يا من تكره الفيزياء

by نهى علوي الحبشي

كتاب مؤثر يحاول أن يغير نظرة المجتمع للفيزياء

Genres: Science, Physics

96 pages, ebook

First published January 1, 2009

About the author

* طالبة فيزياء في كلية العلوم بجامعة الملك عبدالعزيز

* عضوة في ملتقى قسم الفيزياء لكلية العلوم في جامعة الملك عبدالعزيز

* للفيزياء مشرفة منتدى النانوتكنولوجي في منتديات الموقع التعليمي

* عضوة في الجمعية العلمية السعودية الفيزيائية الفرع الطلابي

* (مؤسسة مشروع (معاً نقدم لمجتمعنا تقنية النانو

Reviews

[Mohamed · Rating 4 out of 5]

فى البداية ده تعديل لريفيو من 3 سنين كان سطرين بس حالياٌ محتاج اكتب حاجات كثير

ملاحظة قبل ما تكمل قراءة , الريفيو كله بالعامية لانه هيحكي مواقف حصلت بالفعل
فى البداية انا طالب قسم الفيزياء فى جامعة العلوم والتكنولوجيا بمدينة زويل (بيقولوا عليهم أمل مصر :D (
المهم المواقف التالية هي حقيقة تماماٌ ولو انت تعرفني شخصياٌ فحاول ان الكلام الجاي ميوصلش للاشخاص الاتي ذكرهم
1- والدتي العزيزة علشان متطردش من بيتنا
2- رئيس قسمي علشان متنفخش اكثر ما انا منفوخ
3- عميد الجامعة علشان مش ناقصة

الموقف الاول

جلسة ودية فى جو من الوئام والسلام مع امي حبيبتي
انت يا محمد جايب 99% ولازم تدخل طب
- بس انا مش عايز ادرس طب وبكره البيولوجي اصلاٌ بالفطرة
خلاص ادخل صيدلة
- علي اساس ان صيدلة دي ايه
يبني اهو تفتح صيدلية ويبقي ليك مستقبل
- هو لو علي المستقبل يا حبيبتي فمفيش فى بلدنا مستقبل
خلاص انت مش كنت بتقول عايز تدخل هندسة
- ايوة بس هندسة نووي ان شاء الله
وهي دي ليها مستقبل فى مصر ازاى يبني
- غالباٌ ملهاش مستقبل يا ماما وانا مش عايز اشتغل مهندس نووي انا كنت ناوي عليها وبعد ما اخلص البكالوريوس اسافر واكمل ماجستير فى فيزياء الطاقة العالية
طيب دلوقتي هتعمل ايه ؟
- انا الحمد لله يا ماما قبلت فى جامعة زويل وناوي ادخل قسم فيزياء
_
_
_
(تم حجب الجزء ده من الكلام علشان انا مش ضامن برضه الكلام يوصل ومن خاف سلم :D )

يبني هو القسم بتاعكم ده عن ايه وهتطلع ايه لما تتخرج
- بصي يا ماما هو احنا بتوع بحث علمي
محمد
- ايوة
قوم اعمل اللي انت عايزه وخذ الباب معاك
- حاضر يا ماما

هو عموما الموقف ده كان قبل ما ادخل الجامعة بكام يوم وعلشان اختصر الموقف ده بيتطور من اللحظة دي مرورا بلحظة ما بعد سنة اولي لما جيت اختار التخصص ولسه بيتكرر فى كل نقاش امي بتسأل فيه
انت هتطلع ايه لما تتخرج
والله يا حاجة الموضوع مش سهل وبيعتمد علي ابنك هيعمل ايه وقدراته فى البحث وتمكنه ....الخ دى حاجات زي الجواز قسمة ونصيب كده


الموقف الثاني
مع الاستاذ الدكتور رئيس القسم

فى زيارة معتادة للدكتور رئيس القسم لتوصيل بعض الشكاوي الجماعية باعتباري ممثل طلاب قسم الفيزياء والمتحدث الرسمي باسمهم لرئيس القسم مع اثنين من الزملاء فى الدفعة الاصغر مننا ( احنا فى توقيت كتابة الريفيو دفعتين بس فى كل الجامعة (
المهم كانت شكوي من قلة عدد كورسات ومواد الرياضيات ووجود مادة علم الارصاد وهي ملهاش لزمة الصراحة الا اني شايف انها كانت كويسة جدا بسبب اني جبت فيها امتياز مع مرتبة الشرف وزودت التقدير العام يعني :D
المهم كان فيه نقاش وسجال واحتدم
ولكن وصل الي الذورة مع لما انا جيت عند ذكر اننا هناخذ فى سنة رابعة كورس النسبية العامة بالتفصيل وهيطلع عينا وهنتنفخ
وفجأة الدكتور يقولي بس استني انت بتقول ايه
ويقوم يشمر الاكمام ويقول للاثنين اللي معايا لا هاتوا كراسي كده واقعدوا ويقوم من علي المكتب ناحية الباب يشوف اذا كان حد بينادي ولا حاجة
انا الصراحة قولت بس الباب لو اتقفل انا مش هطلع :D

المهم انا برضه مضطر أحجب الجزء اللي بعد كده والمرة دي مش علشان بس الكلام ممكن يوصل بس علشان كرامتي اتبعترت :D قدام زمايلي فمش عايزه قدام الجمهور كله
بس ملخص فكرة التهزيق كان اني ازاى اتكلم عن الفيزياء بشكل غير لائق وازاي اقول انها نفخ ده انا المفروض هستمتع
هو انا الصراحة بستمتع ولا مؤاخذة فى نفس الوقت بيطلع عيني فانا لحد دلوقتي مش فاهم ايه العلاقة
بس اتعلمت درس انا مع رئيس القسم معترفش بحقيقة المعاناة حفاظا علي كرامتى لانه بيعشق الفيزياء عشق


الموقف الثالث
فى محاضرة مادة الفيزياء الحديثة الترم الثاني السنة دي واحنا بناخذ المادة دي مشتركين مع اقسام هندسة النانو تكنولوجي وقسم علوم النانو وقسم علوم المواد وطبعا احنا قسم الفيزياء وكان دكتور المادة هو رئيس القسم بتاعنا
المهم كانت المحاضرة مش فاكر موضوعها الاساسي ايه بس الموقف المهم فيها كان لما الدكتور اتكلم علي معادلات ماكسويل وازاي ميكانيكا الكم هتحتاج تعديلات فيها والمهم اتكلم عن ازاى ماكسويل جابها
واذ فجأة واحد من زمايلانا قول هو ماكسويل كان بيهجص بقي ( هو انا مش فاكر الكلمة نفسها تحديداٌ بس هي نفس المعني) واذا فجأة الدكتور يهب فجأة ويزعقله ويقوله مسمحلكش
ييجي زميلنا لسه عايز يوضح الدكتور يقاطعه ويقوله مسمحلكش تتكلم عن ماكسويل كده ابداٌ
والموقف ده علمني ان الدكتور طارق ميتغلطش فى عالم فيزياء قدامه او فى اى حاجة فيها فيزياء


الموقف الثالث
فى لقاء ودي بين ممثلين الاقسام وعميد الجامعة
المهم انا تقريباٌ كان معايا ورقة A4 مليانة بالنقاط وملاحظات الطلاب زمايلي ومطالبنا وشكاوينا المهم انا اصلا واخذ اذن الطلبة ورئيس القسم اتكلم باسم القسم
المهم ان انا بعد ما قعدت اتكلم والعميد يكتب ورايا وانا كنت اخر ممثل اتكلم اصلاٌ
قالنا كفاية كده النهاردة وقعد يعد اللي كتبوا لقاه حاجة وثلاثين صفحة قالنا استنوا كده
وقام بقي قام قافل الباب بالمفتاح :D
وراح الدولاب طلع علبة شيكولاتة واذ به فجأة يعزم علينا بيها
ويقولنا محدش هيخرج بقي الا لما يقول ويتكلم عن حاجة ايجابية فى الجامعة
الدكتور الصراحة من حقه يجيله اكتئاب ويتخنق
بس عموماٌ عرفت اهرب وواتكلمت عن دكتور عندنا فى القسم

فيه تفاصيل تم حجبها فى المواقف الثلاثة علشان البرستيج برضه يا جماعة مينفعش
عموماٌ كل المواقف متعلقة بدراسة الفيزياء والكوميديا اللي بشوفها بسببها
الدكتور رئيس القسم ومعظم دكاترتنا هم عاشقين فعليين للفيزياء كعلم وناس مستواهم عالي سواء فى التدريس او البحث العلمي
عندما مركز الفيزياء الاساسية وده فيه عمالقة بمعني الكلمة
عموماٌ فيه مواقف كثيرة ويوميات تتعلق بالمفهوم الغلط للفيزياء ممكن اتكلم عنها
بس انا حابب اختم بموقف حصل ليا وانا مسافر من المنصورة للقاهرة علشان اروح الجامعة بعد اجازة الويك اند

الا هو انت فى جامعة ايه ؟
سؤال سأله واحد جنبي فى القطار
قبل ما اجاوب فكرت اني لو قولتله اني فى جامعة زويل
هيقولي بجد ودي نظامها ازاي وهل هي فعلاٌ تبع الدكتور زويل وهل الدكتور زويل جه وبييجيلكم ولا لا وايه هي الاقسام اللي فى الجامعة وكل قسم بيتكلم عن ايه
وبعدين يسالني انت قسم ايه فأقوله قسم فيزياء الارض والكون ويقولي ده فيه ايه اقوله فيه فيزياء فلكية وفيزياء طاقة عالية ويقولي وانت انهي فيهم اقوله فيزياء الطاقة العالية ويقولي ودي بتاعة ايه
اقعد اقوله بندرس فيها فيزياء الجسيمات وعلوم الكون فيسألني ايه هي علوم الكون وفيزياء الجسيمات فأقعد ساعة اشرحله وفى الاخر مش هيفهم
وبعدين يقعد يكلمني عايز تسافر ولا لا وشوية كلام عن الوطنية وعن احوال البلد وطبعا مش هينسي يجيب سيرة جامعة النيل وحكايتها ويسألني كنت بتذاكر ازاي فى الثانوية العامة ومجموعك كان كام
ها يا أخينا رحت فين
- فى كلية تجارة جامعة القاهرة

اخر تحديث
27-7-2015
ابقي تعالي شقر هجدده بمواقف حلوة ان شاء الله

[Nada Khaled · Rating 4 out of 5]

كفتاه على مشارف دخول الثانوية العامة؛ دار الحوار الأتى بينى وبين والدتى:

ماما: شوفى إنتى عاوزة طب وصيدلة ولا هندسة عشان تحددى علوم ولا رياضة
أنا: أها .. Okay .. وإفرض مش عاوزة الإتنين؟
ماما: يبقى مش فارقة أى حاجة بعد كدا
أنا: هو إيه إللى مش فارقة بالضبظ؟
ماما: يعنى لو مش طب أو صيدلة أو هندسة تبقى مش فارقة، الكليات كلها زى بعض
أنا: دا إللى هو إزاى يعنى؟ .. يعنى علوم زى تجارة؟!!
ماما: لا، تجارة أحسن من علوم!
أنا: O.O
ماما: عالأقل تجارة هتخلصى هتشتغلى فى بنك، إنما علوم ملهاش مستقبل غير مدرسة، لو عايزة تطلعى مدرسة إدخلى تربية أحسن عالأقل فيها تكليف
أنا: مدرسة إيه بس!! ليه مثلا مدخلش علوم وأتخصص Biophysics أو أدخل قسم فيزياء وأتخصص Nuclear Physics مثلاً؟
ماما: Nuclear Physics .. وبعدين .. هتطلعى منها إيه -.- ؟؟
أنا: Nuclear physics! هطلع منها إيه يعنى؟! .. عالمة ذرة ^_^
ماما: طب خدى الباب فى إيدك وإطلعى بره :D
--------------------------------------
هذا الحوار الفكاهى دار بينى وبين أمى منذ فترة قصيرة حيال نقاشنا حول الكلية التى إلى الأن لم أحدد ماهيتها..
ترى أمى -ككل الأمهات المصريين بصفة خاصة والشعوب العربية بصفة عامة- أن لا مكان للعلماء هنا،، ترغب أن ترانى طبيبة (ويعملولى عيادة)، صيدلانية (ويفتحولى صيدلية)، أو مهندسة (بيفحلهم مكاتب باين) .. كل هذه الأشياء شغلها مضمون بعد التخرج مباشرة .. بينما، "علوم"، حيث الأبحاث العلمية الكثيرة والدراسات الطويلة والمواد المعقدة التى تشبه مواد الكليات المذكورة أعلى، وفى نهاية الأمر، أنا وخريج تربية سواء،، أو قد يكون أفضل منى فى فرصة إيجاد عمل (كمدرس) .. هكذا يرى مجتمعنا خريجى علوم..

لماذا الذى يتخرج من طب يكون (Dr) -علما بأنهم لم يحصلوا على شهادة الدكتوراه بعد-، والذى يتخرج من هندسة يكون (باشمهندس)، والذى يتخرج من علوم لا يكون (عالما) ؟! -سؤال يستحق التأمل-

مجتمعنا يحتاج إلى كثير من العلماء! كيف نطمح فى التقدم دونهم؟ كيف نبغى النهوض بلاهم؟! إن أهميتهم لا تقل عن الدكاترة والمهندسين -قد تزيد- فبدونهم لما كانت الأدوات الحديثة المستخدمة في الطب حالياً، وما كان لأدوات البناء المتطورة وجودا..

حاولت الكاتبة -جزاها الله خيراً- توضيح هذا بشكل عام وفى الفيزياء بشكل خاص،، أولاً، لأنها طالبة فيزياء محبة لدراساتها،، ثانياً، ﻷن سمعة الفيزياء فى خطر شديد ونظرة المجتمع لها على إنها شئ لا يطاق -بعبع-،، ثالثاً، لأنها أساس العلوم كلها..
"All science is either Physics or stamp collecting" ;;)

[Muhammad Tarabishy · Rating 5 out of 5]

جميل و قصير وبكلمات مختصرة لتصحيح المفاهيم الخاطئة عن الفيزياء ونظرتنا السلبية عن مادة اوعلم الفيزياء ككل
و اقول الله يسامح اساتذة الفيزياء ايام الثانوي يلي ما عرفو يوصلو هالمادة الرائعة
اذكر فقط استاذي الرائع ايام الثانوية العامة .. الاستاذ غسان اللحام .. بارك الله فيه .. كان الاستاذ الوحيد يلي عرفت منه مادة الفيزياء
تكاد حياتنا اليومية لا تخلو من مثال للفيزياء قد اودعه جلّ جلاله في هذا الكوكب بل في هذا الكون الواسع

واشكر الكاتبة على هذا النموذج الرائع .. فنحن بحاجة الى هذه الكتب والشروحات والمناقشات عن العلوم بشكل عام

فحتى علم الكيمياء قد ناله من الآراء السلبية ما نال علم الفيزياء

[Zainab Al Kubaish · Rating 4 out of 5]

قصير.. جميل.. تثقيفي
حبيت المعلومات اللي فيه و اكتشفت أشياء جديدة ما كنت أعرفها
مثل المجلات الفيزيائية الإلكترونيه و انه تقنية النانو تدرّس في جامعة الملك عبدالعزيز بجدة و غيرها من الجامعات في المملكه! بالإضافة لبعض المعلومات عن المنتديات الهادفة و وجود فرص عمل كثيره للفيزيائيات

هل أعتقد انه انسان يكره الفيزياء لما يقرأه رآح يحب الفيزياء ؟
لا .. لكن بالتأكيد فيه جانب توعوي لطيف

[bushra · Rating 5 out of 5]

كتاب رائع.
اكثر ما شدني اليه هو اسمه، وتحمست كثيرًا لقراءته، بالرغم من كرهي الشديد للفيزياء بسبب معلمتي.
ندمتُ جدًا، وتمنيت لو انني قرات هذا الكتاب قبل ان اصبح في الثانويه واختار الفرع الادبي تهرُبًا من الفيزياء وخوفي منها.
حقًا الفيزياء عالم رائع، وبالرغم من انني بالفرع الادبي ساتعلم الفيزياء من جديد. وساهدم ذاك الخوف، الذي جعلني اكرهها
سلمت يمناك ~

[Mohammed Rashed · Rating 3 out of 5]

كتاب قصير ومفيد وممتع وتلقائي .. تحاول الكاتبة فيه تصحيح النظرة السلبية للمجتمع لعلم الفيزياء علماً ووظيفةً

كتاب جداً مفيد لطلاب المدارس، وبالذات الطلاب الثانوية ولطلاب الجامعات أيضاَ المستجدين (السنة التحضيرية).

وقد قرأته سابقاً قبل أن ألتحق الجامعة، وهو من عوامل تشجيعي في دخول تخصص الفيزياء

الكاتبة استخدمت أسلوب تلقائي جداً سهل في قراءة الكتاب، لذلك هو مفيد لغير القراء أيضاً، وفعلاً الكاتبة اجتهدت في الكتابة والتصميم وجمع المعلومات، وكنت أكاد أن أقسم أن ليس هناك كتاباً من أجل علم الفيزياء كهذاالكتاب، وحتى يصلح لأي قارئ من يرى العالِم الفيزيائي أو أي عالِم نظرةً قاصرة أو سلبية

وهناك أيضاً اختلافات فكرية للكاتبة ليس هنا محلها، كالإعجاز العلمي و ميلها الأممي أو القومي للأمة الإسلامية العربية في نهضة العالم

حيث أني أؤمن شخصياً أن البشر جميعاً لهم المسؤولية الواحدة في نهضة أنفسهم من براثن الجهل إلى نور المعرفة وليست مسؤولية مخصصة لأمة معينة أو لعرق معين، بالرغم من ذلك لا أقصد أن الكاتبة كانت عكس ذلك، بل الأمة العربية تحتاج إلى أن ترتقي وتتقدم حالها كحال الأمم الأخرى.

ولا تبقى مستهلكةً إلى الأبد، ومن أمانيي أن أرى العرب يصطفون علماً ومعرفةً مع الأقوام الأخر

وفي الأخير أشكر الكاتبة على جهدها، وأتمنى لها التوفيق والنجاح

[Fatimah · Rating 5 out of 5]

بعد قراءتي للكتاب اعتمدت بعض أجزائه في مشروع دراسي بعد أخذ إذن النشر من الكاتبة. الكتاب يسعى بفكرٍ غني وأسلوبٍ جميل لمحو الصورة السلبية التي يتخذها معظم الطلبة ضد الفيزياء لأجل عوامل عدة تنظّمها نهى في كتابها وتدحض أسبابها بالحجة والأمثلة
كتاب مميز في طرحه جذاب في تصويره ومحتوياته ولا عجب في روعته كونه خُطّ بقلم كاتبة متفوقة أدبًا وعلمًا وعملًا.. أثابها الله وسخّرها لرفعة أمّته.

[Jaber ab · Rating 1 out of 5]

الكتاب يعتبر خطوة فى الاتجاه الصحيح
كان بامكان الكاتبة ان تجعل من هذا العمل افضل
ولاكننى لا الومها عل كل سوي على بعض المفاهيم الخاطئة
اللتى قدمتها فى الكتاب ومنها محاولة تخصيص ربط العلم والعلماء
بالدين والقومية وهذه مغالطة شائعه لان العلم نتاج بشري ولا يخص دين او قومية معينة
كما قامت الكاتبة بمحاولة سرد اسباب مشكلة النظرة السلبية للفيزياء من دون ان تحاول
ان تقدم شيئا ولو بسيطا يجعل من القاريء يغير نظرته .. الكتاب فى مجمله كان محاولة تشخيصية
لمعرفة اسباب النظرية للفيزياء بدون بدل اى جهد لتغيير تلك النظرة :)

[AB · Rating 5 out of 5]

أن تكون الفتاة طموحة
أن يكون لديها حلم تؤمن به
أن تكون متفائلة بتغير الأمور للأفضل
أن تتحدى نظرة المجتمع لما تحبه
......
هذه هي الشجاعة
أحببت هذا الكتاب
لأنه أثر في نفسي

In a society where physics is not considered important, a smart and courageous girl tries to change their point of view by using tactful ways.

[Shayma · Rating 3 out of 5]

هَذا الكِتاب .. لَم يجعلني أحب الفَيزياء ..
بَل جعلني أنظر نظرو إيجابية بـ إتجاه جَميع التخصصات المَطلوبة دِراسياً ..
شدتني لغة الكاتبة كَثيراً ..
وَ ضربت كَلاماتها عَلى اوتار القلب .. فـ هي تكتب كَما وَصفتها بـ " حرقة قلب " !
وَ هذا بسبب قلة المنسوبات إلى الفيزياء ..
أعجبني الكتاب كَثيرا .. وَ جذبتني كثير من المعلومات كُنت لا أعرفها ..
أستطيع تَصنيفه مِن الكتب التربويه =) ..

[Ahmad Alotaibi · Rating 4 out of 5]

كتاب لطيف وخفيف يحاول تحسين الصورة النمطية السلبية في المجتمع لتخصص الفيزياء ، من خلال إبراز أهمية التخصص ومجالات العمل .

يحتاج الكتيب إلى إبراز التطبيقات العملية للفيزياء بشكل أوضح وتزويد القارئ بمعلومات وفوائد مسلية ومبهرة حول الفيزياء

[Buthaina · Rating 3 out of 5]

أظن أن إحدى صديقاتي دلتني عليه، أذكر أنه ساعدني على "بلع" الفيزياء قليلًا، وتكوين صورة إيجابية عنه بعض الشيء، وأرجع عدم تأثري بشكل كبير به لعقدتي من الفيزياء ككل :).
الكتاب خفيف وممتع، أنصح به لطلاب الثانوية.

[Mohanad Dawoud · Rating 4 out of 5]

محاولة رائعة لتغيير النظرة السلبية في المجتمع عن تخصص الفيزياء

اعتقد بانه كتاب جميل

[Fatimah · Rating 5 out of 5]

كتاب مؤثر يسرد حقائق يجهلها المجتمع
ليتنا نحاول نشر رسائله وتثقيف البيئة المحيطة
احببت هذا الكتاب وهو الذي ساعدني في
اختيار تخصصي الجامعي
كتاب رائع

[Mahmoud Ali · Rating 4 out of 5]

كان اجتهاد حلو من الكاتبة ويمكن علي الأقل يصلح نظرة المجتمع السلبية عن كلية اعلوم والفيزياء وانا حبيت الكتاب أكتر علشان ان بحب الفيزياء :) وهو دا الريفيو البسيك بتاعي علي كتاب حلو وخلاص :) :)

[Magda Ali · Rating 2 out of 5]

كتاب تنمية بشرية بس عن الفيزياء :/

[Rofida Mahmed · Rating 4 out of 5]

الجدير بالذكر انى بعد ما قرأت الكتاب كان عندى درس فيزياء
وعلى عكس الطبيعى كنت مستمتعة بالشرح جدا ومش عايزاه يخلص .
الكتاب ممتع جدا :D

[Salma Alhagry · Rating 4 out of 5]

هذا الكتاب مفيد جداً لطلبة الثانوية العامة :-)

[lin · Rating 4 out of 5]

جميييل جدا الفكرة وطريقة الطرح والاسلوب كله رائع
شكرا جزيلا

[Lamees · Rating 5 out of 5]

يتحدث الكتاب عن النظرة السلبية"الخاطئة"التي يتداولها الأغلبية عن الفيزياء،بأنها معقدة،بلا فرص عمل،لا تطبق في الحياة الواقعية.....مما أدى إلى تناقص وتضائل طلاب وطالبات الفيزياء،بالتالي،قلة علماء وعالمات الفيزياء الذين نحن في أمس الحاجة إليهم للنهوض بأُمّتنا والتفوق على بقية الأمم المتقدمة مادياً،ليس بالتفوق عليهم مادياً فقط!بل لنسمو بأخلاقنا متمسكين بديننا،لنكمل ما بدأه سابقونا من علماء المسلمين.
تحدثت الكاتبة بدايةً عن أسباب تشكُّل هذه النظرة السلبية،كيف تشكلت ومن أين؟؟
ولمَ من واجبنا نحن أيضاً أن نغيّر تلك النظرة السلبية الخاطئة؟؟
وما هي الصورة الحقيقة المتزنة للفيزياء؟؟
وختاماً:كيف نصحح تلك النظرة السلبية السائدة في أغلب مجتمعاتنا؟؟
أجابت الكاتبة:نهى علوي الحبشي عن كل هذه الأسئلة في كتابها "يا من تكره الفيزياء"

غيَّرتُ نظرتي للفيزياء تماماً بعد قراءتي لهذا الكتاب...

[Rahaf Kajouj · Rating 1 out of 5]

صراحة بعدما قرأت عن الكاتبة وتفوقها في الفيزياء توقعت كتاباً أعمق من ذلك بكثير
هذا الكتاب يصلح لطلاب الصف الإعدادي أو الثانوي أما ما هم أعلى فيحتاجون مستوى من الخطاب والمعلومات اكبر من ذلك بكثير