Дао: Амьдралыг танихуй

Шинэ үеийн номын сан

by Г. Аюурзана

Бумбын шашин буюу Даосизмын гол судар болох “Дао дэ жин” хэмээх зохиолыг бүрэн эхээр нь монголчилжээ. Ертөнцийн зүй зохицол, хорвоогийн жам ёстой үл тэрслэн, хүмүүний амьдралыг жаргалтай туулахын үлгэр болсон Дао-гийн судрын зохиогч нь Эртний Хятадын сэтгэгч Лаоз юм. Лаозыг Күнзийн багш гэдгээр нь ихэнх хүн мэдэх байх. Энэхүү гайхамшигт судар 5296 ханз бүхий, хоёр дэвтрээс бүрддэг.
Домогт өгүүлснээр, Лаоз хэргэм зэрэг, алдар хүнд, эд баялгаасаа татгалзан нутгаа орхин баруун зүг явжээ. (Ошо багшийн сургаальд түүнийг Түвдэд очин бясалган суусан гэж өгүүлсэн байна билээ.) Ийнхүү нутгаа орхин хилээр гарах үед нь харуулын албаны нэгэн сүрхий түшмэл түүнийг таньж, улс орондоо хэрэгтэй зүйл үлдээхийг хүсэхэд, мөнөөх судрыг 2 хоногт бичиж өгөөд цаашаа мөрөө хөөсөн гэдэг.
Дао хэмээх нь ертөнцийг бүтээгч, бас зохицуулагч дээд хууль гэсэн утгатай. Гагцхүү оюун ухаанд л мэдрэгдэн тэмтрэгдэж болох тэрхүү нууцлаг ертөнцийг даган, өдөр тутмын амьдралын элдэв тээр дарамтанд үл автан энгүүн сайхан амьдрах тухай сургааль билээ.

Published January 1, 2003

About the author

1970 онд төрсөн. ОХУ-ын Москва хотын М.Горькийн нэрэмжит Утга зохиолын дээд сургууль, АНУ-ын Айовагийн их сургуулийн Олон улсын утга зохиолын хөтөлбөр дүүргэсэн.

“Цаг хугацаа амсхийх зуур”, “Философийн шүлгүүд”, “Non Plus Ultra”, “сэтгэл рүү шагайгч Түүнд” зэрэг яруу найргийн түүврүүд, “Дурлалгүй ертөнцийн блюз тэргүүтэн хүүрнэл зохиолууд”, “Гурамсан цадиг” зэрэг хүүрнэл зохиолын номууд хэвлүүлсэн. “2х2=6 буюу Суут жаран сэтгэгч”, “Орчин цагийн аугаа их сэтгэгчид”, “Зэн-буддизм: Амьдралаас ангижрахуй” зэрэг философийн чиглэлийн номууд бичиж, “Дэлхийн сонгомол яруу найраг” антолог, Монтэнь, Сартр, Фолкнер, Борхэсийн зохиолуудаас монгол хэлнээ орчуулсан.Хамгийн сүүлд “Бөөгийн домог” романаа 2010 онд гаргажээ.

Reviews

[Chimedee M · Rating 5 out of 5]

Гайхалтай орчуулга болж чадсан гэж боддог. Өмнөх үг нь ч бас их чамбай нийтлэл болсон байна лээ. Аюурзана гуай манайхын сэтгэлгээний ертөнцөд том том хөрөнгө оруулалтыг хийсэн хүн шүү. Баярлалаа.

[Anxaa]

ЭНЭ номыг уншихыг их хүсэж бна. яаж олж авах вэ?

[Anu Batkhurel · Rating 5 out of 5]

Ямар гоё дулаахан бас хөнгөхөн юм бээ? Хатуу байх гэж хичээх бүрт сөхөрч нурна, зоримог чанга байх гэж тулах бүрт л бутарна.

[Oyunbileg · Rating 5 out of 5]

ДАО бол нэгийг бүтээгч, тэрхүү нэг хоёрыг бүтээнэ, хоёр гурвыг, гурав нь бусад бүх зүйлийг бүтээнэ ..... Тэнгэр газар хоёр мөнх юм учир юу гэвэл тэд өөрсдийнхөө төлөө оршин байдаггүйд болой

[Nomin · Rating 1 out of 5]

market at is to-read

[Bat UD · Rating 5 out of 5]

Энэ номыг хаана зарж байнх