الخيانة: مشوار محرج لحد الحزن

by عمر طاهر

أشعار بالعامية المصرية
احيانا.. تكبر فى القلب لوعة. تشبه كهربه الشقة. ممكن تضرب فجأه . او تتسبب فى حريقة. لوعه . بس الحقيقه . هيه السبب فى النور

Genres: Poetry

242 pages

First published January 1, 2010

About the author

https://www.goodreads.com/quotes/7991... أقوال الكاتب
..
من أقوال الكاتب_2
https://www.goodreads.com/quotes/8042...
...
مواليد صعيد مصر فى منتصف السبعينيات. صدر له عدة كتب من بينها( أثر النبى – قصص قصيرة من وحى السيرة)، (إذاعة الأغانى – سيرة شخصية للغناء)، (شركة النشا و الجلوكوز- نص مفتوح)، (بالقرب من نهر بيدرا – ترجمة لرواية باولو كويلو)، (رصف مصر – ألبوم ساخر مُصور). كتب للسينما عدة افلام من بينها ( طير أنت، يوم مالوش لازمة، كابتن مصر). أصدر عدة دواوين شعرية من بينها ( قهوة و شيكولاتة) و ( مشوار لحد الحيطة). كتب أغنيات لكثيرين من بينهم أصالة و رامى صبرى و أحمد عدوية و كايروكى و سعاد ماسى وأحمد سعد و محمد عساف. قدم عدة برامج إذاعية من بينها ( واحد صاحبى)، ( الطريق إلى عابدين)، (شفت ربنا مع عزيز الشافعى). قدم عدة برامج تليفزيونية منها (مصرى أصلى) و (اتجنن مع كوكا كولا). كتب عدة مسرحيات من بينها ( يا طالع القلعة) و (شغل عفاريت)، كتب للتليفزيون مسلسل الكارتون (سوبر هنيدى). حصل على عدة جوائز من بينها جائزة أفضل كاتب فى 2015 فى إستفتاء مجلة الشباب، و حصل كتابه إذاعة الأغانى على جائزة أفضل كتاب 2015فى إستفتاء المكتبات و القراء. كتب لمعظم الصحف و المجلات المصرية،و يكتب حاليا مقالا أسبوعيا فى جريدة الأهرام، و جريدة الأخبار.
....

Reviews

[Mustafa Soliman · Rating 1 out of 5]

وانا قاعد على القهوة
لقيت واحد في الشارع
سألته اسمك اية
قالي ليه
.
.
.
.
.
وانا راجع من الشغل
اشتريت سندويتش
اكلته على القهوة
وشيشت
...
.
.
لو اللي انا كاتبة ده شعر يبقى اللي كاتبة عمر طاهر شعر
عمر طاهر كاتب أي كلام في جمل قصيرة وبيقول علية شعر وطابعة في كتاب اكثر من 200 صفحة

[بسمة العوفي · Rating 5 out of 5]

احيانا.. تكبر فى القلب لوعة. تشبه كهربه الشقة. ممكن تضرب فجأه . او تتسبب فى حريقة. لوعه . بس الحقيقه . هيه السبب فى النور

[Shimaa (Hamssa) · Rating 1 out of 5]

انا جبته عشان بحب اسلوب عمر طاهر فقلت اشوفه ف العاميه عامل ايه وخصوصا ان الكتاب كبير فلت ممتع وكدا بس للأمانه اتصدمت لان جتي مفيش موضوع للخواطر ودا بإستثناء ان مفيش قافيه اصلا

[Shaimaa Rady · Rating 3 out of 5]

أنا جواهرجي أبن جواهرجي
جدي الأكبر كان بيتاجر في الياقوت الأحمر أيام احتلال الإنجليز، وأختلف مع جنرال علي صفقة، فنفاه الجنرال علي الصعيد، وهناك بدأ يكون عيلة من الجواهرجية....أنا من الجيل الأخير متفرغ للمهنة تماماً وعندي 3 محلات واحد في وسط البلد، واحد في المعادي، والتالت في الدقي واتحرق من 3سنين، كانت حريقة جامدة كَلت البنت اللي واقفة في المحل بعدها جددته...وأشتراه مني واحد عملة محل فسيخ كبير.!
كنت بلبس سلسلة دهب لحد الحادثة دي ما حصلت، رُحت مغيرها بواحدة فضة...بعدين أكتشفت إني مابحبش السلاسل أصلاً.
زبايني معظمهم ستات...الجميلة بعرفها من صوابعها والذكية من ذوقها في الأساور ... البنات اللي بتحب الحلقان غالباً بيكونوا طيبين..والمغرمة بالبروش دايماً نفسها تكون أحسن من كده ....
الحقيقة
جسم الست عموماً مافيهوش حتة أحلي من الدايرة...اللي بتدوب فيها الرقبة مع الكتف...حتة تعرف قيمتها الست الشيك...وبتبقي حريصة تغطيها بـ كوليه ألماظ..
يقدر يداري آثار السيوف المجنونة اللي عدت من نفس الدايرة...مش محتاج حد يحبني قد ما أنا محتاج حد يصدقني، وأكره الوضوح في التعاملات تهمني الدقة.
خجول قدام الزبونة اللي عندها وجهة نظر، وخجول برضة قدام الزبونة التافهة...ومابكونش علي طبيعتي غير قدام الزبونة اللي مش عارفة هي عايزة اية.؟
هي دي زبونتي المفضلة، بعرفها من علي الباب وهي داخلة، ونظرتها بتلمع ولمعانها مجروح زي الدهب الابيض...شغلانتي خلتني قادر أميز بين اللمعة الأصلي واللمعة المزيفة..وخلتني أعرف أوزن اللي قدامي كويس..الموديلات الزاعقة بتقفلني، وتجنني التصميمات البسيطة...وأسقف للفكرة في أي حته دهب حتي لو مش حاببها..
أشتغلت فترة بسياسة الفتارين، الناس بتحب في الأول تتفرج من بعيد لأنها بتخاف من الحاجة اللي ماتعرفهاش، وبتفكر كتير لأنها ياما أشترت غلط....بس الفتارين وقعتني في وجع دماغ ناس بتخبط علي الإزاز وتجري، وناس بتدخل في الفاترينة بوشها وإيديها..وتسيبهم لي للذكري علي الإزاز...وناس عايزة تتفرج عليك مش علي شغلك، وده غير إنه بصراحة الفتارين دي اتسرقت كتير، ودلوقتي بشتغل عالضيق زبايني بقوا قليلين بس أصلين...زبايني تقيلة بيظهروا علي فترات بعيدة

بس في كل مرة بيثبتوا لي إن الدهب لسة غالي

[ياسمين Thabet · Rating 5 out of 5]

كتب عمر طاهر
مشوار محرج لحد اعماقنا
بنواجه فيه نفسنا بصدق
والغريبة مش بنخاف ولا بنتفاجئ
بنستسلم

مقتنعة تماما ان عمر طاهر ناجح ككاتب مقالات وكتاباته الشعرية نص نص بالنسبة لمقالاته
لكن الكتاب ده والدواوين دي كانت رائعة

بيكتبنا كبشر بطريقة سريالية عجيبة ساحرة وقاتمة
مش قادرة احدد القصايد اللي عجبتني لان كلهم فيهم ولو حتى كلمة واحدة لمستني
ولمست حتة ماكنتش اعرفها فيا
وفي غيري

عمر طاهر هو كاتب جيلي
وساحكي عنه كثيرا لاولادي

[Omnia · Rating 2 out of 5]

عمر طاهر.. إنت كويس
بس أرجوك ماتكتبش شعر تاني :)

[AhmEd ElsayEd · Rating 1 out of 5]

الخيانة مشوار لحد الحزن
محاولة شعرية عامية أخرى لعمر طاهر
لا أحب شعر العامية
ومحاولات عمر طاهر الشعرية أشبه بمحاولة ميسي لعب البيبسول مع الينكز!
ليست نقطة قوته على الإطلاق

[Rana · Rating 3 out of 5]

هو مش شعر ولا زجل هو ممكن نقول عليه خواطر
بس في منها كتير جميل وعجبتني اوي الخاطرة دي

_ دماغ _
كل مرة اغمض فيها عينيا
بتهب المزيكا في وشي
وباتفاجئ إن قلبي لسه شغال
وبافضل فاكر آخر حاجة شفتها .... لمجرد ثواني .

[Mohamed Habeb · Rating 1 out of 5]

الخيانة : مشوار محرج لحد الحزن

قلت قبل كده : "اللى خرج من داره اتقل مقداره" .. و "الانسان مبيعرفش يبدع فى حاجتين فى نفس الوقت" .. و أغلبية الأمثلة اللى قدامى بتثبت صحة الأقاويل دى -ما عدا أحمد مراد-
و لتانى مرة عمر طاهر بيثبتلى ان مكانه مش فى الشعر -بعد "قهوة و شيكولاتة"- .. انت مكانك فى الأدب الساخر اسمع منى :D

المميزات .. ميزتين
الميزة الأولى : 3 قصايد بس فى وسط كتاب طويل عريض .. هما "البنت دى" , "الشتا" , "عمارة 3 و" .. و الشتا كمان مش أوى.
الميزة التانية : الاهداءات اللى فى أول الفصول ..
و مش ببالغ لما أقول إن دول هما المميزات بس , ده أنا ممكن أكون كارم الكتاب كمان :)

العيوب .. يوووووووووووووووووه كتير :D

و لتانى مرة على التوالى لم أستطع تخيل عمر طاهر الساخر شاعر .. ملقتش الروح الحلوة المضحكة اللى بتكون ف كتبه عموماً .. لقيت كتاب ممل و كئيب و مستفز إلى حد كبير.. لقيت كتاب مفيهوش روح عمر طاهر لكن فيه روح شاب انتحر و دى هى الرسالة اللى كتبها قبل ما يموت نفسه.

فى الريفيو بتاع قهوة و شيكولاتة قلت : "كانت القصايد خالية من الشعر نفسه .. و كانت مجرد كلام مقفى من امثال "القطة المشمشية .. حلوة بس شقية" خالية من اى نوع من انواع المتعة" .. المرة دى ملقتش حتى القافية بتاعت القطة المشمشية .. أنا لقيت مجرد رغى مفهوش شعر ... كلام واحد مكتئب و زهقان بيطلع كل اللى جواه .. هو ممكن يكون كلام رائع و بيعبر عن حالة بس متقولش عليه شعر , أكتب على الكتاب "كتاب فضفضة" و أنا مش هزعل :D

الكتاب جه طويل زيادة و ممل زيادة و كئيب زيادة .. أول فصل جه وحش جداً و باقى الكتاب أقل منه سوءاً بس برضه وحش أوى :S

1/5 :/

[Abdul-rahman Salem · Rating 5 out of 5]

بعد قراءة الديوان للمرة الثانية ..

لسّه برضه خمسة على خمسة يا عمر وإن مكنتش فاهم بعض الأجزاء.

[Bassam · Rating 4 out of 5]

كل القضايا خسرانة

[Ahmed Taha · Rating 5 out of 5]

شوية كلام تقيل و مليان معاني كتيرة ^^ ..

[رضوى أحمد عيد · Rating 1 out of 5]

أين هذا الشعر أنا لا أراه ؟؟؟

:أنا مش هقول غير جملة واحدة بس
"عمر طاهر مش شاعر، عمر طاهر بتاع حكايات"

😄 وشكرًا

[أحمد حسين · Rating 2 out of 5]

حلو .. كان ممكن يبقا رائع .. لو اتشالت منه بعض الأجزاء اللي مالهاش ستين لازمه ولا معني .. او يمكن تخص الكاتب بحيث انه ميفهمهاش غيره .. بس عجبتني بعض الأشعار .. مثل ( الجنازه , شفتها , رجعت الشتويه , ألغام مابنا , لوحه شهيره ) .. دول بعتقد انهم الافضل والاميز في الديوان كله .. وأكيد فيه غيرهم حلوين .. وفيه وحشين برضوا كتير :) .. بس احسن واحده عجبتني جدا .. هي ( لوحه شهيره ) ..
لوحه شهيره
شجرتين وبينهم الصحرا الصفرا
وِجِمال واقفه بتراقب المسافه الرهيبه
شجرتين مكشوفين
بس في ابعد حته تحت الأرض
تحت مستوي النظر
جذورهم بتحضن بعض

[Tasneem Ali · Rating 3 out of 5]

المقهى لا يصلح لمناقشة الأشياء الجادة و لكن الفراش .
ديوان جامع لأربعة دواوين

- مشوار لحد الحيطة
- لابد من خيانة
- عرفوه بالحزن
-وضع محرج
الأقوى بينهم فى نظرى " عرفوه بالحزن " لكن فى المجمل المزيكا أقل من اللازم
و الحشو كتير و الكلام اللى مالوش لازمة موجود بكثافة و المطلوب إننا نصطاد من بينه القصيدة المُمتعة ..
" من بعد نص الليل كل الإحتمالات ممكنة "

[Abdelrahman Mohamed · Rating 5 out of 5]

لا أكتب هنا عن عمر طاهر الكاتب الذي يسحرنا بكلماته ، بل عن عمر طاهر الشاعر ، البحار الذي يقودنا إلى أغوار يم قصائده فلا مفر من تعلق الفؤاد بذا اليم..........
القصائد كانت قاسية و حزينة إلى أقصى مدى ، و قد لاكها عمر طاهر بعبقريته المعهودة بأبيات تسرق الألباب من إبداعها و تلقي النفوس في جنبات التدبر و التأمل.......
كانت العديد من القصائد تنطوي بداخلها على رمزيات لمشاعر إنسانية كالوحدة ، و الهوى ، و الغرام ، و غيرها ، يسوقها لنا الشاعر عمر طاهر بنباغة أي نباغة ، و روعة أي روعة.........
و أيضًا وجدت في بعض القصائد إشارة إلى مصر ، مثل قصيدة ( البنت دي ) ، و ( الجواهرجي ) ، و ( إيقاع البنج ) ، و ( بنطلون جينز ) ، و كانت إشارة جليلة إلى حد أعلى من قمم الجبال الشامخة........
هناك قصيدة كانت السبب في أن تصرخ العبرات في سجن عيني ، و هي قصيدة ( حكاية ) ، ما فتئت أقرأ القصيدة حتى وجدها تخلق في مكنونها سؤالا و هو بماذا سيذكرنا الورى بعد موتنا ؟ ، و يبدو أنها لم تأتي بالسؤال فقط ، بل جاءت تجاوبني بكلماتها الأخاذة..........
لقد أذاقني الشاعر عمر طاهر خمر قصائده المسكر ، فأمسيت ثملا بروعته ، بحق إن عمر طاهر لهو شاعر رائع ككونه كاتبا رائعا.......

[Gihan Ali · Rating 3 out of 5]

هو لو ينفع نجمتين ونص كان هايكون تقييم مناسب أكثر من 3
الكتاب مش شعر ممكن خواطر.. أغلبها عادي جدًا والقليل منها لمسني بشكل خاص وعبر عن حالة ما على حسب

[Khloud · Rating 1 out of 5]

للأسف مش أحلى حاجة قريتها ليه ، كان مخيب للتوقعات..

[Hager Moharram · Rating 1 out of 5]

No words to describe how much I didn’t like the book. Not the standard to expect from an amazing author and a favorite one.

[Ahmed Moustafa · Rating 1 out of 5]

كنت ماشى فى المعرض سنه 2014 و ماكنتش محضر قائمه مشتريات ولا عارف أى حاجه فى أى حاجه و كان معايا 2 أصحابى و للأسف يعنى أشتريت الكتاب ده بسبب واحده أقنعتنى أنه حلو و أنا للأسف كنت لسه زى القط المغمض و بأسلوب زى أسلوبها تعرف تخلى صنارتى تغرز فى الكتاب و للأسف غرزت و دفعت فى الكتاب 20 جنيه و كمان خدت قلم هديه :-D
شايفين الكرم :'D
المهم أنا مش عارف أيه ده و مين قاله أن ده شعر و مين مصدق أن ده شعر و مين عاجبه الكلام ده !!
لحد دلوقتى أنا بخاف أشترى حاجه لعمر طاهر بسبب الكتاب ده و شكلى مش هشتريله حاجه و متصالح مع نفسى جدا فى الموضوع ده
عمر طاهر للأسف بديك صفر فى هذا اللا عمل
نعم لا عمل
أنصح بعدم اضاعه الوقت فى هذا اللاعمل
و شكرا ..
أعتذار واجب للورق المكتوب عليه اللاشىء ده .. نأسف للأزعاج سيدى الورق .. سامحنا

[Ahmed Attyia · Rating 2 out of 5]

زي ما قلت كذا مرة ... الشعر الحر بيبقى في قمة الروعة لما يتكتب بالإنجليزي لان أساسا لغتهم بتبقى شكلها سخيف لما بتتكب بشكل منغم و عيبها إنه بيتحول لشعر غنائي على طول ، على عكس لغتنا إحنا .. كل ما تنغم فيها بشكل معين كل ما تبقى شعر أفضل .. لكن الشعر في "كتاب الخيانة " أولا مش فاهم منه مقاطع كتير ... ثانيا و ده الأهم حاسه أي كلام ، قد يعني شئ للكاتب و لكنه لم يعن لي أي شئ كقارئ .

قد يعيب عليا البعض إني مش متذوق للشعر لكن أرجع و أقول هدف الفنون و منها المقروء من الصفوة .. بل القارئ العادي الغير متخصص أو متبحر في محيطات تلك النوعية من الكتابة .

[Merhan Younes · Rating 1 out of 5]

اولا : النجمة اليتيمة دي ليا انا عشان قريت الكتااب !!

ثانيا : " هو مين الاهبل اللي اقنع عمر طاهر انه بيعرف يكتب زجل و لا شعر حتى !!!
تلات اربع الكتاب و انا بقراه كان تعليقي الوحيد " و الحلزززززوووونة يااااامااااااه الحلزوووونة " !!!!!

كلام متناااقض و مالوش اي معنى ممكن تقرا الحاجة مرتين عشان تعرف تفهمها ومش بتفهمها و لا حتى تحسها مع انه كلام مش مجعلص و لا يحتوى على لوغاريتمات الادب العربي و لكنه يحتوى على لوغاريتمات قهوة عباس العقااااد !!!!

التفسير الوحيد للكتاب دا ان عمر طاهر استخسر الورق اللي كان بيلاقيه في جيوب الجاكيتة و في ادراج المكتب و عمل منه كتااااب !!!

[Mennat Sayed · Rating 5 out of 5]

اشعار حرة وافكار طليقة متحررة من كل قيود الشعر التقليدية
خواطر شعرية جميلة
تكلم عمر عن كل شئ الافراح الاحزان الاحلام المشاعر المنتظرة والاحاسيس الضائعة
كلمات رقيقة تمس القلب و تجعلنا في حالة من النشوة لا تملك ان تتنقل بين صفحات الكتاب التي تشبه عليك باوراق الازهار الرقيقة لتواصل رحلة بلا توقف حتى تنتهي في نهاية الكتاب بعقل و قلب متيمان بكلماته الساحرة
تحياتي يا صاحب القلم و القلب الجميل

[أسماء محمود الأمير · Rating 1 out of 5]

حسبت عدد الصفحات اللى فيها سطور عجبتنى لئيتها تاخد 0.8 من 5 :D
يعنى هدّى الكتاب د نجمة وليا فـ ذمته 0.2 :D
وأنا اللى إنشكحت لما عرفت إن الكتاب د جامع 4 دواوين !! :D
أخدت فكرة مش لطيفة بالمرة عن شعر عمر طاهر .. أتمنى (قهوة وشيكولاتة) يغيرها

N.B : لسة بستلطف كتب عمر طاهر .. بعييييييييييييييدًا طبعًا عن أشعاره

[Mohamed Ramadan · Rating 1 out of 5]

الشعر جميل وانا مش فاهمه ؟؟!!
ﻻ هو مش حلو فعﻻ وعمر (( حبيبى بجد )) ملوووش فى الشعر
انا فعﻻ ولثانى مره اقف عاجزا امام كتاب لم اخرج منه بشئ اطﻻقا (( تجربتى اﻻولى زى الهوا-وليد طاهر )) هتحس ان عمر طاهر كاتب وهو زهقان او حد مزعله .... لم يرق لى اطﻻقا

[Ahmed Mamdouh · Rating 1 out of 5]

لو احمد شوقى او حافظ ابراهيم صحو من تربتهم وقرو الكلام دة ولقو مكتوب عليه انه شعر حتى لو شعر عامية هينتحرو تانى :D

لا وزن ولا قافية ولا كلام راكب على بعضه يبقى شعر ازاى ؟

لو في حاجة اقل من النجمة كنت حطيتها

[Heba Tariq · Rating 1 out of 5]

مش قادرة أوصفه غير ب
WTF !

ده اى كلام فى ورق و اطبع و نزّل الكتاب , مش فاهمة ايه اللى يجبر عمر طاهر ينزل كتاب زى ده
هو كتبه ناجحة نسبيا
لكن المتاجرة و الطمع وحشين
زعلانة ع الوقت اللى ضاع فيه اصراحة

[Eman Abdelsamad · Rating 2 out of 5]

3'areeb !!

[Ayman Badr · Rating 2 out of 5]

كتاب غريب جداً. عجبني فيه حاجات ومعجبتنيش حاجات اكتر
حاسس كان المفروض يسميه التوهان. كأن عمر كان لسه بيكتشف ابعاد نفسه

[Rô Brônz]

جامد الكتآب