الداما

by محمد صادق

هذه رواية لن يفهمها إلا من مرّ بها، وعاش ألم أبطالها، وتم إجباره على الصمت..
هذه رواية مؤلمة سترى فيها كل ما يحدث من واقع مؤلم نعيشه.
ولكني لا أريد أن أثير فضولك بهذا الكلام..
أنا فقط أحذرك..
إن كنت من محبي القواعد، ولا ترى أنها قابلة للشك.. وإن كنت ترى أن هناك حدودًا لابد ألا نتخطاها.. وأننا خُلقنا في الحياة كي نعشق القواعد والقوانين ونعيش عبيدًا لها..
فاترك الرواية الآن..
لا أريد أن أضيّع وقتك الثمين.
أما إن كنت تريد أن تعرف الحقيقة بأسوأ ما فيها، وتحاول أن تتقبلها كما هي..
فاقرأ على مسؤوليتك الخاصة..
- حازم كَتْخُدا

Genres: Fiction, Novels, Fantasy, Thriller, Drama

302 pages, Paperback

First published January 1, 2023

About the author

محمد صادق ,روائي مصري من مواليد 1987
صدرت روايته الأولي " طه الغريب " في عام 2010 ,ثم " بضع ساعات في يوم ما " عام 2012 , و في عام 2014 صدرت روايته الثالثة " هيبتا " التي احتلت قوائم الأكثر مبيعا منذ صدورها كما سيتم تحويلها لفيلم سينمائي , و في عام 2015 صدرت روايته الرابعة " #انستا_حياة "

الصفحة الرسمية للكاتب علي الفيس بوك :
https://www.facebook.com/MOHAMEDSADEK25

Reviews

[Manar · Rating 4 out of 5]

❞ هل تعلم يا عزيزي.. أن مقولة «لا أحد يستطيع أن يفهم ما تريده الأنثى حتى الأنثى نفسها» مقولة ذكورية تمامًا؟! نحن نفهم ما نريده.. لكننا لا نستطيع التعبير عنه أمام كائنات لا تفهم لغتنا.. ❝





‏بما ان الرواية مكتوبة بالعامية ف أنا كمان هكتب الريفيو بالعامية ، الحقيقة اني مش من جمهور محمد صادق ولا بقدر اهضم رواياته بسبب اللغة لأني تركت قراءة أي عمل باللغة العامية من وقت طويل ، نجيب محفوظ خلاني مش قادره اقرأ أي رواية اللغة فيها ركيكة😂
ولكن زمان قرأت كل أعمال صادق آخر عمل كان إذما لاقيت أن أسلوبه بدأ يتطور وفكرته حلوه ، وكذلك الداما محمد صادق بيعمل أفكار حلوة بره الصندوق تجذب وتشد الناس مع شويه الفاظ جنسية ومشاهد يبقى زي الفل بالنسباله
الرواية لاول مره لصادق بتدور على لسان البطلة ،وهي أنثي البطل الوحيد في الرواية وهي اللي بتحكي والست دي هي داما مطلقة وعندها بنت ، قررت انها تعمل صحفحه على فيسبوك اسمها عزيزي بتنتقم فيها من كل الرجاله اللي عرضوا بنات لأذي نفسي أو جسدي
ربما أوقات كتير في رواية كنت حاسه بصوت أغنيه آمال ماهر في الخلفية "عافية ذوق طول ما انا صاحبة حقوق مش هبان مكسورة ولا هبان ضعيفه"😂😂

‏ولكن تظل فكرة الرواية حلوة والمفاجاة ان كل الشخصيات اللي تعرضوا لهذا الأذى ف هي شخصيات حقيقه ولكن اسمائهم في الرواية مستعارة
تعقيبي على الرواية في بعض الصفحات حسيت فيها يالسطحية كده وأنه مصمم يحط أي ألفاظ لا تخدم الموقف ولا ليها لازمه ولكن ده محمد صادق بقا هنقول ايه 😂😂😂
العالم عمره ما هينتهي فيه الشر ولا الأذى ولا الاغتصاب ولا التحرش لأن المسؤول عن الأفعال دي بكل بساطة هو الإنسان الخرابة لذلك كل ده هينتهي بنهاية الإنسان ❤️
وإن مش المفروض ابدا نتستر على جرائم الإنسان بحجه أن الست هي الأضعف لأنها هي الضحية للأسف الخوف من الفضيحة في مجتمعاتنا دي بتخلي المجرم يزداد إجراما والستات تزداد خوف .

❞ المفهوم الخاطئ للستر، هو المتسبب الفعلي لمعظم المشاكل النفسية والجسدية في المجتمع الشرقي بأكمله.. لا يوجد «ستر» في جريمة.. لا يوجد «ستر» في أذى… لا يوجد «ستر» في أي شيء يؤذي النفوس.. ❝


حبكة الرواية ممتازة أحداثها سريعه مشوقة مفيهاش ملل ،من موقعي هذا اقدر أقول يعني ان ده في نظري أفضل عمل لمحمد صادق يليه رواية إذما من حيث الأفكار المختلفة وتطور أسلوبه فيهم
شكرّا محمد صادق ❤️

تمّت
13/5/2023

[Samaa · Rating 5 out of 5]

الكتاب ده خلص في خمس ساعات و مظنش انه ممكن يحتاج اكتر من كدة في ايد اي ست في العالم ده. الطبيعي ولأن دا ريفيو ادي نبذة عن الكتاب بس انا حاليًا مشاعري مسيطرة عليا بما يكفي اني اتجاوز ده و اقول اللي حاسة بيه. انا قرأت كل روايات الاستاذ محمد صادق. من المعترف بيه ان موهبته استثنائية. انا قفلت الكتاب ده و انا مرتاحة و فخورة. فخورة جدا ان حد زي أ. محمد صادق قرر يستغل موهبته في انه يوصل اصوات و فخورة انه قدر يوصلها بأفضل طريقة ممكنة بكل حاجة فيها بلا زيادة او نقصان. و مرتاحة لأني حاسة ان في امل. الكتاب ده حياة. حياة بتتكرر كل يوم يمكن كل ثانية و انا مشفقة علي اي حد مشافش العالم من النظرة دي. لو حبيت اوضح فكرة الكتاب هقول انه بيتكلم عن (هيا) و لو اتسألت مين هي هقول ان (هيا) ست. و اظن ان ده كفاية. شاكرة للقطعة دي اللي عمري ما هنساها و سعيدة بتكاملها و ان فيها شخصيات بتوضح الجانب السيئ و مع ذلك اخري عشان الجيد موجود. قليل بس موجود.

[Andre Yanny · Rating 4 out of 5]

مجتمعنا هو مجتمع مقيت أعطى كل الحقوق للرجل وسلب المرأة كل شئ عدى حريتها في التنفس، وافتكر إنه كده اداها حرية الحياة علشان سايبها تتنفس.

محمد صادق في روايتة دي -اللي انا حالياً بعتبرها أعظم حاجة كتبها- وراني الجانب المظلم للمجتمع المصري اللي متخفي تحت شمسية "المبادئ" ومتنكر بنظارة "الأصول" السوداء ومزين بعمامة "الأخلاق" القميئة. الحقيقة دي للأسف واضحة زي الشمس للناس كلها من زمان، بس تحس إن كله خايف يقولها بصوت عالي.

مجتمعنا المصري العظيم قايم على تأليه الرجل وإن المرأة مجرد عبد لنزواته. الفترة الأخيرة بالذات كمية القضايا اللي بتتعلق بالتحرش أو الأغتصاب زادت بطريقة مرعبة، وللأسف أغلبها بتنزل على مفيش في الأخر.

محمد صادق مش هو المنقذ اللي هيغير مصر في يوم وليلة. الرواية دي مش هي "كتاب الدين" اللي هيغير طريقة تفكير مجتمع تفكيره ملوث من تراكمات سنين. لكن… لعل وعسى تكون الرواية دي عامود نور نوره خفيف في شارع مظلم في ليلة كئيبة. يمكن لما حد يشوف عامود النور ده يعرف ينور عامود نور غيره، وغيره ينور غيره، وغيره ينور غيره، لحد ما إن شاء الله الشارع كله ينور.

كده كده مش هتكلم عن أسلوب محمد صادق الروائي لأني بحبه حب جنون من زمان. هو مش الروائي المصري المفضل لي من فراغ.

[Donia Darwish · Rating 2 out of 5]

عزيزى صاحب …. ( مش هينفع اقول باقى افتتاحية كل رسالة ✉️) 😁
ليه 🤔 لأن تكملتها أعتقد أن أغلبنا هيرفضها
حلو أنك يبقى ليك قضية تناقشها فى رواية
وتغزلها براحتك وتضيف ليها خيالك 💭

لكن اللى مش حلو ومن وجهة نظرى مش مقبول أنك تخلى الرواية مليانة تحرر بشكل مش معقول ولا مقنع يعنى ايه جات تدافع عن قضية ما خلتنى مبقتش متعاطفة معاك حتى لو اتأثرت فى بعض الاوقات بطفولة مليانة عقد و ابتلاءات خليت البطلة تتحول لسوبر ومن 🦸‍♀️وعادت لتنتقم 💪🏻 من كل ( صاحب …….. ) والمفروض افرح واقول الله عليها 👏👏✊🏻
جابت حقنا ويستاهلوا باظت الفكرة بأسلوب الكلام وانتهى معاها فرحة الانتصار بأخد الحق من كل ( أصحاب …..)

الفكرة بكل بساطة شخصية البطلة هيا أو زى ما سميت نفسها ( الداما ) اسم مستعار
بيلجأ ليها كل بنت اتضحك عليها واستغلت اى استغلال سواء من حبيب ، أخ ، أب ، زوج أى مذكر فى الحياة
وأخذ الحق فن مش عن عن … فمن غير أى اجراءات تلبسها فى أى نوع من الإتهامات بترجع الحقوق للبنات وتصقيفة آمااااال
👏👏
ريڤيو هيبقى عليه هجوم كتير
هيتقال ( خالف تعرف ) ، هيتقال ما بتفهمش ، هيتقال صحيح ما عدو المرأة إلا امرأة زيها
ازاى ما تأثرتيش برواية بتتكلم عن تروما " هيا"
شوفتى طفولتها شوفتى سلبية أخوها
شوفتى قساوة أخوها
شوفتى حقا***رة وكدب الست الوالدة

بس الحقيقة كلها صدمات توجع القلب ومش هقول انى ماتأثرتش ولا اقتنعت … لا اتأثرت أكيد باللى حصلها …
هى صحيح حاولت تستفيد من اللى حصلها بس بصورة مش متوقعة
ازاى اتعاطف والاستفادة والطلوع من الصدمات أنى أعمل صفحة 📄 على موقع اعمل فيه مؤامرات علشان أجيب حق كل بنت اتأذت من شخص ما
طيب ما تشتغل فى أى جمعية من حقوق السيدات
أو ماشى تمام اعملى صفحة انصحيهم أنهم ازاى يعملوا move on وينسوا اللى فات ده لو انتِ شخصيا عرفتى تـتخطى الصدمات وعارفة تعيشى حياة طبيعية لكن أنا كده جامدة وباخد حقى بلوى الدراع

ماشى يا دنيا ما هى ديه رواية فيها شوية خيال 💭
تمام مشيت على هذا المنوال وقولت نطلع برا الصندوق ونقرأها على أنها فكرة جديدة وقصة فيها نوع من الاثارة والتشويق
طيب ايه لازمة الحوارات اللى مليانة اسفاف وكلام اتحرج أن حد يبقى قاعد جنبى ويضرب عينه فى الكتاب يلاقى حوارات سوقية بالشكل ده
وليه علشان أبين أنى ست اندبندت ابقى بكم التحرر الفكرى واللفظى ده
طيب ليه يبقى عندنا فكرة ممكن تبقى لطيفة نبوظها بحوارات ضعيفة واسفة جدااا مليانة ألفاظ وايحاءات وحاجة مش تمام

وديه كانت حكايتى مع الداما … احترت كتير قبل ما اقول رايى لانى عارفة أن كتير مش هيعجبهم كلامى
بس زى ما بنقول للحلو يا حلو لازم اقول برضه نبعد بعيد لو كان مش حلو على رأى عمرو دياب 😁
فكرة الرواية عن العنـ***ف اللى بتتعرض له المرأة سواء لفظى ، جسدى والتحـ****رش من القريب والغريب فكرة جيدة لكن للاسف دمرتها اللغة المستخدمة والاسلوب ..

#مكتبة_دنيا
#قراءات_٢٠٢٣

[طارق سيد · Rating 4 out of 5]

كيف يتقمص الكاتب روح الأنثى، يتحدث عن أوجاعها ومشاكلها.
يتجرد من ذاته الذكورية ويتحد من الأنثى عبر ألم نفسي وجسدي.
أغتصاب وتحرش.
الداما الأنثي الثائرة المتمردة علي القهر والظلم.
رواية محكمة استمتعت بها وتوحدت مع البطلة وتأثرت
... وبكيت.
الرواية غير صالحة لكل القراء، وتخاطب قارئ ناضج متفتح، متعة إفادة وأمل في تغيير واقع فاسد.
للمزيد من التفاصيل مراجعة مرئية للعمل بدون حرق للأحداث
#كوكب_الكتب 🌍
#العراف 😎
https://youtu.be/yZpnLmYcGlQ

[Mohamed Abd-ElHady]

0/5
مؤلف بيحك فى بتوع النسوية عشان ده اللى بيجيب دلوقتي وده الرائج، بأسلوب ولغة منحطين والفاظ مقززة مثيرة للغثيان
ربنا يرحمنا من التردي الأدبي والاخلاقي اللى بيتزايد يوم بعد يوم

[zahraa esmaile · Rating 4 out of 5]

#قراءات2023
#الداما
عارف لما تقرأ رواية ل كاتب وتقول خلاص مش هقرا له تاني...شوية وغلبك الفضول ف تقول"ماهي الرواية على أبجد هخسر إيه يعني هفتحها وأشوف"
هوب
تلاقي نفسك محبوس حرفياً جوة الرواية لحد م تخلصها؟؟
بالظبط دة اللي حصل مع رواية "الداما" ل محمد صادق

الرواية بتدور حول فكرة العدل ا��بشري ومحاولات البطلة إنها تاخد حق ستات القانون للأسف م أنصفهاش

إيه حكاية"هيا"؟؟ مين"صفي" اللي ظهر فجأة؟؟
إزاي ممكن الصفحة تنكشف فجأة؟؟
إيه حدود الإنتقام من أم مريضة نفسياً ف المقام الأول؟؟
وإزاي بتكون النهاية؟؟

أسلئة كتير..وإجابات على طول الرواية اللي كانت حوالي 300 صفحة من المتعة والتشويق

عجبني جداً وصف المشاهد...التحليل النفسي للأبطال...الحوار اللي بلغة عامية مناسبة جداً
النهاية...عبقرية

فيه مشاهد ماستر سين حقيقي بس مش هقدر اتكلم عنها...هكتفي انها بين"هيا" و بنتها و باباها، فيها مشاهد +18 بس محسيتش إنها دخيلة على العمل

اللغة يمكن مش أقوى حاجة للناس اللي بتحب الإقتباسات زي حالاتي...بس حقيقي الرواية نفسها عظمة

الرواية حقيقي جميلة...قاسية حبتين خاصة إنها مبنية على أحداث حقيقية طبقاً للكاتب،
شجعتني جداً إني أرجع أقرا "بعض" أعمال محمد صادق
#قراءات_أبجد
#كتاب_مفاجأة
8/70
5-فبراير

[Muna Dabas · Rating 1 out of 5]

فكرة لطيفة + تقديم زفت = كتاب زفت

أولاً، لا ينبغي أن يُسمح للرجال أن ينشروا روايات من وجهة نظر أنثى.. كان الأمر مأساويا بكل معنى الكلمة.. رجل يصف آلام الدورة الجسدية، والأهم من ذلك، تقلبات المزاج والبكاء المفاجئ؟ لا شكرا

ثانياً، هذا الكتاب سوف يجعل العالم ينفر من النسوية أكثر فأكثر، بسبب الفكرة التي يتمحور حولها وهي أن كل رجل مؤذ، وكل أنثى تتعاطف من رجل مؤذية، وكل أنثى لا تتعاطف مع أنثى مؤذية. يا جماعة الحق ليس لجنس من الجنسين بل لفعل بحد ذاته.

ثالثاً، أنا مليت من عقلية أن الأنثى ضحية كل ما حولها من ناس و أفكار و مجتمع و عادات. هذا الكلام صحيح إلى حد ما، ولكن بعض الناس تتعدى هذا الحد والأمر يصبح جديراً بالاستهزاء صراحة

رابعاً، كيف لأم ترجع إلى البيت في الساعة الرابعة فجراً ولا تعرف عمر ابنتها ولا تتعابع شؤونها المدرسية أن تعترض على حكم حرمانها من حضانة ابنتها؟ الأمر ليس ذكورياً، هذا منطق. ليست قضية ذكورية ولا نسوية. هكذا أم لا تستحق حضانة بنت في الثالثة عشر من عمرها

أخيراً وليس آخرا، البطلة رسمت على جسمها الوشوم في كل مكان تعرضت له للتحرش الجسدي. ممكن حدا يشرحلي وين الفكرة المذهلة بالموضوع؟ لماذا تترك على جسدها علامات لشيء سيء حدث لها؟ هناك عشرات الطرق للعلاج وهي قررت أن تترك هلى جسدها رسومات لتلك الحوادث؟ و العالم كله اعتبر هذا الفعل شجاعة مثيرة للإعجاب؟؟؟

+ عالج الكتاب الكثير من المواضيع العميقة بطريقة سطحية غير كافية المعلومات و جاهلة جداًٍ
التحرش الجنسي، الطلاق في المجتمع، الحب، الأمراض النفسية، الخوف من الرأي العام
كل هذا في 300 صفحة. هذا ليس كاف لكل تلك المواضيع

رجعت اقتنعت أن "الكتاب" العرب المعاصرون لا يحملون في كتبهم لا رسالة جميلة، ولا محتوى محترم. وشكراً

[Merhan · Rating 2 out of 5]

الفكرة والقصة حلوين.. رواية مسليّة بس (لييييه كده؟)
معنديش اعتراض على الألفاظ عشان في تصنيف عمري في الأول (رغم إنه عشان القضايا مش الألفاظ) بس عندي اعتراض على الأفكار كالعادة مع كل كتب محمد صادق. ليه دايمًا حياة أبطاله سداح مداح كده؟ في مشهدين ملهمش أدنى داعي بالذات مشهد عرضها للـ tattoos يعني مش حاجة واقعية أصلا إنها تحصل في مصر (هو مش مشهد مستفز على قد ما هو مشهد عبيط بجد :D.) ممكن كانت توصل ماضيها للناس بطريقة تانية

[Mai Hatem · Rating 5 out of 5]

أنا حقيقي قلبي سعيد و مُمتنّ و فخور إن "محمد صادق" قرر يقدم لنا الرواية دي. اتكلم فيها بصوت كل امرأة اتظلمت بسبب المجتمع و المبادئ و المظاهر، اتظلمت علشان بكل بساطة هي (امرأة) و عيب ميصحّش تتكلم و إلا هتتفضح و تفضح أهلها.

عقلي مستوعبش للحظة إن كل قصص الضحايا إللي فالرواية قصص حقيقية!!
إللي هو بجد؟
لو أصحاب القصص دي مكانوش أقوياء كفاية إنهم ياخدوا حقهم كان ايه ممكن يحصل لهم؟!!
طب إللي لسة مش قادرين يوصلوا للعدل و الحق في قصتهم مين يساعدهم؟؟
ادد ايه في حقائق مؤلمة و مُفجعة في مجتمعنا مُتخفية و بتزيد مُعتمدة على خوف ضحاياها من الصراخ لمواجهتها و السعي للتغلُّب عليها!

الرواية رغم إنها اظهرت كم مساوئ ضد المرأة فالمجتمع رهيب و يخُض إلا إنها بتثبت إن لسة في أمل و الحلو موجود، مسيرنا هنلاقيه في حياتنا يوماً ما.

أنا قرأت أغلب روايات "محمد صادق" بس ممكن تكون دي أفضل رواية قرأتها له.

أتمنى الكل يلاقي "داما" جواه؛ تحميه و تقوّيه و متسيبش حقه يضيع.

[Yousra · Rating 4 out of 5]

باستثناء الالفاظ، فهي جميلة جدا.

[Ahmed Halawa · Rating 4 out of 5]

الداما
❞هل تعلم يا عزيزي أنك لا تعلم شيئًا؟ ❝
واحدة من أقوي أعمال محمد صادق .
يمكن البعض يختلف علي جودة أعمال الكاتب الا أني بعتبر محمد صادق او (أبو هيبتا) زي ما بحب اسميه واحد من أقوي واجرأ الكتاب في طرح و تناول موضوعات في اعماله .
أن كاتب ذكر يكتب اغلب روايته علي لسان انثي و يقدر يوصف مشاعرها بالطريقة دي فده تحدي كبير وهنا صادق نجح فيه،هو مش بس كتب و وصف علي لسان البطلة ده قدر يتناول موضوعات كتير بتتعرض ليها حواء من و هي طفلة ممكن تتعرض للتحرش لحد ما هي زوجة بتتعرض للخيانة و الخداع ، أو حظها بيقع مع زوج سادي.
كل ده قدر الكاتب يتناوله من خلال شخصية هيا /داما شخصية فيهم فيها قوة و جبروت للانتقام و اخد الحق و التانية بتربي بنتها وبتشتغل مذيعة و عايشة مع أم عاوزه الحر**ق.
و من داما هروح للدكتور صفي بالرغم من عدم قبول أني الطبيب النفسي ممكن يوقع في غلطة زي غلطة صفي لكن ممكن تحت ضغط المواقف اللي اتعرض ليها وصل لكده و كان محتاج هو علاج، إلا أني تم رسم الشخصية ببراعة و قدر بنص ابتسامة يخليني احب الشخصية علي الورق.
نرجع لشخصية هي لغز شخصية في منتهي السفالة في العمل إلهام اعتقد لو النموذج ده قدامي و شوفته هضربها٣٠جزمة، مريضة ل أبعد حد ممكن اتخيله .
أما هاني وبنت صفي و هيا و الضحايا و بطل اللحظة الأخيرة والد هيا فكل دول كان مرسومين بالمسطرة .
وأنا بقرأ العمل اكتر من مرة احس و اتوقع سير الاحداث الا أني صادق قدر يخدعني و يطلع بره الحدث المتوقع و ياخد مسار الأحداث في اتجاه مختلف .
النهاية ترضي القاريء الا في نهاية إلهام كانت محتاج اكتر من اللي حصلها جزاء ليها علي كل اللي اتسببت فيه و عملته.
اخر حاجة لزم اعترف أني اتأخرت كتير في قراءة العمل،لكن عمل وقت.

❞ هل تعلم أن العالم أجمع قفز قفزات حضارية واسعة، لكننا واقعون في فخ التقاليد الذي يجعل من حياتنا حلقة مفرغة ندور فيها دون خطوة واحدة للأمام؟
الأنثى شرها أقسى وأسوأ من ما يتخيل أي ذكر على وجه الأرض..‫ غضبنا عاتٍ، قوتنا صارخة، وحتى لو هزمتنا بقوتك، ستخرج -على الأقل- بإصابة مستديمة تجعلك تتذكرنا ما تبقى لك من حياة.. ❝
❞ الحب لا يأتي إلا عند رؤية أسوأ ما في من أمامك… وتقبله دون قيد أو محاولة للتغير.. ❝
❞ أكثر الأسئلة العبقرية التي يعلم (أنس بوخاش) أنه عبقري، ويسأله لضيوفه دائمًا هو «عامل إيه» في بداية الحوار.. سؤال بلا نية ولا هدف إلا الاطمئنان على ضيوفه، ويطالب ويصر على إجابة صادقة حقيقية، ليست «الحمد لله» المعتادة.. فيربكهم هذا السؤال ويجعلهم «يفكرون» في حقيقة ما يشعرون به الآن في حياتهم.. ❝
❞ عندما تخبرك أنثى بأنها تحبك لا تحللها.. لا تسألها عن أسباب.. في تلك اللحظة نتحول لورقة شجر ضعيفة تكسرها حشرة بلا وزن.. الأنثى لا تتقبل الرفض ولم تعتد عليه.. هي الفريسة التي تقبل وترفض… وأنت الصياد الذي اعتاد الرفض وهروب الفريسة منه… فلا تحاول تحليلي الآن أيها الأبله.. أنا قلت شيئًا أشعر به عميقًا داخل قلبي.. ❝
❞ ما الذي يحدث لأعيننا عندما نعرف حقيقة بشعة عن شخص ما كان قريبًا، سواء كان حبيبًا أو صديقًا أو حتى من أهلنا؟ ❝
❞ معلومة قيمة لا بد أن يسجلها التاريخ.. الرجل بغريزته للتملك، هو أكثر من شوَّه صورة الرجال في الوعي الأنثوي.. ❝
❞ الفتاة التي تتلفَّظ -أو تعرف معاني الألفاظ- هي فتاة خبرة وبلا أخلاق.. لذا نتظاهر بأننا لا نعرفها، لكننا نعرف الكثير منها بكل معانيها.. وهذا لا يعني أننا بلا أخلاق.. هذا يعني أننا بشر ولدينا من الفضول مثل الرجال بالضبط.. المعرفة دليل للثقافة، ليس للانحراف. ❝
❞ لا أدري بالضبط ما الذي يتغير عندما يختفي من حياتي شخص ما كنت أعتمد على وجوده.. العقل والواقع يخبرانني بأن الحياة ستستمر.. لكن هناك فراغًا في الروح ورتابة في الوقت تظهر فجأة.. ❝
❞ أحيانًا عناد الرجال هو أكثر ما يقتلهم.. ❝
❞ أكره عندما يجعل الحب قلوبنا تغلب منطقية عقولنا.. ❝

[Youssef Ali · Rating 2 out of 5]

اتفق مع الكاتب تماماً فى طرح مشاكل العنف الجسدي والاغتصاب ضد السيدات والأطفال وما يفضى إليه من مشكلات نفسية تبقى ملازمة لكل سيدة تعرضت لإحدى تلك المشكلات طوال العمر كما أن الكاتب استطاع تطويع اللغه بشكل مميز فى وصف احداث العنف الجسدي والنفسي دون اللجوء لألفاظ قبيحة كما يفعل العديد من الكتاب لاكن هناك بعض النقاط الفكرية و التقنية التي تجعلني اختلف مع الكاتب. أولا ما الداعي لجعل بطلة الرواية تعرض ممارسة الجنس على شخص عرفته منذ عدة أيام فقط لمجرد إثبات أنها شخصية قوية تملك تحديد ما تريد فإذا كنا نحتقر أى رجل يخون زوجته أو يسيء معاملتها فلما نحترم سيدة تعطى جسدها لشخص فقط من باب العناد ثانياً وهو الأهم من وجهة نظري لماذا نحب كمصريين وعرب عموماً الإشارة للمجتمعات التي نطلق عليها اعتباطا المجتمعات المتقدمة فى حين أن تلك المجتمعات مليئة بحوادث العنف ضد المرأة واغتصاب الاطفال من الذكور أو الإناث وكمهاجر منذ أكثر من عشرين عاما أوضح للكاتب أن الكثير من تلك الحوادث يتم طمسها وما يصل منها للمحاكم يتم فى معظمها تطبيق معادلة الاعتراف بالجرم مقابل الحكم المخفف عكس ما ذكر الكاتب أن من يذنب فى تلك المجتمعات يعاقب نعم ننتقد عرفنا الخاطيء لأنه خطأ وليس لأن غيرنا يعاقبه بأسلوبة وهاهي الضجة المثارة من قبل من يدعون أنفسهم المحا��ظين فى الولايات المتحدة عن عدم توفير وسائل منع الحمل مجانا لأن كل سيدة يجب أن تواجه ماتفعله سواء برضاها أو لا ثالثاً نقطة الانتقام من الأم ورغم أى مساؤ تظل أم فما الداعي لفضحها وماذا عن الأخ الأكبر الذي أظهر أخوته حين احتاجتها البطلة وماذا كانت الاستفادة من إظهاره ابن غير شرعي فهل أصبحنا بهذه القسوة حقا كبشر اخيرا فى الجانب التقني لماذا استخدام اللغة الإنجليزية فى مقاطع الاغاني المذكورة فى الرواية مع أن ترجمتها إلى اللغة العربية فى منتهى السهولة وإذا كان استخدام كلمة (فشخ) بكل أفعالها ضرورياً.

[Nur · Rating 1 out of 5]

نمت بعد ما قيمته بنحمتين لأنه أفكاره كأفكار فيها الجيد ولكن الكتابة وتنفيذ الفكرة لا تصلح لرواية ولا بأي شكل ممكن ،بناء الشخصيات كارثي والبناء الروائي واللغوي مأساوي .
ممكن تقدم أشياء جديدة للبعض ولكن ما قدمتلي أي شيء لا فكرة لا متعة باللغة ولا بالحبكة.
فيعني اه اسا ارتحت نوعا ما

[Yasmeen . · Rating 1 out of 5]

عزيزي صادق.. الداما مش الحل المثالي لكل واحدة اعترضت للتحرش أو العنف المنزلي أو حتى أبسط أنواع الإهمال.

إللي قريته تشجيع غير مباشر على تثبيت فكرة "إن كل الرجالة وحشة، ومش هيحترموكِ غير لما تطلعي جعفر إللي جواكِ، ساعتها هيعملولك ألف حساب".

هيا المهندس، حاولت اتعاطف معاها من أول الرواية ما عرفتش، كل ما أحس أنها هتطلع من بالها فكرة الشخصيتين إللي جواها وتصلح أفكارها وترجع لربنا "إللي من الواضح محدش أتهم بيها في البيت من الناحية الدينية" أحس إني برجع لنقطة الصفر تاني.

رغم أنها عارفه أنها مريضة إضطراب شخصية حدية مع ذلك ما حاولتش تعالج نفسها، وسابت نفسها لأفكار سوداوية مدمراها ومدمرة إللي حواليها من غير ما تحس، حتى بنتها، بنتها ما فكرتش فيها وكانت فاكرة إن "Fun Day" هو إللي هيحسسها أنها قايمه بدور الأم على أكمل وجه.

سابت نفسها تدور على إللي فقدته من غير تفكير، حتى بعد ما كبرت وبقى عندها ٣٣ سنة ما حاولتش تغير نفسها، ظلمت نفسها زي ما غيرها ظلمها وجه عليها.

عزيزي صادق.. نقاط كتيرة جدًا مش داخله دماغي..

📍 إزاي صفي قدر يشخص مامتها من غير ما يقعد معاها ويادوب سمع كلمتين من بنتها عن إللي بتعمله معاها؟

📍هل كل واحده مامتها أذتها أو مامتها نصبت على أشخاص نصب إلكتروني بنتها تهاجمها وترفع عليها قضية بمساعدة أبوها كنوع من أنواع الإنتقام؟ طب محدش هيقدر يرفع عليها قضية من إللي نصبت عليهم وهى إللي هتجيب الديب من ديله؟

📍 صفي.. رغم أنه بعد ما أقام علاقة جنسية مع هيا احترمها وحبها، مع إن في الواقع مفيش واحد هيقدر يحترم واحدة "سلمت نفسها له" زي ما بنقول، وكان في الرواية شخص جميل ومظلوم وبيحب بنته، هل إللي بيقيم علاقات جنسية شخص لطيف للدرجة بالمقارنة مع المتحرش والساديين؟

📍ليه ديما المطلقة أو المنفصلة بيحاولوا يطلعوها في "البعض" من الأعمال السينمائية أنها واحدة طايشه وبره البيت ديما وعاوزة تنتقم من الكل وخصوصًا الرجالة، وأخلاقها مش كويسة؟ وممكن تعمل علاقة جنسية مع أي راجل كنوع من أنواع "التخفيف" النفسي.

📍 هل كل واحده تعرضت لتحرش وعنف تروح ترسم تاتو؟ ويكون سهل عليها تستعرض أماكن التاتو قدام الناس؟ هل المفروض نتعاطف معاها وقت ما نشوف التاتو ونعذرها؟

عزيزي صادق.. عاوزة أكتب أسئلة كتيرة مش داخله دماغي جوة الرواية، بس عشان أنا بنت فبقولك إن السكوت عن التحرش مش حل، ولا إني أكون زي هيا وطبعها هو الحل..

القانون هو الحل، الوعي هو الحل، إني أثق بوقوف ربنا معايا حتى لو الكل ضدي هو الحل، في محاضر إلكترونية، في أرقام للنجدة، في صفحات زي "قاوم" بتجيب حق أي حد لو كانت الضحية خايف/ة من أخد أي خطوة قانونية خوفًا من رد فعل الأهل.

في أطفال صغيرة من الذكور تعرضوا للتحرش والعنف، وفي رجاله تعرضت للتحرش من سيدات بس النسبة بتكون بسيطة بالمقارنة مع السيدات إللي تعرضوا للتحرش من الرجالة، كلنا بنعاني يا عزيزي...


عزيزي صادق.. كان ممكن تتناول الموضوع ده بشكل أحسن من كده مادام هتتكلم على لسان بنت.

[Mahmoud Shrif · Rating 4 out of 5]

الكتاب بيتكلم عن مشاكل مهمة في حياة الانثي عن طريق حكايات ""حقيقية"" من رحم الواقع المصري المعايش زي العنف منزلي(سواء عائلي او زوجي) و استعباد واستباحة الزوج لزوجته او الاخ لاختوه بحكم ان هو "الذكر" وهي "الانثي" فبالتالي هي كائن ادني ومحقر والمفروض تشكروه ان بيعطف عليه بانوه يكون وصي عليها واغتصاب وقتل ولو المحتمع للضحية او الاضعف تحت ادعائات كتيرة جدا زي اللبس او "اي الي وداها هناك" والختان وتحرش حوالي 99.3% من الاناث في مصر تم التحرش بيهم https://www.smithsonianmag.com/smart-... و لدرجة ان القاهرة اخطر مكان في العالم بالنسبة للمرأة https://www.france24.com/en/20171016-... و وضاية دينية ووصاية وتحكم مجتمعي بشع والتمييز بناء علي الجنس وحياة معيشية لا تطاق ومعاملة المرأة علي انها كائن درجة عاشرة او اقل من الذكر ووصم حتي اسمها كعار او شتيمة للشخص وابتزاز جنسي عن طريق صور او فيديوز او غيروه وحرمان من حقوق اساسية زي الميراث و التعليم والعمل وحق الرأي في بيت الزوجية وغيروه وعدم تطبيق حقيقي -من ناحية السلطة السياسية والقضائية - لقوانين فعالة تحد من المشكلات دي الشرطة نفسها بتمارس بشاعات زي الي مكتوب ف التقرير ده https://www.nytimes.com/interactive/2... وكشوف العذرية و حاثة "ست البنات" ليست ببعيدة. وغيروه من الالاف المشاكل الي ذكرتوه ده فيض من غيض حرفياااااا

كيف تكون الحياة بالنسبة للمرأة في مصر؟
https://www.quora.com/What-is-it-like...

اي حاجه هقولها معتقدشي انها هتخفف علي الضحايا او هتحل شئ ومن وجهة نظري الي ملهاش لازمة وممكن اكون مخطأ ان المطلوب مش الشفقة والتعاطف -لانهم مش هيحلوه حاجه- قد ما المطلوب الحقيقي تحرك جاد لانهاء البؤس ده عن تتطبق قوانيين مدنية عادلة تحل البشاعة والمأساة والرعب الي البنات في مختلف اعمارهم في مصر بيتعايشوه معاه يوميا.

[Aya Nabil · Rating 3 out of 5]

🔸اسم العمل: الداما
🔸الكاتب: محمد صادق
🔸 النوع: إجتماعي
🔸دار النشر: الرواق للنشر والتوزيع
🔸عدد الصفحات: ٣٠٢ صفحة
🔸التقييم: 🌟🌟🌟
_____________________________________
تتحدث الرواية عن فتاة تدعى الداما والتي تعني الملكة في الشطرنج باللغة الإسبانية، والتي تمثل البطلة التي تساعد الفتيات والسيدات على اخذ حقوقهن من الرجال بعدما اذوهن. تبدأ الرواية بأحداث عملية تقوم بها الداما انتقاماً لفتاة ومن ثم تبدأ الأحداث بالاشتعال ونعرف تفاصيل اكثر عن حياة الداما والمشاكل التي تعرضت لها خلال حياتها حتى أصبحت هذه الشخصية.

📌 بالنسبة لي فقد أعجبتني فكرة الرواية وجذبت انتباهي وتركيزي بالرغم من عدم الرضا تجاه بعض الأحداث لكن يعيب على الكاتب استخدام ألفاظ سيئة جداً كان يستطيع إيصال نفس المعاني لكن بأسلوب أفضل وأحسن بالذات انه بدأ روايته بالكثير من الألفاظ والعبارات الغير لائقة ولم استطيع ان اتبين لماذا بدأ الكاتب روايته بمثل هذه الكلمات فبالنسبة للكثيرين تعتبر اولى الصفحات هي اهم صفحات في الرواية! أيضا لم يعجبني بعض تصرفات الداما والتي تبيح أفعال غير لائقة بالنسبة لديننا ومجتمعنا وعداتنا تحت عنوان التحرر والتحضر.

📌 بالنسبة للغة فجاءت الداما بمزيج بين اللغة الفصحى والعامية وغلبت العامية على الفصحى وهذا لم يعجبني أيضا فأنا أحبذ الأعمال المكتوبة بالفصحى.

لا أنصح بقراءتها لمن هم دون ال ١٨ عام

[Nouran Gamal · Rating 4 out of 5]

مؤلمة جدااا حقيقية جداااا
ونعم، تستحق الانتظار
@mohamed sadek: Thank you for this!

[الزهراء الصلاحي · Rating 3 out of 5]

طوال قراءتي لهذه الرواية أكرر لنفسي: لماذا يتحمل إنسان كل هذا؟!
لماذا نتحمل ما يفوق احتمالنا ولا نستطيع التحرر منه؟!

"هيا" أو تحت مسمى آخر "داما"
فتاة عانت في حياتها الكثير فقررت الانتقام لغيرها!
صفحة على الفيسبوك تسمى "عزيزي" تستقبل فيها رسائل من الفتيات التي تعرضن لأذي من أى رجل وتبدأ في انتقامها، لكن لديها شرط أن تكون المشكلة تستحق ولا يعاقب عليها القانون!

ستجد هنا كم مأساة غير عادي.
قام صادق بمنتهى البساطة بتعرية ما يحدث لمعظم النساء سواء كانت أم أو أخت أو ابنة أو زوجة.

رواية اجتماعية مؤلمة ولا تصلح للجميع.

تمت
٨ سبتمبر ٢٠٢٣

[Safinaz Sadek · Rating 5 out of 5]

الله علي الجمال ❤️❤️
رواية بلسان الأنثى ضد ظلم الرجل . انثى تمتلك الشجاعة للانتقام للكثير ممن لجئن لها لأخذ حقهن . الداما ، السوبر هيرو التي واجهت ظلم في حياتها قررت ان تفعل الصح للأخرين .
رواية مشوقة قد تدمع عينيك في الكثير من مشاهدها.
رواية كصرخ�� للمجتمع من كل أنثى تعرضت للظلم من اب او اخ او عم او زوج
رواية من اجمل ما كتب محمد صادق
شكرا ً وفي انتظار القادم بشغف 🥰

[Ali Omar · Rating 5 out of 5]

تستاهل ٥ نجوم
مفيش،ملل السرد جميل جدا ..
القصص تحفه وطريقه تجميعهم جميله
الموضوع اللى الاغلبيه ميحبوش يتكلموا فيه ولو اتكلموا يبقا الكلمتين المعروفين
هنا تسمع الكلام زى ما صاحبه المشكله بتحكي مش راجل بيتكلم عن مشكله ست لا
هي اللى بتحكي لك وبتعرفك لدرجه انك تحس بواجعها هى
مش منقول ع لسان شخص تاني
فدا من اللى فرق معابا هنا
من أحسن اللى قراتهم فى ٢٠٢٣

[Shahira Ahmed Hussien · Rating 5 out of 5]

❤️(هيا)❤️ او داما بطلة الرواية او نقدر نقول السوبر هيرو اللى اخذت على عاتقها انها ترجع حق الستات المغدور بهم بطرق مختلفة من ذكور و هنا اقول ذكور و ليس رجال لان الفرق شاسع بين ذكر و رجل باختصار الرواية بتتكلم عن ترند (ميدوسا ) اللى متعلق بالبنات و الستات اللى عانوا من اى اعتداءات او تحرشات بأنواعها من حد قريب منهم .
الكاتب تناول الموضوع بمنتهى الحرفية مش مجرد ترند اتكلم عنه لانى لم ادرك أن الكتاب اعمق من انه مجرد رواية الا لما وصلت لتلت الكتاب .
قد تبدو الرواية فى اولها عادية لكنها بتسحبك جواها زى الدوامة لحد ما تلاقى نفسك خلصتها .
💡تحذير : الرواية لو قرأتها انثى طبيعية زيي كده كل الرجال اللى اتعاملت معاهم فى حياتها سواء أب او زوج او زميل او مدرس محترمين و الحمد لله و ده طلع حظ كويس و توفيق من الله حتتصدم و حتتألم لكم القسوة اللى بتعانى منها ستات تانيين جاءت قصصهم جوا الرواية و اللى هى قصص حقيقية على فكرة .
* السرد : باللغة العربية و الحوار بالعامية و ده بيدى راحة و بيحسسك انك واقف وسط الابطال جوا الرواية و بالتالى تلاقى نفسك متأثر بحزنهم و بتضحك لفرحهم .
أخيرا 💡 تحذير تانى قد تحتوى الرواية على بعض الالفاظ و وصف المشاهد اللى ينفر البعض و لكن برضه الكاتب باحترافيته قدر يحافظ على الشعرة اللى بين الوصف اللى بيخدم الرواية و الابتذال اللى بيلجأ له البعض
و اخيرا شكرا بجد المبدع محمد صادق ❤️❤️

[Olla Hamza · Rating 3 out of 5]

الكتاب مؤثر بس الألفاظ لو كانت احسن

[طارق الشماع · Rating 4 out of 5]

الرواية جميلة وافضل من هيبتا بكثير برغم شهرة هيبتا

[Emma badr · Rating 1 out of 5]

good idea, bad execution

[Karim Gamal · Rating 3 out of 5]

رواية إذما: دارت عن طرف العلاقة السام في حياتنا.
أما داما: عن رجل الكهف السام الشهواني في مجتمعنا.

فكرة الرواية من الصُفح الأولى تاخد انطباع الجُرأة شويتين، وصادمة، وقد يحسبها البعض خادشة للحياء، لكنها تتناول فكرة مجتمعية عابرة للأجيال. في أول العمل كنت مصدوم من صوت داما الجرئ في السرد، وسخريتها من الذكر وتوهَّمت إن العمل فيمنست صرف، بيصور الرجال على أنهم أبالسة فاريين من الجحيم، وهي بتفتك في لحمهم لحد ما جت لحظة حسمية في الرواية، وتفتَّحت لي الحقيقة وتبين لي سبب كلامها بالطريقة دي عن كل نفر في حياتها، عشان أسلت نفسي من صفوف العدائيين، لصفوف داما بإشفاق حار وتضامن عتيد، وكل انتقاد لسلوك الشخصية أو تعقيب عن لا منطقية ردة الفعل، كان موجَّه لداما، مش لمحمد صادق.

- الفكرة بإيجاز غير مفسد لأحداث الرواية:
امرأة مطلقة تتناحر للانتقام من ذكور بدَّلوا حياة ستات لجحيم مستعر.

٣ أيام مع الرواية من..
الغياب عن الواقع.. الصدمة.. الاستمتاع.. الانجذاب.. التلذذ.. الشفقة.. التقزز.. الرفض. بعد كل مغامرة لداما كنت بشك في تماديها عن المألوف، وإن خيال الكاتب تدخَّل بعفوية وإسهاب عشان يقبِّح الواقع والناس أكتر، لكن بعد شوية فنِّدت شكي بحُجَّة منطقية بالنسبة لي وهي: إن العالم بشع للدرجة اللي أنت ما تتخيلهاش. وفي نهاية الرواية اتصدمت بأن القصص حقيقية دون تحريف أو فلترة، اللي هو "يا عيني ده اتسدم" بجد بصوت هاني رمزي.

بوينت مهمة عجبتني في عدم تجاوز الكاتب الشعرة الرفيعة بين التعمق في وصف مشهد ماجن، وبين التلميح لُه رغم إن ده العمود الفقري للعمل، كمان قدرته في تصوير حدث كأنه مشهد مرئي في دماغي، شخصياته متجلية من غير مجهود. خلال قراءتي للعمل بعد ما اتعرَّلي حياة داما، شفت تطابق وتصوير مناسب من قصيدة صلاح جاهين لما قال:
مهبوش بخربوش الألم والضياع
قلبي منزوع من بين ضلوعه انتزاع
يا مرايتي يالي بترسمي ضحكتي
يا هلترا ده وشي ولا قناع
عجبي!!

لخَّصت لي حاجات كتير مع كوبايه الشيخ إمام لما قال:
وهبت عمري للأمل ولا جاشي.
وهو ده فعلًا وضع ستات كتير.

لكن في الأخير حجات تانية معجبتنيش في العمل لمَّحت ليها فوق وسط الكلام، وحاجات تانية هذكرها زي السرعة اللي حسيت بيها في نهاية العمل وإن: طب وبسيوني... مفيش وقت.. يلا بسرعة". كمان بعض الهفوات الإملائية التي لا ترى إلا بالمجهر الدقيق. وتعميم كل قاعدة لداما على الرجالة كلهم، مع عدم التحسب إن فيه شذوذ للقاعدة، واللي مش هقدر أتغاضى عنه خداعي إن مفيشششششش حاااااازم كتخُداااااااا في العمل، لكن لو حبيت أومن وافترض الفيرچن الأنثى منه هيبقى داما.

[Rim Abdelhamid · Rating 5 out of 5]

ماتخيلتش انه عمري حقرا حاجه مصرية بتحكي في القضيه دي بالشكل ده!
محمد صادق دايما مبهر في انه يوصل فكرته اللي دايما مختلفه
بس الرواية دي بالذات محتاجين الكل يقراها يمكن المجتمع يبدأ يتغير بعد ما يحسوا بالضحايا، محتاجين نبدأ نفصل العيب عن الحرام عشان ناخد حق الناس اللي مظلومة باسم الفضيحه
محتاجين داما جدا و محتاجين نبقى داما في حياتنا لازم نقف للظلم

[Eng. Mohamed ali · Rating 5 out of 5]

هل تعلم يا عزيزي ... إنك لا تعلم شيء؟
من تلك الجملة بيداء قصته، ولكن من سيصدق ومن سيتأثر ومن سيحنو على الضحايا
في مجتمعنا دائما الملام هو الضحية والجميع يغض بصره عن الجاني، لم أفهم ابدا مبررنا في سلخ المرأة دائما وتحميلها نتائج كل شرورنا.
يخبرنا الكاتب الى من يوجه حكايته فهي على حد قوله
(الى كل من أراد ان يبوح وبقي الصمت يسجن داخله الحروف..)
دائما ما نظن أننا نفهم المرأة ولكن هي أبعد ما تكون عن ادراكنا بعقليتنا المحدودة
نحن الرجال على لسان البطلة لسنا الا (الكائن البشرى ذو العضو الذكرى)
وأفضل ما يمكننا ان نفعله من أجلها هو انها
(لا بد أن تترك في مناخ طبيعي غير ضاغط.. ولا يقتل الروح...وتحفظ بعيدا عن الرجال وأحكام مجتمع قاس لا يرحم)
بدون أي ملل في السرد وبأسلوب بسيط ممتلئ بالإثارة والتشويق ينسج محمد صادق رائعته الداما.
تبدأ الاحداث بجلسة تجمع البطلة الداما برجل يحاول اغوائها بكافة الطرق ويبدع المؤلف في عرض فكرته من خلال الحوار الدائر بين الشخصيين ونقيضه مع الحوار الداخلي في راس الداما، صراع بين ما نظنه والحقيقي
مجتمعنا مجتمع كأن في كل شي، كأننا دولة، كأننا طيبون، كأننا نعطى للمرأة حقوقها
نصائح الأم لبنتها للحفاظ على الزوج في الرواية
لا تغضبيه ...اسمعى كلامه ...البسى ملابس مفتوحة تجعله يرغب بك...غيرى من شكلك .... جددي من الأوضاع.. لا تشعريه بضعفه وانانيته في الفراش. مثلى إنك سعيدة من أي شيء يريده طاوعيه. لترد الداما (لماذا لم يدرك أحد حتى الان ان كل الحلول للزوجة للحفاظ على زوجها هي نفسها قوانين أي بيت دعارة يحترم نفسه؟) ولها كل الحق فاذا فشل الزواج يحملها الجميع أسباب الفشل ويتربص بها الجميع.
معلومة صحيحة (هل تعلم يا عزيزي اننا لا نهتم بشكل عضلاتك.. ولا روعة ذقنك.. ولا ملابسك وحذائك. كل ما سبق بالنسبة لنا مقدمات لطيفة ان امتلكتها فهذا شي لطيف بل أحيانا نختلف فيها وهناك من تحبها ومن لا تحبها، قد أحبط قليلا ...لكن حقيقة الامر وببساطة اننا لا ننجذب الا للأذكى.. والاكثر احتواء.)
يتحدث محمد صادق من داخل عقلية المرأة وبلسانها بإجادة وتمكن ومهارة
(عارفة ان حل الشعر دية حاجة عادية؟ حل شعري يعنى بفك التوكة وبفرده عادى. متخيلة انهم خلوا من حاجة عادية بسيطة زي ديه مثل لقلة الادب؟)
جملة بسيطة نتداولها ولم أفكر في معناها الا مع ذكر الرواية لها كيف لنا فعلا ان نجعل من فعل بسيط كهذا دليل على سوء الاخلاق.
رواية فعلا رائعة وتستحق القراءة

[Khaled Mohamed · Rating 5 out of 5]

حقيقي مش عارف اقول ايه
كل ماجي اكتب الريفيو افتكر مشهد الزعيم عادل امام وهو محامي وبيقول ماذا اقول بعد كل ماقيل
وبتخيل وانا بقرأ كل سطر وكل حرف اني قاعد في لجنة تحكيم زي Arab got talent وبضرب الbuzz الدهبي للتحفة الفنية والادبية دي
مجهود ذهني ونفسي جبار عمله صادق فالرواية دي
تفوق على نفسه في كل شيء
بداية من الغلاف للكاتب المبدع والمصور العبقري احمد مراد للتحذير عشان اللي بيحلولهم يمسكو السبح اما يلاقو الحقيقة الصادمة واضحة من غير تزويق
للسرد والحبكة والقصة والقضية المرعبة اللي بيناقشها
للاسف مجمتعنا زي ماوصفوا صادق بالضبط
سلبية لاقصى درجة
احلى حاجة في اسلوب صادق ان مفيش لف ودوران مفيش فزلكة وفلسفة زيادة مفيش تعقيد
الموضوع واضح مباشر صريح جريء باحترام لان في نقض للرواية على حجات انا شايف انها عادية جدا وازيدكم من الشعر بيت وبتحصل قدام عينينا بمنتهى البجاحة واحنا اغلبنا موقفه يكون سلبي جدا
صادق اضاف فالرواية دي سوبر هيرو حقيقية نتمنى فعلا يكون شعبنا الجميل في ولو ١٪؜ منها سواء رجالة او ستات
والميزة كمان انه معملهاش فانتازيا زي مارفل ولا افورة روبن هود ولا قوة زورو الذي لا يقهر
بني ادم بشري لي نقط ضعفه وقوته وطبيعي يغلط ويصحح ويفوق ويحاول
الرواية حقيقية مليون المية لاني اعرف ناس شخصيا تعرضوا لحاجات زي اللي فالرواية وشفت بعيني حاجات حصلت بشعة جدا
وكمان رواية صادمة وكئيبة
بس كئيبة لدرجة انها تعملك يوفوريا اما تخلصها
برافو محمد صادق على ابداعك اللي برة الصندوق حقيقي 👏🏻👏🏻👏🏻👏🏻👏🏻👏🏻👏🏻👏🏻👏🏻

[Ghada Taher · Rating 2 out of 5]

تناول الكاتب قضية هامة وهي العنف الجسدي ضد المراة .. لكن لم بعجبني الاسلوب الركيك والمبتذل المستخدم وبالذات من قبل بطلة الرواية .. وتبرير كل الانحرافات والموبقات لاصابتها بتروما بسبب القهر في الصغر..
لا احب هذا النوع من الروايات التجارية .. فكرة تملق المرأة باستخدام قضية تمسها وتبرير كل اخطائها بالاضافة الي شيطنة اغلب الرجال .. كل ذلك اصبح اسلوب مكرر لمغازلة الجمهور النسائي ولجذب القراء وركوب التريند.. ويا سلام بقى لو شوية الفاظ خارجة مع مشاهد جنسية كدة علشان الرواية تضرب .. وطبعا لا تخلو من التيمة المعتادة بتجريس الاب والام وتحويلهم لشماعات لكل مصائب البشرية لنقضي على ما بقى من قيم اسرية او اجتماعية ..

بالرغم من ان المؤلف كتب في النهاية ان الموضوع مش صراع بين الرجل والمرأة.. لكن الرواية صورت العلاقة بين الرجال والنساء كمعركة وصراع دائم .. واعتمد ع اظهار نماذج مشوهة فقط من الرجال .. وكأن هو ده السائد .. ولا تخلو الرواية من نموذج او اتنين مشوهين للمرأة حتى لا ننسى عبارة ان اكبر عدو للمرأة هي المرأة ..
بازعل اوي من استغلال قضايا حيوية لاغراض تجارية ..