Эзлэгдсэн байшин буюу Дэлхийн шилдэг уран зохиолын чуулган

Шинэ үеийн номын сан

by Г. Аюурзана (Г.Аюурзана)

Нэн шинэ үеийн уран зохиол хаана хүрчихээд буйг Борхес, Кортасар нарын өгүүллэгүүдээс уншиж танилцаарай. Орчин үеийн анхны романч хэмээх эрхэм алдрыг зүүдэг Набоковын (“Хуримын аялалаас буцаж ирсэн нь”) өгүүллэг ч буй. Фолкнерийн “Баавгай” тууж, Павичийн “Загасны хайрсан бүрх” болон Кавабата, Зингер зэрэг 20-р зууны алдарт зохиолчдын өгүүллэгүүд, мөн сүүлийн үед баруунд ихээхэн алдаршиж буй зарим залуу зохиолчдын сэтгэлзүйн өгүүллэгүүдийг ч багтаажээ. Кортасарын “Эзлэгдсэн байшин” өгүүллэгийг би хичнээн удаа уншсан бүү мэд, яг юу болоод байгааг нь ерөөсөө ойлгохгүй л байсан, саяхан л ойлгосон доо. Сэтгэл нь, бүр тодруулбал гуниг ганцаардал л эзэлчихсэн юм байна гэж ойлгосон. Уншсан хүн бүр л өөр өөрөөр ойлгох байх. Постмодернист уран зохиолын нууцлаг тодорхойгүй байдал (indeterminacy, immanence), олон талт шинж (pluralism)-ийг хүн бүр өөрийнхөөрөө сэрж мэдрээрэй.

213 pages, Paperback

First published January 1, 2000

About the author

1970 онд төрсөн. ОХУ-ын Москва хотын М.Горькийн нэрэмжит Утга зохиолын дээд сургууль, АНУ-ын Айовагийн их сургуулийн Олон улсын утга зохиолын хөтөлбөр дүүргэсэн.

“Цаг хугацаа амсхийх зуур”, “Философийн шүлгүүд”, “Non Plus Ultra”, “сэтгэл рүү шагайгч Түүнд” зэрэг яруу найргийн түүврүүд, “Дурлалгүй ертөнцийн блюз тэргүүтэн хүүрнэл зохиолууд”, “Гурамсан цадиг” зэрэг хүүрнэл зохиолын номууд хэвлүүлсэн. “2х2=6 буюу Суут жаран сэтгэгч”, “Орчин цагийн аугаа их сэтгэгчид”, “Зэн-буддизм: Амьдралаас ангижрахуй” зэрэг философийн чиглэлийн номууд бичиж, “Дэлхийн сонгомол яруу найраг” антолог, Монтэнь, Сартр, Фолкнер, Борхэсийн зохиолуудаас монгол хэлнээ орчуулсан.Хамгийн сүүлд “Бөөгийн домог” романаа 2010 онд гаргажээ.

Reviews

[Bayarmaa · Rating 5 out of 5]

ширээний ном маань болчихсон, сэтгэл санаа тавгүй үед, нэг тийм сайхан мэдрэмжийг үргэлж өгдөг ном

[Soko · Rating 5 out of 5]

Одоо тийм ч их санахгүй байна... энэ хэв шинж уран зохиолд анх байдаг гэж үү гэж баахан эргэцүүлсэн балчирхан насандаа уншсан шиг санагдаж байна... эгчийг иймэрхүү төрлийн номонд дурлах нь яагаад ийм болчихдог юм бол доо??? яагаад гоё гээд байгаагийг нь ойлгож уншаагүй байхаа одоо дахиад уншихсан... ямар ч байсан бүдэг бадаг л санагдана... японы зохиолчийн билүү сүнс ч юм уу бодол ч юмуу уг номын нэг өгүүллэг бүүр түүрхэн санагдана... одоо ч энэ ном нь олдох нь маруухан байх даа... дахин л уншиж одоогийн ой тойндоо буулгахсан...

[Chuka_tuugii · Rating 5 out of 5]

дэлхийн шилдэг уран зохиолын чуулган

[Ганболд.М Ганболд.м · Rating 3 out of 5]

а