Миний гунигийн түүх

by Өлзийтөгс Л.

Шилмэл шинэ шүлгүүд 2007

Царс модод цагаа ирэхээр өмхрөн унана
Цас түрж ургасан хөх яргуй, хөөрхий хагдарна
Царайлаг залуу нас өвс шиг гэнэт гандана
Цаасан дээр тарьсан модод минь л зуу зуун жил ургана

Genres: Poetry

78 pages, Paperback

First published January 1, 2007

Reviews

[Eny Rebel · Rating 4 out of 5]

Яагаад надад үе үе
ийм гунигтай байдгийг мэдэхгүй
Яаж би амьдралгүйгээр
амьд явна гэж бодсоноо ч ойлгодоггүй
Хүрч үл чадан,
хүмүүсээс өөрийгөө тусгаарлах болсноо
Хэлж үл чадан,
өмнө тань дуугүйхэн л зогсох байна

[Ishdolgor · Rating 4 out of 5]

Үхэл болгоныг дагаж
үхдгийнхээ учрыг мэдэхгүй
Хэзээ миний доторхи
цасан зогсохыг ч мэдэхгүй /хуу74/

Саарал тэнгэрээс ийм ая бударна гэж хэн мэдлээ
Санаа алдах минь жаргал байна гэж хэн саналаа. /хуу34/

гээл зөндөө гоё шүлэгнүүдтэй, гоё ном байна.

[oyungrl · Rating 3 out of 5]

3.5✨

Одоо ганцхан дурлачихахд…
Одоо ганцхан дурлуулчихаад…

Одоо ганц л намрыг,
шарласан тэнгэртэй нь харчихаад…
Орь залуухан хавраар нэг л амьсгалчихаад…

Бов бор шорооноос
ногоон өнгө дэлгэрэхийг үзчихээд…
Болжморын нүдэн дэх инээмсэглэлийг…
гэрэлтэн, гэрэлттэлээ харчихаад…

Өвс чирсэн шоргоолж
үүр рүүгээ зүтгэхийг үзчихээд…
Өндрийн ганц шувууг
саравчлан, саравчлан харчихаад…

Солонго руу давхиж яваа
эрмэг цагаан гүүг
Солонго доторх солонготой нь
ганц л удаа харчихаад…

Модод шөнөөр ододтой
байраа солихыг үзчихээд…
Одны гэрэлтэй усанд
хөлөө нэг л дүрчихээд…

Сүүлчийн удаа,
ганц удаа

Сүмийн оройд заларсан
гөрөөсөнд мөргөчихөөд

Ээ, хичнээн их хүсэл вэ,
сэтгэл яасан их вэ!
Хэний ч бичээгүй шүлэг
ганцыг биччихээд…

[Uiten]

Энэ номыг худалдаж авмаар байхын. Байгаа хүн байвал зараач please

[Tsevelmaa · Rating 4 out of 5]

Энэ амьдралын хүлцэшгүйтэй
Элдэв хүмүүсийн тэвчишгүйтэй
Эвлэрэх ганц зам
чиний инээмсэглэл!

Надад байгаа
цор ганц хөрөнгө ...
Наранд ганцаар хүрчихсэн мэт
тийм өндөрт аваачдаг
чиний инээмсэглэл!

[Sarah MN · Rating 4 out of 5]

Хаврын тухай мөрөөдөн
Өвлийг эхлүүлж байна, би!

Ай даа,
Хаалгаа хааж байгаад
Нам гүмийг бүтээх минь!
2005. 10.30 Л.Ө /70-р тал.

[Хандсүрэн · Rating 5 out of 5]

Үнэхээр гайхалтай зохиолч яаж энгийн зүйлсийг ер бусийнаар буулгадгийг огтоос ойлгохгүй.Унших тоолондоо зүүднийхээ ертөнцөд байгаа мэт мэдрэмжийг авдаг.😗

[Oyundari Sergelen · Rating 5 out of 5]

Гуниглаж байгаа бол бид амьд байна гэсэн үг. Аз жаргал мэт уйтгар гунигаа бас хайрлая. Өлзий эгчийн номыг мөн хайрлан уншаарай.

[Firstname · Rating 3 out of 5]

Dark za.

[Tulga G · Rating 5 out of 5]

"Одоо ганцхан дурлачихаад...
Одоо ганцхан дурлуулчихаад...
Одоо ганц л намрыг шарласан тэнгэртэй нь харчихаад...
Орь залуухан хавраар нэг л амьсгалчихаад..."
("Баттогтохын дурсгалд" шүлэг, 31-р тал)

"Яг одоо нэг нь дарс шимж суугаа.
Яасан ганцаардал!
Яасан жаргал!
Яг одоо нэг нь нулимсаа арчиж суугаа.
Яасан амьд!
Яасан гуниг!"
("Яг одоо" шүлэг, 51-р тал)

[Moogie · Rating 5 out of 5]

Сэтгэл догдлуулсан, гуниглуулсан... Нэг тийм мэдрэмж. Ийм л мэдрэмжтэй номыг зохиолчоос дахин ХYЛЭЭСЭЭР

[Агниста Зул · Rating 5 out of 5]

Нартай сайхан налгар өдөр уулзахын ерөөл тавьсан юмсан биелнэ гэдэгт итгэж явдаг.