الرجال لا بد أن يذوقوا العذاب

by ماجد سنارة

صُدِمت عندما عرفت أنها حجزت في مصحة نفسية لشهور من أجل التعافي، أحست في البداية بحنين كبير واشتياق عنيف للرجل، هاجمتها الأعراض الانسحابية وصارت تراه في كل مكان كأنه شبح، البيت تحول لمصدر إزعاج وقلق ووجع فظيع بسبب الذكريات التي هاجمتها ورائحته المنتشرة في أرجاء الشقة، وتمنت لو عثرت عليه حتى تقدم له فروض الولاء والطاعة وتتذلل وتبكي وتفعل كل ما لا يخطر على البال حتى يعود إليها وإن تزوج عليها، يئست في النهاية وحاولت مواجهة الواقع المرير لكنها انهارت فجأة وانعزلت عن العالم حتى تتداوى من جرحها العميق..قلت لها وأنا أكتم دموعي في عيني وأحاول التماسك حتى أمنحها بعضًا من القوة في لحظات ضعفها القاسية:
- حقك ما تعبريش راجل بعد كل اللي حصل..
ردت فجأة بلهجة مرحة أثارت دهشتي:
- الرجالة أساس كل مصيبة.. بس احنا اللي ستات خايبة!
لمعت عيناها فجأة بنظرة كلها حقد وتمني للانتقام وقالت بطريقة مسرحية:
- الرجال لا بد أن يذوقوا العذاب.

212 pages, Paperback

Published January 26, 2023

Reviews

[Abdulrahman Ramadan · Rating 4 out of 5]

الرواية خاطفة مثيرة وجاذبة لحد مرعب، مش عاوز أكون ببالغ بس أنا حرفيًا كنت حاسس الرواية بتناديني علشان أخلصها، خلصتها في قعدتين بالظبط (رغم إنشغالي والله)، لو كنت فاضي كنت خلصتها في قعدة واحدة حقيقي.
نيجي للمهم: الرواية دي مناسبة للستات والبنات جدًا خصوصًا الفيمنست والنسويات والغريب إنها مناسبة للرجالة كمان اه والله زمبئولك كدة وهتفهم ليه لما تغوص داخل أعماقها وتخرج بالزتونة.
إن جيت للحق الرواية لغتها سهلة جدًا وسردها سلس ولطيف وده في رأيي ميزة مش عيب لأن الرواية مناسبة لأي حد خلقه ربنا، وده ميمنعش إن ماجد لغته قوية وده شفناه في بعض أعماله السابقة بس هو هنا مش جاي يستعرض لغوياته وقوته الأدبية لا لا.. الراجل جاي يحكي حكاية ويوصل رسالة ويكسب قلوب النسوان كلهم.
الخلاصة بقى: هل أنا كراجل بعد ما خلصت قراءة الروية متفق مع الكاتب ومع إنجي العزيزة إن الرجال فعلاً يستحقوا أن يذوقوا العذاب؟
هقولك آه يستاهلوا ويستهلوا كمان ضرب الجزمة، بس مش كل الرجالة يا صديقي، في رجالة كويسة والله زيي كدة وزي كاتب الرواية وزي (أكسبريس) الله يباركله.
وتقيمي للعمل ٤ نجوم ونص ✅
وبلا شك الرواية تستاهل جائزة أفضل عمل قرأه العبد لله خلال يناير ٢٠٢٣.

[Hassan Aros · Rating 4 out of 5]

"الرجال لابد أن يذوقوا العذاب."

الكاتب الشاب المتميز: ماجد سنارة.
دار الرسم بالكلمات.
212 صفحة.

"إن الفقراء عيال الله، أول من يدخلون الجنة.. اسألها: والدنيا؟... تجيب: غريبة يا بني!"

" لعنة الله على العالم، الفقد، الاحتياج، والشعور بالحنين.‏"

" ‏- والحب؟‏
‫ ‏- أوسخ حاجة في العالم.‏ "

رواية غريبة تشدك من أول اسمها لحد نهايتها، والبداية بالطريقة الغريبة لموت إنجي، هل كانت تستحق القتل؟ ولا الرجال لابد أن يذوقوا العذاب؟!، مفيش شك إن رجالة الرواية ديه يتسحقوه.

جميلة جدًا شخصية اكسبريس في تكوينها ونشأتها وتركيبها من البداية وتطورها وتصارعها، الplot twist اللي في الرواية عجبتني ومختلفة، لكن حسيت بالنمطية والتكرار في حتة إنه مفوّض من الله لتحقيق العدالة الغير موجودة، لكن إجمالًا هي رواية مختلفة وجريئة تشد جدًا، ونهايتها فيها بلوت تويست مختلفة زي ما قولت، لغة عامية جميلة، بناء لشخصيات حلو جدًا.

في النهاية أنا شايف فعلًا إن ماجد كاتب شاب شاطر ومنتظر منه فعلًا حاجات أكتر وأحسن بكتير في مستقبل.

[Hamza Ossman · Rating 5 out of 5]

الرجال لا بد ان يذوقوا العذاب ، ويستلذوه أيضا
عنوان مناسب في نظري لهذا العمل الشائك ، بين امرأة تنتقم لكل النسوة من جنس الرجال و سلطة تقتل كبرياءً و معدم يرى نفسه رسول العدل
أستطيع القول ان الرواية كان بها عدة مهارات سردية مما أعشق ، خلط بين الأزمنة ، و خلص بين الرواة ، و النهاية تسبق البداية ، و الصورة تتشكل مع مرور الأحداث تباعا ، باختيار متقن لتسلسل الاحداث
ظهر ضعف انجي قبل قوتها ، وهذا في رأيي ، اختيار لبدء بناء شخصية مبدع ، لتحويل انجي من شخصية خيالية جامحة القوى جامدة الاحاسيس ، الى شخصية واقعية ، دفعتها الأحداث لكره جميع الرجال .. تقريبا
ونرى كل رجال الرواية صور متوازية تقريبا ، في حاجتهم و ضعفهم ، كل من جانبه ضعف لسبب ، لكنهم جميعا ، اجتمعوا على الحاجة و الرغبة و الضعف ، وحولت تلك المشاعر كل واحد فيهم الي وحش ، ينهش في نفسه تارة ،وينهش في غيره الأخرى ، و الرجل في كل الحالات واحد
لا أنكر عدم اقتناعي ببساطة مسببات بعض الاحداث ، و عدم تفضيلي للغة الرواية ، و لكن ان انتقلنا الى عالم ماجد الروائي بأكمله ، سنجد أنه يتميز عن غيره بقدرة -لا يملكها الكثيرون- في الوصف الصريح الحيادي التام لكل شخصية بشكلها الفعلي في حياتنا الواقعية ، دون تخوف او فقد السيطرة على زمام الشخصية او ابراز سوءها من حسنها ، لذا ، مع تتابع احداث الرواية ، ومع تعمق الحبكة و تجلي الوصف البديع للشخصيات ، لم استطع أن أعطي مثل هذا الرواية أقل من تقييم ال٩/١٠
شكرا على هذه التجربة الفريدة 🫡❤️

[Mahmoud Abdelrauf · Rating 5 out of 5]

عايز اقولك اني خلصت الرواية وانا في القطر يعني من يومين تقريبا 😂❤️
بجد ما شاء الله عليك ، يمكن معنديش الحس الأدبي كويس ، بس انا مقرأتش روايه زي كدا في طريقة السرد، طريقه بجد تجذب القارئ متخلهوش يقوم من الروايه الا وهو مخلصها 😂❤️ انا كنت بقطع فيها في القطر ، لاني القطر متعب المسافه دي كلها ، ف بعد كل م ارجع برجع صفحتين تقريبا علشان اقدر أربط الأحداث من تاني 😂❤️
في الاخير يعني برافو عليك بجد انت تستحق كل النجاح دا وان شاء الله نجاح من تقدم وتقدم ❤️❤️❤️

[Muhammad Abdelazim · Rating 5 out of 5]

رواية جميييلة جدا من المتألق ماجد، ممتعة وجذابة مش هتقدر تسيبها الا لما تخلصها، أنا قرأتها كاملة ف أقل من ٥ ساعات، رواية عيبها الوحيد في نظري إنها بتخلص، كانت تجربة ممتازة لأول عمل أقرأه لماجد وفي طريقي لقراءة باقي أعماله واللي متأكد انها لا تقل عظمة عن الرجال لابد أن يذوقوا العذاب❤️

[Sarah Elsayed · Rating 5 out of 5]

الرواية حلوة اوى الحقيقة
خطفتنى لدرجة انى خلصتها وانا ف طريقي للمعرض مقدرتش استنى المعرض يخلص هى شدتنى من اول اسمها الكريتيف جدا وغلافها الجبار
الحقيقة اللغة ممتعة اوى والسرد كمان سلس فكرة أن الرواية ملهاش بطل واحد حلوة اوى وان لكل شخصية صوت دا خلانى وانا بقرأ اشوف العمل ادامى حى والأشخاص من لحم ودم
اتعاطفت جدا مع انجى وكل انثي ف مكانها حبيت اكسبريس وشوفته أنه الخلاص
الحقيقة دى كانت اول مرة اقرأ لماجد بس انبسطت جدا ودا خلانى ادور ع كل أعماله السابقة وان شاء الله اقرأها وانتظروا ريفيوهات باقي الأعمال انا مش جاى 🥰🥰🥰

[zahraa esmaile · Rating 2 out of 5]

#قراءات٢٠٢٣
#الرجال_لابد_أن_يذوقوا_العذاب
رواية من الروايات البوليسية اللي بتبتدي بمشهد قوي وجريمة عنيفة، على مدار الرواية بنحاول نوصل ل الجاني

بنشوف رحلة الضحية الأولى من اول طفولتها ومرحلة المراهقة، تحولاتها النفسية لحد م وصلت للحالة دي، علاقاتها المتعددة لحد نهايتها البشعة

مع توالي الفصول الشخصيات بتتربط ببعض لحد م نعرف الجاني، اللي الكاتب اوهمنا بشخص معين ف الثلث الاخير من الرواية بس و ب بلوك تويست بيطلع شخص مش ع البال اصلا، ودي نقطة قوة كبيرة للعمل

اللغة كانت عامية غالبا ف السرد والحوار، بس عامية كانت فجة ف بعض المشاهد خاصة اللي مفروض أنها رومانسيه

كمان الشخصيات كانت محتاجة شغل شوية على الخلفيات والنهايات خاصة الشخصيات الرئيسية، اللي حسيت انها ناقصة تفاصيل كتير
ف المجمل، رواية لطيفة تخلص ف قعدة
17/70
5-مارس

[Muhammad Hatem · Rating 4 out of 5]

في كل مرة بقرأ فيها لماجد ابن ابي سنارة بيدهشني بقدراته علي تطويع الاحداث وتغيير لونه وجلده في الكتابه
الرواية عجبتني للغاية ، قدر يعمل الميكس بين الجريمة والتشويق والتحليل النفسي العميق للشخصيات وربطها مع بعض وبناء خط زمني مميز للحدث الاساسي والاحداث الفرعية، واعتقد اكتر ان ده بسبب ان ماجد كاتب قصصي في المقام الاول فيبل ما يكون روائي ودي من تقنيات القصة الفريدة للغاية، الا يوضع شيء في غير موضعه.
الرواية عجبتني ومش عايز اعمل ريفيو يحرقها لكن الرواية جميلة جدا وعجبتني ومستني باقي الروايات اللي هتكون بعدها

[Esraa Bahy إسراء باهي · Rating 3 out of 5]

لا أنكر أني تحمست للعنوان في البداية وعلى أساسه قررت اقرأ العمل، ورغم كدا فـ للأسف شايفة أن الراوية ناصرة للرجال رغم إظهار عيوبهم الجسيمة.. ولو أن الرجال يذوقون العذب مرة فـ المرأة تذوق العذاب ألف مرة ومرة.
في تحفظ نوعًا ما على اللغة، وكنت أتمنى تكون أقوى، لكن الفكرة نفسها كويسة، ومعالجة الكاتب مقبولة رغم القصور في بعض النقاط.
وأخيرًا.. الرجال يستحقون أن يذوقوا العذاب، وليس كل امرأة إنچي مع الأخذ في الاعتبار أن إنچي صنيعة الرجل نفسه.

[Wisam review · Rating 5 out of 5]

اذكر اول ما اشتريت الكتاب العنوان جذبني كل الرجال لابد ان يذوقوا العذاب !! واوو ليش؟ شصارت احداث ب كتاب ل درجت انو هذ عنوانه ؟! عموما الكتاب غريب ب فكرته عجبني و اسلوب سرد الكاتب كلش حلوه اثبتت الي انو الكاتب المصري كاتب قوي

[Rahma Elabasy · Rating 3 out of 5]

كانت روايه لذيذه ممتعه بس معجبنيش اننا مشفناش حاجات كتير من جهه انجى كان نفسى اشوفها زى علاقتها مع اكسبريس مثلا