العشق السادي

by أحمد العايدي

"للمحبة "27" لوناً ؛ "27" قصيدة بالعامية المصرية يتراوح فيها العشق بين لمسة لكرسي الحبيبة الدافيء والمتعة الصافية التي تحدث حين يجرح الخنجر غمده."

Genres: Poetry, Audiobook

104 pages

First published January 1, 2009

About the author

أحمد العايدي ، كاتب مصري من مواليد السعودية (الدمام) ،( 24 ديسمبر ،1974) روائي، وسيناريست، وشاعر، ومحرر أدبي، وكاتب كوميكس وقصص مصورة. درس التسويق بالجامعة المفتوحة.

* يُصنف كواحد من كُتاب مدرسة (المنيماليزم) الأدبية ، كما يعتبر نفسه تلميذاً لأحد أشهر كُتابها الروائي الأمريكي تشاك بولانيك والذي تلقى عنه دورة مكثفة في الكتابة عبر شبكة الإنترنت.

Reviews

[Ahmed Diaa · Rating 3 out of 5]

رعشة الرغبة البريئة
....................

رعشة اديك

في الحرام

غير رعشة اديك

في الصح

رعشة الخوف

غير رعشة الرغبة

البريئة

الاتنين في الزمن..

دقيقة

لما تحضن حد مش ليك

وعايزك

فيه حتة مبينفعش

تقربوها

مهما اتهيألكم

أنكم

- م الآخر- للآخر

في بعض

جربت ضمة تحسسك

برجوع ضلعك المنزوع

مكانه؟!

الغلط..

ضلع ملزوق

مش مكانه

مش باكدب عليك

ولا بأقولك

معايا توكيل الجنة

أنا زيي زيك

معنديش حاجة تمنعني

من دخول جهنم

غير قولة:

«يارب»

حبيت بس أقولك

رعشة اديك

في الحرام..

غير رعشة اديك

في الصح

-------------------

شعر لـ.. أحمد العايدي

[مصطفي سليمان · Rating 4 out of 5]

ببساطة أحمد العايدي
لو من بتقراء ليه من ايام مجانين
هتعرف كويس
العايدي
هو هو ودا احسن شئ ف الدينا
عنده كيان قايم علي ذاته
بالفاظه بكلامه بكل شئ
ممتع بشدة
وبسيط لدرجة التعقيد
يتقراء
ويتحس
:))

[منار هانى]

[Amany · Rating 5 out of 5]

يعمل أيه اللي قلبه بين صوابعك غير يطيعك

حتي لو عصاك

مش طلعه مني بحق ضيقي ... للسما غير همههمه

يمكن بيبانك ليا لسه مقفلة
بس أنا ..آسف يارب


أول ما بطلت استنى اللي ما يجيش
بقى بييجي ولأني مش طبعي
الخطف والخسه
أول ما بييجي اللي
ما استناهوش بسيبه


هو أنا ليه كل ما استنى أبدأ حياتي
بينكسر جوايا حلو وليه بعد ما النور
اتقطع .. ورتبت الأمور..غمضت عيني ، وجبت عكاز
وأخد كل خطوة
بطرف رجلي ولسا هامشي
للأسف..
النور رجع
بس أنا ..مبقتش أشوف


واكتشفت النهاردة
إن أكتر حاجات بتموِّت
هيا الحياة..
فبقيت لما يجيني
خبر موت فلان
اترحم عليه دقيقة
وعلينا بالساعات
اللي مات
لَضَم دايره في اكتمال
البدء بالنهاية
أما اللي عايش .. لسا متخيط
من جميع الجهات
للصبر شامة
على كتفي الشمال
منيش أيوب
وعمري ما كنت ع البلا صابر

جايلك على أبوابك مكسر
.. يا رب لصمّني

اسلوب سهل ممتنع الكلام من القلب للقلب موهبة عميقة واسلوب بسيط وشعر فلسفي ممتع من اجمل ما قرأت ♥♥♥

[Shaimaa Rady · Rating 4 out of 5]

من أكتر الكلمات اللي شدتني جدااا

رعشة الرغبة البريئة
....................
رعشة اديك
في الحرام
غير رعشة اديك
في الصح
رعشة الخوف
غير رعشة الرغبة
البريئة
الاتنين في الزمن..
دقيقة
لما تحضن حد مش ليك
وعايزك
فيه حتة مبينفعش
تقربوها
مهما اتهيألكم
أنكم
- م الآخر- للآخر
في بعض
جربت ضمة تحسسك
برجوع ضلعك المنزوع
مكانه؟!
الغلط..
ضلع ملزوق
مش مكانه
مش باكدب عليك
ولا بأقولك
معايا توكيل الجنة
أنا زيي زيك
معنديش حاجة تمنعني
من دخول جهنم
غير قولة:
«يارب»
حبيت بس أقولك
رعشة اديك
في الحرام..
غير رعشة اديك
في الصح

[Islam el hadary · Rating 4 out of 5]

ديوان جميل بحب بساطة احمد العايدى قوى وفيه اكتر من قصيدة تحفة زى:
شكرا يارب
رعشة الرغبة لبريئة
لصمنى
الفقرة اليتيمة
قطع صغير
اخر حد بيحبك
ليه (عجبانى جداااا)
وطبعا مش محتمل دى تحفة





معرفش امتى بقيت كده
مش مُحتَمَل”

ميحبنيش بين البنات
غير اللي بيحبوا الألم

صدري اتفتح للهوا
لكن أنا..
مقفول

تعمل ايه يا طبيب
في اللي عماه الأمل

حتى اللي فِهمِت فيا حتة
مكملتشي
سكة يمكن لو سابتها
كات حتمشي

لازم أداري الدمع
بالضحك الرخيص
ودا م الخجل..

معرفش امتى بقيت كده
مش مُحتَمَل”








وحشتينى لقيت نفسى بجيب اسمك واضغط
delete

[Shimo · Rating 5 out of 5]

بحب القرايه اوي والكتب بحسها قبل ما اقراها *_+
دورت علي كتاب اشتريه انهارده
ولفت نظري ( احمد العايدي ) ، الراجل ده فظيع في كتاباته بجد وقريتله كذا حاجه وكل مره يجنني ويبهرني اكتر من اللي قبلها
اشتريتله العشق السادي انهارده ، ومتأكده ان الكتاب هيعجبني كالعاده

وكالعاده لقيت مقدمه مجنونه زي اللي كتبها
(( إهداء الي عم احمد فؤاد نجم ، ومحمد منير ، وخالد كساب ، واحمد صلاح ،،،
وللبنت اللي عارفه انها بتاعتي
وحشتيني ، لقيت نفسي بجيب اسمك واضغط delete ))
مجنون كالعاده ،،،
طب لو دي المقدمه ، يا تري الكتاب نفسه ايه ؟؟


ولما قريت الكتاب عجبني جدااااااااااااا
احمد العايدي دايما وابدا رائع كالعاده
والحمد لله انه مش خذلني

[Mohamed Fawzy · Rating 3 out of 5]

نجمتان فقط هو التقييم الأنسب على ما أعتقد .. أضفتُ النجمةَ الثالثة لـ "جُرأته" على التجديد ..


مجدد جدًا أفكارًا و أسلوبًا و لُغةً :)

لكن حسيته "مسلوق" يعنى كان ممكن نفس الأفكار و الأسلوب المُختلف دا يُطرَح بشكل أقوى شِعريًا من كِده :)


****
مع القراءة التانية , لمست تفاصيل صغيرة ما حسيتهاش مع أول قراءة , يمكن علشان حالة الصدمة من التحرر التام من الموسيقى والإعتماد على موسيقاه الخاصة , يمكن علشان الأسلوب العجيب إللى متعرفش دا فلسفي ولا سطحى ... ما علينا :D

المهم إن العايدى فعلا قادر يخلق العالم بتاعه .. العالم إللى اكتشفت إن فيه أجزاء كتير شبهي :)

[Abdelrahman Elkomy · Rating 3 out of 5]

الديوان ده فيه حاجة غريبة

ان انت مش عارف تغرق ف التحليل للنص .. ولا تتعامل معاه بسهولة

و اظن ان اسلوب الكاتب هو اللى عمل الشعور ده
الاغراق ف تفصيل بعض الافكار
وبعدين يسيب افكار تانية من غير تحليل

اللى ابهرنى ف الكتاب ده .. الافكار الجديدة .. رؤية مختلفة لحاجات كتير اوى .. احيانا بيشرحها كويس .. واحيانا بيسيبها لخيالك وتفكيرك وانت تختار بأه فهمك

الكتاب ده اللى اعطاه ليا .. الكبير عمر عراقى .. وله خالص الشكر والتقدير :)) وسمعنى سلام بحبك اساحبى ^^

بس بجد .. يحتاج لقراءات كتيرة حتى تصل لحكم كامل عليه

[حازم · Rating 3 out of 5]

أعجبني الديوان.. خصوصاً آسف، قطع صغير، يارب، عُصيان الأمن.. أجمل ما في القصائد هو بعض الجمل التي تجبرك أن تعيد قراءتها.. كان في بعض الأبيات العبقرية زي "واكتشفت أن أكتر حاجة بتموّت هي الحياة".. قصائد العشق السادي كانت بديعة، تلامسك تماماً.. وكذلك بعض القصائد السياسية راقت لي. لأبد أن يكون هناك بعد الحين والآخر ديوان شعري أتجوّل بين أبياته.. فالشعر يسبب لي راحة نفسية غريبة عقب قراءته.

[شاب فقري · Rating 5 out of 5]

الديوان زي ما توقعت وأروع شوية وبهرني فيه قصائد زي لو بنتك تنفع بنتي والعشق السادي وما كتبه إلي الله
عن العتمة والنور عن الشوق والجنون
هوا دا الديوان ...
بالروعة اللى تخطفك كدا ببعض قصائده
وفى قصائد فصلتني تماما
لكن ...
البقية كانوا الأروع علي الإطلاق

[Radwa · Rating 4 out of 5]

جربت ضمة تحسسك
برجوع ضلعك المنزوع
مكانه؟

[Sherine · Rating 5 out of 5]

♥♥♥♥

[Mhmd · Rating 1 out of 5]

إذا كان فيه حاجة كويسة ف الكتاب ده فأكيد هو الغلاف الرائع للفنان أحمد اللباد

[Heba Ghandy · Rating 5 out of 5]

فى كتب لو حبيت تعمل اقتباس منها
هتكتب الكتاب كله ..
زى الكتاب دة :))))

عاجبنى جداً :DD
و هعيد قرايته تانى و تالت ان شاء الله

[Yara abdelkarim · Rating 1 out of 5]

مش حلو الكتاب ومش صادق اوى محستوش يعنى

[Sameh · Rating 5 out of 5]

"لونتك
سما من عيني
كونتك
مرمر كامل
شديتك
ملو دراعي
وديتك
وانا مش واعي
باتمني وعارف ردك
لو بنتك
تنفع بنتي"

[HenD ShahiN · Rating 5 out of 5]

كل ما اقرأه ، جملة واحدة بتجيني: "هو في كده ؟!" مصحوبة ب ـ كتيير من التفكير

[Chegrane Hanane · Rating 2 out of 5]

بالعامية لم استسيغها

[Nada khalled · Rating 3 out of 5]

ديوان عامي خفيف , اخر ديوان أو اخر كتاب هقراه في 2014 بما أن السنة خلصت
:)

تقريبا كل القصائد الي فيه حلوة وليها معنى ولمستني



انتِ
انتِ الفصل ما بين السكر
وسط الشاي
وانتِ سيجارة
أخيرة في جيبي
وانتِ القلم البك
في ايدي
وانتِ الراديو في عز الظهر
بكل غباوته
وانت سريري
انتِ تيشيرت
مقطع بايظ
واخد مني ريحة جلدك

أبوس البحر
بلاد الله على مركب
بلا ريِّس
ونجم في قلب حوت يونس
رماك الموج على جزيرة
لا شافت رجل من قبلك
ولا راجل
أبوس البحر يا مولاي
كما وصوني من قبلك
الاقي البحر رايح جاي
يقولي : هو فين وعدَك ؟
أشاورعالسما بِالعين
عينيَّ دموع ودا بيضحك
اقول للبحر دا مولاي
يقولي : نجم ليه باعتك ؟
واميل براحة وف ودنه
أزيل السِّر من صدرك
عزلني الشوف نسيت اسمي
غزلت الصوف على اسمك
صباحالبحر يا مولاي
بيبدأ..
من أثر رجلك

[Ahmed Mohsen · Rating 2 out of 5]

هو أنا توقّعتُه أحسن من كدة من الكلام اللى سمعتُه عنّه
لكن لقيتُه فى المُجمل متوسّط إلى جيّد يعنى
لكن فيه بعض القصائد أفكارها جميلة جدا ، وبعضها افكارها حلوة بس كتابتها مش بمستوى الفكرة
وفى جمل الواحد بيقراها كتيييير ، جمل جميلة فعلاً
فى قصائد مستمتعتش بيها خالص
ومن القصايد اللى عجبتنى
الفقرة اليتيمة
ورعشة الرغبة البريئة
وشكرا يا رب
تعويرة
قطع صغيّر

[احمد محمود · Rating 4 out of 5]

بنقرا شعر كتير وبنقول عليه لو الكاتب ده موهوب او شخص موهوب هيكتب نفس الكلام ده بس المهم يكون عنده أفكار .. احمد العايدي عاجبني ديوانه إن لو شخص موهوب برضه جداا ممكن ميعرفش يكتب نفس الكلام ده كمان حتي لو الفكرة جت في دماغه . كفاية الاهداء رغم بساطته

وحشتينى لقيت نفسى بجيب اسمك واضغط
delete

عظيييم بجد .

[Abdul-rahman Salem · Rating 3 out of 5]

لم يعجبني سوى ثلاثة قصائد فقط

عصيان الأمن
آسف
ربنا

الباقي فأنا أتفق تماما مع mahmoud youssef

تحديث: بعد قراءته للمرة الثالثة أعجبني أكثر.

[Adel salib · Rating 3 out of 5]

يعني ديوان متوسط بس بعض قصايده قريتها قبل كده في الصجف او علي النت
بيعجبني بساطة احمد

[Marwa Eletriby · Rating 3 out of 5]

رقيق ..
يمكن بس توقعته أفضل من كده

[Nada Bedawy · Rating 3 out of 5]

3.8

قرأته من فترة ونسيت أضيفه هنا، بس لسه فاكرة أثره الغريب وإنه ماكنش عادي أو زي حاجة قريتها قبل كده.. مش عارفة، "غريب ومميز"

[نجلاء سعيد]

_"توقفوا عن تقييمي. تقبلوني كما أنا, لا كما تريدون لي أن أكون."


#أحمد_العايدى

[Saja · Rating 4 out of 5]

لَمْ يبان الصُّبح
ماله؟
ليه حزين؟
هيَّ نايمة
هوَّ صاحي
نوم وصَحْو القلقانين
حتى في نزوله السَّلالم
صمته حتى
قال أنين
كل ما اتمنَّاه جريمة
تُهمة العشق اللعينة
كل ما يقرَّب بِتبعد
كل ما بيهرب حزينة
يا اللي علِّمت المحبة
علِّم البحر السَّكِينة
لغه عاميه جميلة رغم قوة العنوان الا انها سطور مليئه بالمشاعر والحب،

[Souad · Rating 2 out of 5]

العشق ليس متعة خالصة انما الم ممتع

[Ehab · Rating 1 out of 5]

منتهى الركاكة ، تحس أنه كاتب خليجي و ناشر الكتاب بفلوسه
معرفش ده كان ظاهرة إزاي