A malferida

by Irene Rega Jul

Premio Illa Nova de Narrativa 2022 O medo é un sentimento forte e poderoso, unha arañeira que te atrapa nos seus fíos e da que custa saír por unha mesma. Mariña sente esa impotencia con só catorce anos. É intelixente, ten unha nai que a quere, pero a súa vida enmaráñase nos fíos do terror cada vez que vai ao colexio. O seu único desexo é pasar desapercibida, ser invisible aos ollos dos seus acosadores, pero a escalada de violencia increméntase día a día, mentres segue atrapada nunha situación da que ninguén parece decatarse. Hai quen mira para outro lado e hai quen non quere ver, ata que unha tarde desaparece. Azucena denuncia a ausencia da súa filla e os axentes da policía comezan a investigación coa esperanza de atopar a Mariña con vida. O medo domina agora a toda a vila, tamén a aqueles que saben da súa culpabilidade. É tempo de que os segredos saian á luz, de que falen os que sempre calaron, de que se rompa a arañeira.

212 pages, Paperback

First published November 11, 2022

Reviews

[Idoia blanco]

📚Reseña📚
📕A malferida
✏️ Irene Rega Jul
📅2022
📃212 paxinas
Lectura 151/2025

✏️Opinion persoal ✏️
( en castellano en el primer comentario)

⭐️Dende a primeira páxina, esta obra atrapa ao lector cunha historia intensa e chea de emocións. Mariña, unha rapaza de 14 anos, desaparece sen deixar rastro. O seu pasado está marcado polo acoso escolar que sufría no seu antigo colexio, un feito que explica o seu carácter reservado e apoucado.

⭐️ A investigación da súa desaparición recae en Mario e o seu equipo, entre os que destaca Alfonso, un home cun pasado difícil e problemas de alcol, recentemente trasladado.

⭐️Páxina a páxina, o lector acompaña a Mariña no seu sufrimento, sentindo de preto a angustia e a impotencia que provoca o acoso constante dos seus compañeiros. É unha historia dura, que remexe por dentro e provoca ese nó no estómago que só as narracións sinceras e valentes conseguen xerar.

⭐️A autora constrúe unha trama que vai máis alá da ficción: é tamén unha denuncia social, unha chamada de atención sobre a lacra que supón o bullying na nosa sociedade. Mariña convértese nun símbolo de tantos nenos e nenas que sofren en silencio, mentres outros miran cara outro lado sen actuar.

⭐️A pesar de ser unha lectura breve, resulta intensa e entretida. A súa maior forza reside na capacidade de conmover e facer reflexionar, aínda que o final aberto deixa unha certa sensación de incerteza, pois non chegamos a saber que destino corre finalmente Mariña.

En definitiva, trátase dunha obra impactante, comprometida e necesaria, que combina emoción, denuncia e humanidade, convidando ao lector a tomar conciencia e non permanecer indiferente ante o sufrimento alleo.
Miña valoración 10/10

[agremon]

Libro sinxelo, sen pretensións nin en narrativa, estrutura, linguaxe... mais dun conxunto salientable, da atracción mantida todo o seu desenvolvemento ó entorno psicolóxico descrito. Parece xuvenil, mais coido que non ten unha idade de referencia. Máis curto do que parece pola combinación do tamaño de páxina e de letra, pide unha segunda parte que a bo seguro xa non sería o mesmo.

[Mirian Casas]

Gustoume e non. Quero dicir, entendo a mensaxe e paréceme moi importante o que quere transmitir, pero non conseguir empatizar cas personaxes, non SEI se é por como está escrito ou que pola brevedade do libro non cheguei a conectar, pero a historia non me chegou. É unha magoa, porque de verdade que queria que me encantase, pero xa teño a escritora fichada para seguintes ocasións.

[Silvana GR]

Unha historia moi dura que me tivo cun nó no estómago e unha sensación de dor e impotencia durante toda a historia.

Ainda que é unha historia curta, todo o que aquí se conta pesa e faite sentir esa agonía que sinten as personaxes.

[Andrea]

Encontré este libro en la biblioteca púbica de mi ciudad. Leí la sinopsis y me animé a leerlo. Muy rápido de leer. Te hace sufrir por esa pobre niña mientras avanzas página a página