სხვა სკოლა

by Natia Rostiashvili

როგორია ბავშვებისთვის საოცნებო სკოლა? იქნებ ისეთი, სადაც სახელმძღვანელოები არ არის საჭირო და ბევრი დავალების შესრულების გარეშე ასწავლიან ცხოვრებას, წარმატების მიღწევის გზებს, საფრთხის მოგერიებასა და სწორი არჩევანის გაკეთებას?

„უკვე შეგვიძლია, ქალაქის პრესტიჟულ სკოლაში გადაგიყვანოთ, წარმოგიდგენია?! ის სუულ სხვანაირი სკოლაა, იქ სუულ სხვანაირ საგნებს ასწავლიან. უწიგნებოდ“, – ეუბნება გახარებული დედა წიგნის მთავარ გმირს, ლეოს, რომელსაც თავისი სოფლის სკოლა, სოფი მასწავლებელი და საუკეთესო მეგობარი – ნიკო არ ეთმობა, მაგრამ ისიც იცის, რომ მშობლებს მისთვის საუკეთესო უნდათ და ახალ სკოლა-პანსიონში ახალი გამოწვევებით სავსე ცხოვრებას იწყებს.

ადეკვატური რეაქციების გამოწრთობის გაკვეთილი, თანასწორობის გაკვეთილი, თავდაცვის გაკვეთილი, სწორი არჩევანის გაკეთების გაკვეთილი – ასეთ საგნებს ასწავლიან „სხვა სკოლაში“ – სასარგებლოდ და საინტერესოდ ჟღერს, არა? თუმცა, ნათია როსტიაშვილის ეს იუმორითა და სევდით შეზავებული წიგნი, რომელიც არამხოლოდ ბავშვებისთვის, მშობლებისა და მასწავლებლებისთვისაც დაიწერა, პირველ რიგში იმას შეგვახსენებს, რისი დავიწყებაც არავითარ შემთხვევაში არ შეიძლება „ცხოვრების სწავლების“ გზაზე – სიყვარულის, მეგობრობის, თანაგრძნობისა და თანადგომის აუცილებლობას.

208 pages, Paperback

First published January 1, 2022

Reviews

[Lika · Rating 4 out of 5]

Relatable

[Beka Adamashvili · Rating 4 out of 5]

თუკი ბავშვებმა ერთმანეთის მხარდაჭერა, თანადგომა, სიკეთე, დამოუკიდებლობა და თავისუფლება მაინცდამაინც წიგნებიდან უნდა ისწავლონ, ეს წიგნი ამ ცხოვრებისეული სკოლის ერთ-ერთი კარგი სახელმძღვანელო შეიძლება აღმოჩნდეს.

ამასთან, მგონი, ეს იმ იშვიათ შემთხვევათაგანია, როცა ავტორი ძლევს ცდუნებას ბავშვის პერსპექტივით ლაპარაკისას ამ ბავშვს დიდურ-ჭკვიანური აზრები არ აძახებინოს. ყოველ შემთხვევაში, ამის მცდელობის განცდა არ დამრჩენია.

[Elene · Rating 2 out of 5]

მთავარი პერსონაჟი საკმარისად არ იცვლება დროის განმავლობაში და თუ პრობლემატურ თემებზე წერ წიგნს მაშინ მთავარ პერსონაჟსაც საინტერესო თვალსაზრისი/აზრები უნდა ჰქონდეს პრობლემების შესახებ—როგორც მაგალითად: ანე ფრანკის დღიური🌟 უინტერესო წერის სტილი მგონია და მოზარდები ეგეთები არ არიან, 40 წლისმა ქალმა დაწერა წიგნი ამ თაობაზე ხოდა 👍 თითქოს შიმშილის თამაშებში კეტნის ევერდინს რომ არ გადაერჩინა თავისი და, შიმშილის თამაშები არც მოხდებოდა და ეგ არის ამ წიგნის მთავარი პერსონაჟი-ლეო, უბრალო მშიშარა ბავშვი რომელიც არ ყალიბდება. ყველაფერი არ იყო ცუდი ამ წიგნში ისე.