مشروع سولتوبيا

by أدهم الجيزاوي

236 pages, Unknown Binding

Reviews

[Mohamed Metwally]

أول ما بدأت القصة حسيت اني داخل في خلطة من مسلسل Squid Game على Hunger Games، وده خلاني مترقب ان العمل يطلع مجرد نسخة شبيهه بيهم من دون اضافة، لكن الموضوع طلع مبني بطريقة مختلفة وداخل فيه عناصر أخرى، لكن للاسف الجمع بين اشكال مختلفة من ادب الديستوبيا في عمل واحد اقل من ٣٠٠ صفحة خلاها مكعبلة حبتين، اضافة عناصر الروبوتات والشرائح الدماغية مع اليهود وسعيهم لاعادة تشكيل التاريخ من خلال التلاعب بالزمن والابعاد الموازية خلى القصة كوكتيل من كل حاجة في الخيال العلمي وبالتالي شتت القصة، مينفعش عمل بالحجم ده يجمع كل ده بين صفحاته ويكون محكم، يمكن لو دي كانت قصة من ٣ او ٤ كتب كان يديها فرصة لاعطاء كل بعد منهم كفايته، زي اعمال الديستوبيا الكبيرة.
مشكلة تانية كانت عدد الشخصيات الكتير في القصة اللي كان بيتم تقديمهم بنبذة بسيطة لا تكفي (خصوصا اننا كنا بنتعرف عليهم مجموعات في كل مرة) وبدون اعطاء حجم كافي لبناء صورة وخلفية عن كل شخصية.

يا ريت كان العمل اطول من كده، كان هيبقى احلى بكتير..

وبكده اختتم قراءات ٢٠٢٢ متطلعا لعام جديد من القراءة...


MiM