Peksman (Mamatay Ka Man) Nagsisinungaling Ako

by Eros S. Atalia

"Itaga man sa bato (hindi yung kailangan ng tooter; at wag yung kay Darna, baka magilitan sa leeg; o sa bato-batong dumadami sa lunsod), ito na nga ang sequel na nangangakong manganak ng iba pang sequels--hindi kayang ubusin ang angas sa buhay ni Eros, o ang sa mambabasa." --Roland Tolentino, Unibersidad ng Pilipinas

Genres: Humor, Comedy, Adult, Nonfiction, Asian Literature

First published January 1, 2007

About the author

Si Eros S. Atalia ay nagtapos sa Phililippine Normal University noong 1996 sa kursong Bachelor of Secondary Education Major in Filipino at tumangap ng Balagtas Award. Tinanghal bilang pinakamahusay na major mula 1994-1996. Nagwagi ang kanyang tulang “Maririing Tusok ng Kalawanging Karayom sa Nagngangalit na Ugat” ng Unang gantimpala sa Pambansang Patimpalak sa Pagsulat ng Tula ng Pandaylipi Ink., noong 1995. Naging manunulat sa The Torch (Ang Opisyal na Pamahayagang Pangkampus ng PNU) mula 1993-1995. Naging contributor din siya sa mga pambansang tabloids. Kinilala ng Komisyon sa Wikang Filipino, Talaang Ginto ang kanyang tula “Maglaba ay Di Biro” bilang ikalawang gantimpalang banggit noong 2004 at sa taon din iyon ay nagwagi ng ikatlong Gantimpala para sa Gawad Collantes sa Sanaysay na may pamagat na “Ang Politika ng Wikang Pambansa: Mula sa Iba’t Ibang Pagsipat at Paglapat (Paghimay, Pagbistay at Pagtugaygay sa Suliranin ng Pilipinas sa Wika). Isa sa mga editor ng “Kamasutra” salin sa Filipino at naging creative consultant ng Asian Social Institute sa isang nilimbag na monograph. Kasalukuyan nyang tinatapos ang kanyang Master of Arts in Language and Literature Major in Filipino sa DLSU sa ilalim ng SFA at nagtuturo ng Filipino sa Faculty of Arts and Letters, University of Santo Tomas na kung saan ay Junior Associate siya sa Center for Creative Writing and Studies.

Reviews

[K.D. Absolutely · Rating 3 out of 5]

Ang librong ito ay binubuo ng 174 na mga pahina at nahahati sa dalawang bahagi:

Una, ang parang mga anekdota ni Eros Atalia na may pamagat na Peksman [mamatay ka man], Nagsisinungaling Ako hanggang pahina 133. Pangit. Parang istilo lang ni Bob Ong. Hindi ko gusto: maliwanag na 1 star (I don't like it). Siguro kung nabasa ko ito bago ko nabasa si Bob Ong sa ABNKKBSNPLAko?!? (2001) o Bakit Baligtad Magbasa ng Libro ang mga Pilipino (2002) o Stainless Longganisa (2005) baka nagustuhan ko pa. Malamang naki-uso lang si Atalia dahil kumikita pa noon ang mga libro ni Bob Ong. Taong 2007 din naglabas ng fiction si Bob Ong, ang MacArthur kasabay ng labas ng librong ito ni Eros Atalia na isang non-fiction, Peksman (Mamatay Ka Man) Nagsisinungaling Ako . Pangalawang libro ito ni Atalia nguni't unang libro niyang nilimbag ng Visprint, Inc. na siya ring publisher ng Bob Ong books. Malamang-malang nito sinabi ng Visprint executives kay Bob Ong na tumigil na sa non-fiction kaya ang "MacArthur" (2007) ay drama, ang "Kapitan Sino" (2009) ay pantasya at ang "Mama Susan" (2010) ay horror dahil hindi na singlakas ng mga naunang libro ang "Stainless Longganisa" (2005). Sabi nga ni Vim Nadera, Director ng UP Institute of Creative Writing sa kanyang blurb ng libro: "Humanda ka, Bob Ong!"

Ang masasabi ko lang: kung ang istilo ni Atalia sa unang bahagi ng librong ito ang paguusapan, mas gusto ko na si Bob Ong. Bakit? Kung si Bob Ong ang nagkuwento tungkol sa buhay estudyante niya sa "ABNKKBSNPLAko" o sa buhay pulitika sa bansa sa "Baligtad" o bilang manunulat sa "Stainless", wala namang ginawang bago rito sa unang bahagi si Atalia kundi ikuwento ang buhay ng bagong gradwyet sa kolehiyo: ang pahahanap niya ng trabaho, ang paha-hire sa kanya, ang relasyon niya ng tatay at nanay niya (solong anak sya) at ang kanilang munting bahay. Kung si Bob Ong ay matipid sa salita, si Atalia ay saksakan ng daldal: wordy at nakakabagot basahin dahil kung saan-saan pumupunta ang kuwento niya. Nariyang ikuwento pa nga ang kanyang pagsa-shower. Buti man kung ka-mukha siyang artista kasi habang nagbabasa ka, inilalarawan mo ang tagpo sa isip mo di ba? Kapag kasi tiningnan mo ang larawan nya sa likod ng libro, ngii... bakit pati paghuhubad nya ng briefs, kinukuwento nya>. Di talaga ako natawa o natuwa o natuto sa bahaging ito dahil hindi ko makuha ang punto na kailangan ko pang mabasa ang naranasan ko rin o alam kong nararanasan pa rin ng iba sa kanilang unang paghahanap ng trabaho. Sa madali't salita: wala na ngang bago, nakakabagot pa.

Pero hintay:

Sa pangalawang bahagi: Mga Kuwentong Kasinungalingang Di Dapat Paniwalaan bumawi si Atalia. Kung ire-rate ko ang bahaging ito ay narararapat na 5 stars (Amazing!). Walang alinlangan. Walang pasubali lalong lalo na ang pinakamaikling kuwentong Ang Umari sa Puso ni Simang Aswang na sobrang nakapagpatawa sa akin at ang mala-henyong paglalahad ng huling kuwento: Si Intoy Syokoy ng Kalye Marino. Sakto. Matipid sa salita nguni't punung-puno ng galing ang mga pangungusap. Patang pantas sa literaturang katutubo si Atalia dito. Ito na lang, ang aking hamon sa iyo: kung wala kang perang pambili ng librong ito at may bukas na kopya sa Fullybooked o National Bookstore, basahin mo ang huling kuwentong ito. Sigurado akong bibilhin mo ang libro. Yan ay kung may pagmamahal ka sa librong sariling atin.

Kumpara kay Bob Ong, si Eros S. Atalia ay nagpapakita at nagpapakilala sa publiko. Siya ay nagtapos ng Master of Arts - Language and Literature, Filipino sa La Salle (DLSU) at natuturo ng Filipino sa Faculty of Arts and Letters sa UST kung saan ay Junior Associate siya ng Creative Writing and Studies.

Ibig kong sabihin: mukhang sa qualifications pa lang lamang na siguro si Atalia kay Ong. At sa ikalawang bahagi ng libro, napatunayan niya ito.

Baka lang may magtanong tungkol sa pamagat ng libro. Sa dakong huli ng unang bahagi, mayroong isang karakter na sintu-sinto at siya raw ay may lihim: alam daw nya ang kahinaan ng tao at may mga aliens na dumakip sa kanya at pilit na gustong malaman ang lihim na ito. Hindi raw nya puwedeng sabihin sa karakter ni Atalia sa unang bahagi dahil baka marinig ng mga aliens kaya kapag nagsasalita siya at pawang pagsisinungaling. "Talaga?" tanong ng karakter ni Atalia sa sintu-sinto. "Oo, mamatay ka man." Kaya ang pangalawang bahagi na binubuo ng mga maiikling kuwento ay pawang mga kasinungalingang kuwento. Pero kung susuriin mo, hindi ang huli at pinakamaganda: Si Intoy Syokoy ng Kalye Marino.

Ganda!

[Joanna Aira · Rating 1 out of 5]

Nako!
Binigay ko na 'tong librong 'to sa kaibigan ko dati kahit 'di ko pa natatapos.
'Di ko ma-take.
Parang ewan, hindi ko maintindihan kung tungkol ba saan 'yung binasa ko.
Hahaha.

Pero, buti, nagustuhan naman ng ibang readers 'to.
Iba-iba talaga taste ng tao.
Kaya mahirap din tumanggap ng recommendation pagdating sa books kasi, pwedeng nagustuhan ng marami, pero ikaw hindi mo magustuhan.

[Apple Austria · Rating 3 out of 5]

a deeper bob ong.. there are times when things get corny.. especially if he redundantly gives out examples to drive a point.. it crashes.. anyway.. i don't think the book is solely written for one to laugh.. it makes you think.. and wake up to what is obviously in front of you.. i just miss the bob ong humour.. he's not bob ong anyway.. read it..

[Chenley Cabaluna · Rating 3 out of 5]

read this before Eros Atalia came into fame. Nakakahilo, nakakapagod basahin, walang preno yung ideas. hindi naman sila parehas ni Bob Ong magsulat. Walang after feel. or bobo lang ako para makaapreciate ng deeper work of art? hindi ko alam. pero tinapos ko. sayang pera eh

[Emong · Rating 4 out of 5]

Ibang iba dun sa unang libro ni Atalia na nabasa ko (Wag Lang Di Makaraos). Maganda ang pagkakagawa may kwento sa loob ng kwento pero hindi magulo ang mga ideya. Naiisip ko din yung mga libro ni Bob Ong habang binabasa ko to’ pero alam ko na magkaiba sila may kakaiba sa mga likha ni Atalia, mas bukas ang isipan at mas tinatalakay ang mga interesanteng bagay na hindi pwedeng pagusapan ng mga sarado ang isipan.

Magandang basahin sa FX, bus, MRT, LRT at kahit na sa banyo pwede din ingatan lang baka mabasa.

[Bem Blacano · Rating 5 out of 5]

Ang dahilan.

[Billy Ibarra · Rating 3 out of 5]

Ang ganda siguro kung ginawa ring nobela yung Intoy Siyokoy ng Kalye Marino. Sa bagay, naging pelikula naman na noon.

[Ezekiel del Rosario · Rating 4 out of 5]

Has a Bob Ong-ish atmosphere in it. But he is NOT bob ong. very funny and keeps you laughing. :D

[Rain · Rating 4 out of 5]

Prof ko nagsulat nito at masaya siya magkwento sa klase kaya naman, naniniwala ako sa kanya.

[Ako Si]

hindi kaya si eros at si bob ong ay iisa?

[Mags · Rating 4 out of 5]

Inuulit kong basahin yung mga Tagalog kong libro. Nagbasa ako ng reviews at discussions tungkol dito, laging naikukumpara kay Bob Ong. Buti na lang inuna ko tong basahin, wala akong point of comparison.

Yung unang part, puno ng mga kwentong naiisip at naaalala mo kapag wala kang ginagawa o wala kang ibang iniisip. Parang ganun din nya kwinento yung mga tagpo sa libro kaya nagalingan ako sa pagkakasulat nya. Parang mga pinaguusapan sa inuman, mga binibida sa kaibigan. Ang daming kwinekwento pero may sense at nakakaaliw. Masarap basahin, hindi nakakasawa kasi sakto yung haba ng chapters.

Sa second part naman, maganda yung huling chapter. Medyo love story pero sobrang bitin.

Kung mahilig kayo sa stories na close to reality, yung struggles ng ibang tao, and how they just live with them and make the best of it, magugustuhan nyo tong libro na to. Walang halong pampaganda ng circumstances, reality of life lang and how mundane and uneventful it actually is.

Bigyan nyo ng chance yung books nya.

[Eon · Rating 3 out of 5]

Magiliw at maligalig ang pagkakasulat ni Eros Atalia gaya ng iba niyang mga akda. Para sa akin, masyadong madaming sinabi o excess si Eros sa akdang ito na nagdulot sa akin ng pagkabagot. Naroroon at may ilang mga nakatutuwang pamimilosopo ngunit may iilan ding hindi naman na dapat bigyan pa ng pakialam. Bandang huli, nakabawi naman kahit papano lalo sa mga maiikling kwento.

[Ronald Gomaod Jr. · Rating 5 out of 5]

i want to read

[Smellycat · Rating 3 out of 5]

Gandang saving grace ng kwentong Intoy Siyokoy ng Kalye Marino.

[Jack Ulero · Rating 5 out of 5]

I want to read it

[Pristine · Rating 4 out of 5]

Noong una na-weird-uhan ako pero nakaka-hook siyang basahin. Gusto ko paano maglaro 'yung isip niya. Nakakaaliw. Napapaisip din ako habang nagbabasa eh.

[Nikki · Rating 3 out of 5]

9 years in the making!

[Christopher · Rating 5 out of 5]

idk

[Juan Miguel Emilio · Rating 5 out of 5]

Yes

[Eduard Salvador · Rating 3 out of 5]

Nakakatawa na kung nakakatawa pero I guess this book is not just for me. Hindi ko pa naman nararanasan maging working class and I doubt ganun pa rin ang kalakaran as per kung ano nakapaloob sa libro. Peksman 50/50 'to sakin. Maganda siya. Namnam ko yung depth ng storya. Pero wala siyang epekto sakin dahil hindi naman ata ako ang target market ng libro.

Ah basta. Maganda siya at the same time hindi? DOES THAT MAKE SENSE? 😭😭

[Mirvan. Ereon · Rating 3 out of 5]

I finally finished it. I actually think it was well-written and the author is very smart. His language is very appealing and somehow funny and spicy to readers, very reminiscent of Bob Ong, a writer I really liked reading, especially his very early works. This is easy to read and the language is plain and accessible. His thoughts, opinions and experiences are all very interesting to read and they are told in such an appealing way. He also offers very interesting ideas about our culture, politics and other aspects of life in general.

However, I kinda got bored in the middle. I don;t know why, I kinda skimmed only on some parts, basically just trying to find a funny part. There are lots of it, mind you but then I really felt I just need to finish this book for the sake of finishing it. I liked the authors' style but I guess, I would love his other works. This is too autobiographical for me I guess and there were many things I wasn't able to relate to but then, it is a fun read all in all. I gave it three stars only because of the slight but not very bad boredom I felt will trying to finish it.

[Tim de Leon · Rating 4 out of 5]

"Kung tutuusin, jeep ang isa sa pinakamagandang tagpuan ng mga karaniwang tao sa lipunan. Dito kasi, hindi pwede ang mag astig-astigan. Walang pakialam ang pasahero kung ano pa man ang papel mo sa mundo basta't umupo ka lang na sakto sa bayad mo" -Intoy

------------------------------------------

[Kingina, kaya naman pala kulang ang mga libro ko sa 2016 reading challenge, hindi ko pala nai-post ang "review" ko ng Peksman.]

Hindi ko na nabasa nang sunud-sunod ang kwento ni Intoy. Pero gayunpaman, ganun pa rin ang tuwa ko sa mga tumatakbo sa isip niya (na laging may ipinaglalaban kasi aktibista pala siya noong nag-aaral pa siya o minsan asar lang din siya sa mundo) at mga banat niyang nakapagpapamulat o minsan mo na ring naibanat.

Natunghayan ko dito ang pag-apply at pagkakaroon ng trabaho ni Intoy, na sa wakas ay isa na siyang mamamayang may silbi sa lipunan (at sa kanyang pamilya). Nag-eenjoy na ako sa pagbabasa ng kwento niya, tapos sa bandang dulo...Mga Kwentong Kasinungalingang Di Pa Dapat Paniwalaan?! Naputol lang ang kwento ni Karl Vladimir Villalobos ng ganun lang?! Ewan, na-oobsess rin ako sa spelling ng taong 'to.

[Aaron Sta.Clara · Rating 3 out of 5]

Sa totoo lang,nagustuhan ko naman ang librong ito bagamat may mga bahaging masasabing kulang sa explanation,hindi maintindihan at basta lang ang bato ng mga bagay-bagay.Nahahati sa dalawang parte ang libro.Ang una ay pawang mga kwento,patungkol sa isang binatang nakikipagsapalaran sa pag-aapply sa trabaho.Lahat ng madaanan,lahat ng makita at lahat ng marinig ay may kwento siyang handang i-narrate.Maganda sana ang PART I kaso masyadong lumawak,tipong umalis na sa linya ng pinaka-kwento si Sir Eros.Pero sa ikalawang bahagi talaga ako napahanga.Ang kwentong Ripol Epek at Si Intoy Syokoy ng Kalye Marino ang tumatak sa isip ko.Talagang detalyadong detalyado ang pagkakaexplain.Sana ganito na lang ang ginawa ni Sir Eros Atalia sa pangkabuuan ng libro.Koleksyon ng mga kwentong di dapat paniwalaan.Maari nga siyang maihalintulad kay Bob Ong dahil sa style nila ng pagpapatawa,kapwa satire kumbaga.Bilang konklusyon,masasabi kong ayos naman ang librong ito.Sapat lang sa mga taong nais magbasa ng mga kwentong paiba-iba,ng mga kwentong hindi dapat paniwalaan at dapat paniwalaan.

[Sonny Houcker · Rating 3 out of 5]

hmmm...sa kwento ni karl vladimir kinuwento ni prof eros ang buhay ng isang tipikal na pinoy kung san marami ang makakarelate, kung hindi mo nabasa ang mga akda ni bob ong patok ang approach ni prof eros, humorous pero may pitik ng pagkaseryoso...ayon nga sa kanya di sya kumokopya ng estilo malamang ngkahawig lng tlga sila ni bob ong...kaso ganun pa rin ang epekto s makakabasa...mapupuna pa rin ang pagkakatulad ng 2 na pareho rin ang publishing house...
sa pangalawang bahagi (mga kwentong di dapat paniwalaan)dun ako mas naaliw lalo na un kwento ni simang aswang, estudyanteng naka-witness ng simula ng malagim na aksidente at syempre ang finale: ang kwento ni intoy syokoy.
sa kabuuan di nmn nasayang ang pinambili ko sa libro... :)
ligo na u dito na me at wag lang di makaraos...isusunod ko basahin.

[John Adrian Adiaz · Rating 5 out of 5]

Peksman, mamatay ka man, hinding-hindi ko paniniwalaan ang mga kuwentong kasinungalingan na nasa akdang ito. Pa'no ko ba uumpisahan? Ah... Sige, una, gusto ko nang ma-experience ang maghanap ng trabaho (apat na taon na lang sana, kundi dahil lang sa K12). Kung totoo ba na kayang mag-transform ng isang Taguro papunta sa isang Sailor Moon at kung ilang James Bond kaya ang makakaharap ko sa magiging job interview ko (iyon ay kung... kung lang naman, makakahanap ako ng magandang trabaho sa hinaharap). Patungkol naman sa mismong akda, 5 out of 5 stars, siyempre. Mababaw lang naman ang panlasa ko. Matabang ito siguro sa panlasa ng iba pero kapag ang akda na nabasa ko ay dinala ako sa ibang dimensiyon, lugar o kung ano pa man, namamangha na ako agad sa gano'n- at gano'n nga ang ginawa ni Sir Atalia. Nakapamasyal ako sa ibang lugar kahit na nasa bahay at paaralan lang ako. Great job, Sir! :)

[Mary · Rating 2 out of 5]

Ganun din. Dismayado.

Umabot pa 'to ng 175 pages. Karamihan ng 'thought bubbles' niya dito ay naidiscuss na niya sa unang librong nabasa ko, ang Ligo Na U, Lapit Na Me, kaya naging mas lalong nakakabagot ang kabuuan ng istorya. Medyo nalibang ako sa mga huling pahina, yung mga maiikling kwento na. Bukod dun, wala nang ispesyal sa librong 'to.

Yung ibang bahagi eh ini-scan ko na lang dahil siguradong iisa lang din naman ang pinupunto ng may akda sa higit isang pahina niyang pagsasanaysay.

Shemay. May dalawang libro pa 'ko ni Eros na hindi pa nababasa. Walang magawa. At least basahin ko man lang para mapakinabangan. Sayang ang pinambili ko kung iimbak ko lang ang mga 'to sa lagayan ko ng libro nang hindi man lang binabasa. Tsk. Tsk.

[E Reyes · Rating 4 out of 5]

"Mahusay mambitin si Sir!" Ito ang naisip ko matapos mabasa and Peksman.
Mapupuna ang estilong nahahawig kay Bob Ong ngunit hindi 100 posyentong gaya. May ibang klaseng banat si Sir Eros sa kanyang mga akda. Natutuwa ako sa mga pa-joke na pahayag ngunit may nilalaman - mga bagay na hindi natin napag-uusapan ngunit alam nating naririyan. Mahusay siya magpakilala ng mga paksang iniiwasan nating lahat.

Sana maging prof ko itong si Sir Eros. Idol!

[Lizette Eve Marie · Rating 5 out of 5]

Taas Noo talaga ako sa kahenyuhan ni Sir Eros ATALIA. Pansing panssin sa katha niya ang mga abgay na dapat napapansin nating mga PILIPINO. napaka-mapagpalaya ng kanyang sulatin. at Hindi ko alam kung anung masasabi ko kung paano niya ito winakasan. Kung reverse Psych ba o talagang realidad lang pero pareho.

[kwesi 章英狮 · Rating 2 out of 5]

Challenges:
Book #97 for 2011
Book #63 for Off the Shelf!

[Joeben · Rating 5 out of 5]

Napakaganda.. Sumasalamin sa katotohanan ng buhay.