يا جميل يا اللي هنا

by أشرف عبد الشافي

تعب الهوى قلبي مع الواد محمد فوزي ده، فهو الجميل الذي هنا وهناك وفي كل مكان حولي، هو المُلهم لفصول هذا الكتاب المكتوب على نغماته وبهجة روحه.

276 pages

Published January 1, 2022

About the author

صحفى بالأهرام
كاتب قصة .. صدرت له مجموعة قصصية بعنوان (منظر جانبى ) عن دار ميريت للنشر .
مدير تحرير صحيفة الموجز

Reviews

[Mohamed Metwally · Rating 3 out of 5]

بطريقة البورتريه في الكتابة، يرسم الكاتب الصحفي أشرف عبد الشافي صور لعديد من الشخصيات المحورية لحياته، مشاركا معنا مجموعة من الشخصيات، وكلهم من الفنانين والأدباء المصريين والعرب، الذين أثروا في حياته وكان لهم بصمة جميلة فيها. يفتتح الكتاب بفصل عن الفنان محمد فوزي، ولكنه الشخصية الوحيدة التي يعود الى ذكرها من حين لآخر خلال الكتاب، وهو لا يخفي حبه الخاص له.
اتعرفت في الكتاب ده على شخصيات جديدة لها ثقل في الثقافة العربية، وعرفت تفاصيل أكتر عن شخصيات أخرى...

قرأته ضمن تحدي 'أبجد' للقراءة

محمد متولي

[Abeer · Rating 4 out of 5]

كتاب جميل وممتع

[Hager · Rating 4 out of 5]

"ياجميل ياللى هنا .. ايه جابك عندنا "

طول مانا بقرأ الكتاب
الغنوه كانت دايره فى دماغى بصوت فوزى
❤️

شخصية خفيفة الظل
بصوت رايق والحان معلمه معانا لحد دلوقتى
مين افضل من فوزى كبدايه للكتاب
❤️❤️
بدأت الكتاب وكنت فاكره انه كله عن سيرة فوزى وحياته
واغانيه اللى معلمه معانا لحد دلوقتى
❤️
محمد فوزى يعنى
"طير بينا ياقلبى ولا تقوليش رايحين على فين "
اللحن العظيم اللى مبيقدمش
❤️
يعنى افلامه الخفيفه مع مديحه يسرى
يعنى اشهر اغنيه للاطفال "ماما زمانها جايه "
بس خلصت حدوته فوزى بسرعه وخدنا الكاتب فى رحله عن اشخاص ليهم دور منهم مشهورين ومنهم مهمشين

اتكلم عن عبد الرحمن الابنودى ومتابعته للكوره العالميه ❤️
وعن شبابيك وتجربه شبابيك والخلاف بين منير ويحي حقى

اتكلم عن لطفى لبيب الجندى المجهول فى الافلام
اللى لسه ايفاهاته معلمه معانا .. رغم بساطة ادواره لكن ليها اثار عميقه فى نفوسنا ❤️

احمد مجدى اللى اتصدمت من انه اكتر من مجرد ممثل حليوه
وان فيه بعد اعمق لشخصيته
❤️

عن نزار رسول الحب والبطل الاول لاغانى معشوق النساء كاظم ❤️
عن محمد عفيفى اللى دخل مجلة ميكى معشوقه الاطفال والكبار مصر ❤️❤️

عن داليدا والصوت الفرنسى الساحر و محمود مرسى اسطورة التمثيل ❤️

عن امينة رزق الام من غير اطفال و صلاح السعدنى صاحب الملامح المصريه من اول ملامح وشه لخفة دمه لادواره فى السينما والتلفزيون

ابراهيم اصلان و خيرى شلبى
الكتاب اللى بتشم ريحة مصر بملامحها فى كتاباتهم

وغيرهم كتير اتكلم عليهم فى الكتاب الخفيف الممتع دا
❤️

بدايات مشرقه ل ٢٠٢٣ ❤️

[Iman Ghazal · Rating 5 out of 5]

الكتاب ده في الأول هيخدعك بغلافه وعنوانه وهتفتكر أن الكاتب بيحكي سيرة الجميل العبقري محمد فوزي.
لكن في الحقيقة هو ربط أشهر أغاني فوزي بذكرياته وحكاياته عن مثقفين كتير.
رجعني اقرأ بالورقة والقلم واكتب أسماء الكتاب اللي ذكرهم والكتب اللي حكى عنها منهم ناس مشهورين وكنت أعرفهم وأخرين عرفتهم من خلال الكتاب، لكن الأكيد أني هدور عالكتب اللي سجلت أساميها واقرأها.
ممتع وخفيف مش طويل اوي ٣٢٨ صفحة على أبجد لكن حقيقي غني بالحكايات والمعلومات.

[Moshira Mahmoud · Rating 4 out of 5]

سعيدة اوى اني لقيت كتاب عن محمد فوزي ..خفيف الروح جميل الطلة -كما وصفه الكاتب- وجان الطفولة بالنسبالي.. وسط انشغال السيدات والبنات بعبد الحليم حافظ ورشدي اباظة وأسماء اخرى.. كانت موهبة وخفة محمد فوزي بتأسرني جدا ❤️
وحبيت جدا الكتاب وخطوة جميلة لتوثيق حياة وسيرة الفنان محمد فوزي الثرية

[Esraa Bahy إسراء باهي · Rating 5 out of 5]

يعيش أستاذ أشرف على كل الجمال دا.
هو الجميل هنا وهنا وهنا وفي كل مكان..
شكرًا على الكتابة الرائعة وهذا الكتاب البديع. 🤎🤎🤎🤎