Land Rover

by Suso de Toro

n Land Rover, Suso de Toro, con intachable sentido da progresión narrativa, bríndalles ós seus lectores unha obra singular, bicéfala, pechada en si mesma coma un círculo perfecto no que se inscriben a fábula e a historia, mito e realidade. Suso de Toro dálle a volta á historia bíblica da xénese e, agora, é Abel quen mata a Caín cunha chave inglesa. (José F. Ruíz Casanova, El Observador,Bbarcelona). Con Land Rover Suso de Toro demostrou ter un mundo na cabeza e unha voz propia capaz de crear vidas recoñecibles. Recoñecibles e auténticas, porque nos fan rir e chorar, pensar e maldicir, odiar e querer. E iso, non outra cousa, é ser un bo escritor. (Miguel Suárez Abel, El Correo Gallego,Ssantiago). Land Rover é unha gran novela, desenvolta entre os límites rural e urbano. Escoitando os seus seres paréceme entrar en calquera bar galego (canto máis cutre, mellor). pero é que, ademais, son personaxes desinhibidos, realistas e sucios.

184 pages, Paperback

First published January 1, 1988

About the author

Xesús Miguel de Toro Santos, máis coñecido como Suso de Toro, nado en Santiago de Compostela o 10 de xaneiro de 1956, é un escritor galego.

O seu pai é de Formariz (provincia de Zamora) e a súa nai de Falapaso (Camboño, Lousame). Seu irmán, Xelís de Toro, tamén é escritor.

É Licenciado en Arte Moderna e Contemporánea pola Universidade de Santiago de Compostela. É guionista para televisión e colaborador habitual na prensa e na radio, publicou en galego máis de vinte libros de narrativa, teatro e ensaio. A súa obra, ademais de ser traducida a varias linguas, foi obxecto de estudo en diversas universidades europeas.

En abril de 2010 anunciou a súa retirada como escritor profesional, retomando a súa carreira de profesor de secundaria.

Nas Eleccións ao Parlamento Europeo de 2014 concorreu na lista Os Pobos Deciden. En abril de 2014 foille concedida a Creu de Sant Jordi.

Reviews

[Ana Beloso · Rating 5 out of 5]

Incrible o que sae cando xuntas a Biblia coa Esmorga e con Cumbres Borrascosas e mommy issues

[Carlos De Castro Martínez · Rating 4 out of 5]

Un "A esmorga", pero tétrico. Xenial!

[XandreRL · Rating 3 out of 5]

Surrealista e cruda radiografía da esencia do ser humán galego, con un pé no rural e outro no asfalto, do mesmo xeito que a sua testa. Pequenas e negras pezas que son fiel reflexo a idiosincrasia galaica tanto no social como no persoal. As veces e denso é kafkiano. As veces brilante e talentoso. Como un bo galego que atopes no medio dunha escaleira.