Дурлалгүй ертөнцийн блюз тэргүүтэн хүүрнэл зохиолууд

Шинэ үеийн номын сан

by Г. Аюурзана

Тус ботид Г.Аюурзана өөрийн богино өгүүллэгүүд, эсээ, мөн 2 бэсрэг романаа багтаасан. Миний хувьд бол түүний өгүүллэгүүдээс эротик өнгө аяс, гүн бодлогоширол, экзистенциалист маягийн хувь хүний дүр их харагддаг. Уншууртай, салахын аргагүй өгүүллэгүүд ч бий дээ. Энэхүү номыг ерөнхийд нь 3 хувааж болох юм.
Эхний хэсэгт нь “Дурлалгүй ертөнцийн блюз” хэмээх цуврал, хоорондоо ямар нэгэн шижмээр холбоотой ч байж болох богино өгүүллэгүүд багтсан. Бүгд л азгүй дурладаг. Хамгийн сүүлийн төгсгөлийн хэсэгт зохиогч энэхүү өгүүллэгүүдээ “өшөө авагч” хэмээн нэрийдсэн хэн нэгэнд уншуулж байгаагаар гардаг. Өшөө авагч маань зочид буудлын хямдхан өрөөнд тэдгээрийг уншиж дуусаад: “Амьдрал гэж юу болохыг би мэдлээ, даанч тэнд чинь үнэнээсээ дурласан хүн ганц ч алга даа...” хэмээн хэлж буйгаар төгсдөг. Дурлалгүй ертөнц...???
Хоёрдахь хэсэгт түүний “Есөн эсээ” хэмээх эсээ бодролууд багтсан. Бурханы тухай, Яруу найргийн тухай, Цаг хугацааны тухай, Үхэл, Дурлалын тухай гэх мэт сонирхолтой сэдвүүдийг хөндсөн. Эсээ болгондоо амьд жишээ, баримт оруулсан нь яг л Монтений эсээнүүд шиг. Мөн хавсралт болгон Хайку хэмээх Японы богино шүлгүүдийн тухай өгүүлэл оруулсан.
Гурав дахь хэсэгт “Хэвтрийн хүн”, “Цасны роман” хэмээх хоёр бэсрэг романаа оруулсан. ХХ (Хэвтрийн хүн) хэмээх гол баатар маань нэг өглөө сэрэхэд л цаг хугацаа зогсчихсон байдаг. Ингээд л олон адал явдлууд өрнөнө дөө. Энэ романы гол утга санаа нь “бид хэзээ ч бие биенээ ойлгож чаддагүй юм байна” гэсэн санааг илэрхийлээд байх шиг санагдсан. Бэлгийн сулралтай эрчүүдэд туслах нэгэн төвийн тухай зар фм-ээр явахад нь сонирхоод утсыг нь тэмдэглэж авч байснаа, тэр цаасаа баатар маань сурсан зангаараа тухайн өдрийн тэмдэглэл болгож хуанлийн завсар хавчуулчихдаг. Харин түүнийг нас барсных нь дараа найз хүүхэн нь тэр цаасыг олж үзчихээд, утас руу нь залгатал өөдөөс нь хачин завхай асуултууд асуухгүй юу, ингээд л тэр ХХ-г шал буруугаар ойлгоод үлдчихдэг.
Цасны романд, олон жил цас ороод орчлонгоос тусгаарлагдчихсан нэгэн тосгоны тухай гардаг. Гол дүр нь нэгэн жаахан охин байдаг. Түүний охин насаа үдэж буй тэр үдэш, хөрш авгай нарын ичгүүр сонжуургүй зан, хов жив... Удалгүй дулаарч, цас хайлж эхлэхэд, тосгоныхон ганц дархан өвгөнөөрөө завь хийлгэдэг. Бүгдээрээ ингээд үерт автаж үхснээс ганцыгаа ч болов завинд суулгаад амьд үлдээе гэж тохирдог. Ганц хоёрхон хүн багтах тийм жижиг завь л хийж дөнгөж л дээ. Ингээд тэр бүсгүй завинд суун амьд гардаг, тэр үедээ жирэмсэн байдаг билүү яадаг билээ. Зохиогч энэ тухай домгийг хөгшин настай өвөөгөөсөө сонссон гэж хэлдэг ба тэр өвгөн нь мөнөөх завь урласан дархан, бүсгүйн гэдсэнд байсан жаал нь зохиогч өөрөө юм уу, эсвэл гэдсэнд байсан жаал хожим өвгөн болоод түүнд дээрх түүхийг ярьж өгсөн үү гэдэг нь тодорхойгүй үлддэг...

First published January 1, 2001

About the author

1970 онд төрсөн. ОХУ-ын Москва хотын М.Горькийн нэрэмжит Утга зохиолын дээд сургууль, АНУ-ын Айовагийн их сургуулийн Олон улсын утга зохиолын хөтөлбөр дүүргэсэн.

“Цаг хугацаа амсхийх зуур”, “Философийн шүлгүүд”, “Non Plus Ultra”, “сэтгэл рүү шагайгч Түүнд” зэрэг яруу найргийн түүврүүд, “Дурлалгүй ертөнцийн блюз тэргүүтэн хүүрнэл зохиолууд”, “Гурамсан цадиг” зэрэг хүүрнэл зохиолын номууд хэвлүүлсэн. “2х2=6 буюу Суут жаран сэтгэгч”, “Орчин цагийн аугаа их сэтгэгчид”, “Зэн-буддизм: Амьдралаас ангижрахуй” зэрэг философийн чиглэлийн номууд бичиж, “Дэлхийн сонгомол яруу найраг” антолог, Монтэнь, Сартр, Фолкнер, Борхэсийн зохиолуудаас монгол хэлнээ орчуулсан.Хамгийн сүүлд “Бөөгийн домог” романаа 2010 онд гаргажээ.

Reviews

[Undrakh · Rating 4 out of 5]

Эссэнүүд нь таалагдсан тэр тусмаа яруу найраг , хайкугийн тухай нь . Хэвтрийн хүнийг уншиж дуусаад сэтгэл бүр нэг хачин болдог юм байна лээ .Бүгдээрээ нийлээд намайг хуурч байвал яана ч гэж бодож байх шиг :)

[Iderchuluun Idree · Rating 5 out of 5]

Аюурзаныг надад таниулсан Цасны роман. 9 билүү 10р ангидаа анх уншаад шоконд орж билээ. Өлзийтөгс Аюурзана 2н үед зохиол бүтээлийг нь уншиж байгаа бид юутай азтай.

[Zolzaya Naranbaatar · Rating 4 out of 5]

Хүүрнэл зохиолууд бол өвөрмөц. Ойлгох гэж хичээмээргүй. Хэвтрийн хүнийг арай илүү задалж бодож болж байх шиг байсан. Эсээнүүд харин сонирхолтой. Молор-Эрдэнийн хэлдэг санаанууд хэсэг хэсэг газар илрэх шиг болсон.

[Tsogdari · Rating 5 out of 5]

Хэн нэгэн надаас хамгийн дуртай номоо нэрлээч гэж асуувал би түүнд ингэж хэлэх байх. "Энэ асуулт надад чи ямар өнгөнд дуртай вэ? гэж байгаа юм шиг сонсогддог. Би өөрийнхөө дуртай өнгийг одоогоор олоогүй л яваа. Гэхдээ миний уншсан номнууд дундаас Г.Аюурзаны "Дурлалгүй ертөнцийн блюз" бол хамгийн тод өнгөтэй ном минь билээ".

[Д. Ану]

it is great

[Tg Mate · Rating 3 out of 5]

As usual

[нимбэг · Rating 4 out of 5]

...цаг явах нь
шувууны одох зүг... /Д.Н/

[Ag]

Хэвтрийн хүн энэ ном дээр байдаг юм байна... эхлүүллэээ :)

[Telmuun]

чабж

[Тэгшжаргал Баярсайхан · Rating 4 out of 5]

:P