الكتاب لخمس كتاب .. فتقيم الكتاب ككل هيكون في ظلم للبعض ..
الكتاب مفهوش معلومات من أي نوع اللهم شوية خواطر مكتوبة لكل كاتب بأسلوبه ..

الكاتب الوحيد إلي جذبني جداً و عجبني فعلاً هو "محمد صلاح" أخر جزء في الكتاب .. أسلوبه رائع و الموضوع المثار ممتع في الفترة الحالية بالنظر إلي الماضي .. الكتاب من سنة 2009 .. و الجزء بتاع محمد صلاح بيتكلم عن النضال أيام المنتديات و الفساد إلي في البلد و الناس إلي كانت بتقول كلمة حق في الزمن الأغبر ده .. طبعاً مع الأحداث الحالية في البلد و بعد الثورة و بعد الإنقلاب القائم الأن "إنقلاب 3-7-2013" .. الواحد عرف قد إيه كان في نعمة بعد ثورة يناير محسناش بيها غير لما اتسلبت تاني مننا .. نعمة حرية التعبير و النقاشات إلي رجعت محرمة الأيام دي ..
لو علي الجزء ده من الكتاب ياخد لوحده أكتر من 5 نجوم علي روعة الأسلوب

[Alaa El sayed · Rating 4 out of 5]

خمسة كتاب اختلفوا فى القضايا اللى ناقشها الكتاب ....
اول كاتب رائع جدا أيمن خيري بجد اتكلم عن قضيايا كلها اهم من بعض وبطريقة سخرية خفيفة و لذيذة ويستحق خمس نجمات
الكاتبة الثانية فاطمة عبد الله قضاياها كانت مهمة بردو بس تستحق 4 نجمات
اما مروة منير الكاتبة الثالثة قضياها كانت كويسة بس السخرية كانت اوفر ومش تتقبل اوي تستحق 3 نجمات
سها المنياوي الكاتبة رقم اربعة ناقشت مواضيعها كسرد قصة وكانت طريقة سخرية مختلفة عن الكتاب الاخرين تستحق 4 نجمات
اما الاخير محمد صلاح رائع جدا ناقش مواضيع اقل شوية عن الكتاب الاخرين بس طريقته ومعلوماته مهمة يستحق 5 نجمات

[Salma Komy · Rating 5 out of 5]

عجبتني الفكرة بصراحة .. جديدة ان يكون موضوع واحد و خمس كتاب يعبروا عنه , كل واحد بطريقته .. فاطمه عبدالله : كاتبة و اديبة جامدة جدا و ياريت تكملي كدة .. مروة منير : دمك خفيف بس بصراحة حسيت ان في حاجات مفتعلة علشان ارضاء القارئ , انت دمك خفيف و مش محتاجة دا .. سها المنياوي : بجد عرضتي الموضوع باسلوب مميز جدا و بسيط و سهل و خفيف اي حد يستوعبه و مايملش منه .. صلاح : انت مشروع كاتب رؤائي ناجح و اسلوب السرد عندك حلو اوي .. متهيألس انها تجرة مش بطالة

[ghada magdy · Rating 3 out of 5]

الكتاب مختلف لانه تجربة 5 كتاب يجمعهم اتوبيس ومن خلاله نجد كل واحد وتخيلاته وذكرياته ... يمكن معجبنيش اول كاتبين اوي واخر كاتب هو اكتر حد عجبني

يعني الكتاب في مجمله مش وحش بس انا مكنتش متشوقة اني اخلصه ومكنش بيشدني فبالتالي مصدقت انه خلص :)

[Salma Salem · Rating 2 out of 5]

بصراحة!! الكتاب مش عاجبني.. للأسف بقالي فيه شهوووور وقربت على سنة... ولسه واقفة فيه.. مش قادرة اخلصه
للأسف فكرة الكتاب الكتير (خمسة) حلوة.. بس القصص فيها تكرار وملل شديدين... ملل لدرجة ان احيانا في القصة الواحدة افكر كذا مرة اني اقلب الصفحة وخلاص.. أسفة بس الكتاب فشل بالنسبة لي

[Ahmed Abdelhamed · Rating 1 out of 5]

ماكملتووش

[Mahmoud Ghoz · Rating 3 out of 5]

مش حلو اوى
اخر كاتب كان اجمد واحد و الأول برضو كان معقول