أبو شاكوش

by حسين أحمد أمين

يضم الكتاب اربعين دراسة شائقة في ميادين شتي ، أدبية (أزمة الابداع في مصر عبر القرون-لغوية (لغتنا المظلومة )- ثقافية (هل ادي التوسع في التعليم إلي رفع مستوى الثقافة )- فنية (بحب السيما )- دينية(كيف تعامل نظام الخكم في مصر مع الجماعات الاسلاميه المتطرفه)- اجتماعية(الارض الخراب)- سياسية (ذكرباتي عن حلرب يونيو 1967)- تاريخية (أحلي السنين في تاريخ مصر )- نفسية (البديل البشع للغضب الجماعي)-أخلاقية (تطور اخلاق الامريكيين وطباعهم)00إلي آخرة .)
وفي طليعة هذة الدراسات قصة "ابو شاكوش":
"ما مر شهر او شهرين علي تعييني رئيسا للوزراء حتي قفزت الي خاطري قصة ابو شاكوشالذي كان يسكن حينا وأنا بعد طفل في السادسة كان يجول في الشوارع دون ان يتبين لنا هدف من تجواله."
يحمل دائما شاكوشا في يمناه، أما يسراه فترفع عصا طويلة علق عليها طاقيته، ويتوهم دائما أن عجلة الامور إنما تبدأ في الدوران حين يعطيها إشارة البدء بأن يلوح لها بطاقيته، في حين انها تتحرك من تلقاء نفسها !
حينئذا تبينت بكل وضوح كيف ان حالي صارت شبيهه بحاله !!

339 pages, Paperback

First published January 1, 2007

About the author

الدبلوماسى المخضرم، والكاتب الإسلامى المعروف، وابن العلامة الراحل الأستاذ «أحمد أمين» صاحب «فجر الإسلام وضحاه» وشقيقه الأصغر هو أستاذ الاقتصاد اللامع فى «الجامعة الأمريكية» الدكتور «جلال أمين»

Reviews

[Ahmed · Rating 4 out of 5]

مقالات متنوعة ممتعة للغاية في مجالات شتى وموضوعات متفرقة في السياسة والتاريخ والفن والإجتماع والدين واللغة والتراث والثقافة والمرأة وحتى بعض الذكريات الشخصية أيضاً.
أكثر المقالات التى أعجبتني هي:-
1- "الأرض الخراب" وهو تخيل للجزء السابع (لأنه لا وجود له البته في الواقع) من كتاب الخطط للمقريزي لأسباب خراب إقليم مصر.
2- "ذكرياتي عن حرب يونيو 1967" حيث كان وقتها سكرتيراً ثانياً بالسفارة المصرية في موسكو.
3-"خفايا عهد شاه إيران كما يرويها رئيس وزرائه أسد الله علم" وزير البلاط الملكي في عهد شاه إيران الأخير من 1969 إلى 1977 وأقرب المقربين إليه
4- "بحب السيما" ذكريات السينما مشتركة مع أخيه الدكتور جلال أمين ويتناولانها بنفس الطريقة
5- الفصل الأخير من الكتاب وهو بعنوان "بعض مجموعة من الأمثال الشعبية الأوروبية مترجمة إلى العامية المصرية" ويضم 400 مثل تقريباً وإليكم الأمثال التى أعجبتني:-
- الزكيبة الفاضية مش ممكن تقف.
- اللي بيقول لمراته كل حاجة لازم متجوز جديد.
- اللي يبعت مغفل مشوار، قريباً هايحصله.
- جوز ابنك وقت ما تحب، وبنتك وقت ما تقدر.
- الخسران دايماً غلطان.
- اللي عاوز حاجة موش عنده، لازم يعمل حاجة مبيعملهاش.
- اللي تعمله بإهمال حاتعمله مرتين.
- اللي يدفع مقدماً مش حايتخدم بأمانة.
- البنت قبل الزواج موش عايزة غير الزوج، وبعد الجواز عايزة كل حاجة.
- الصديق يخلي فَرّحَك الضعف، وحزنك النُصّ.
- الإستعجال يقلل السرعة.
- اللي تصعب عليه الست لما تعيط، تصعب عليه الوزة إنها ماشية حافية.
- الكلام الحلو يوفر عليك فلوس.
- لو ما سمعتش صوت العقل، العقل حايسمّعك صوته.
- أول ضربة نُصّ المعركة.
- اللي دايماً يحسب التكاليف عمره ما حايعمل حاجة.
- أقصر طريق هو اللى تسافر فيه مع شخص ترتاحله.
- كل ما يعلى القرد، ديله يبان أكتر.
- أول غلطة: غلطة اللى إرتكبها، وتاني غلطة: غلطة اللي سابه يعملها.
- اللي إتولدت حلوة نُصّ مخطوبة.
- الغني عمره ما حايعرف مين صديقه.
- آه لو تفتكر الحما، وقت ما كان لها حما !
- المغفل بيتعلم من أخطاؤه والحكيم من أخطاء الغير.
- كان عندي كتابي وصاحبي .. سلّفت كتابي لصاحبي .. طلبت كتابي من صاحبي .. خسرت كتابي وصاحبي.
- إن سرقت الأفكار من كتاب واحد تبقى سرقة، وإن سرقتها من كتب كتير يبقى بحث.
- بقى لي سنتين مكلمتش حماتي، أصلي موش بحب أقاطعها.
- لو كل الناس إتفقوا على إنك حمار، لازم تنهق.
- إن أخدت شلوت من ورا، إعرف إنك قدام.
- أكثر إثنين عندهم حل لمشاكل البلد: الحلاق والسواق.
- إن الراجل إهتم بجسم الست، تعتب عليه إنه ما بيهتمش غير بجسمها. وإن ما إهتمش بجسم الست، تعتب عليه إنه مهتم جسم واحدة تانية.
- الخطوبة الطويلة غلط، لأنها بتدي فرصة لكل واحد إنه يعرف التاني كويس.
- الصديق بيحبك وعايزك تفضل زي ما أنت، والزوجة بتحبك وعايزة تعمل منك شخص آخر.
- حصان الحرت ياكل قش، وحصان السيرك ياكل شعير.
- إفتكر نصيحة اللي بحبك، حتى لو ما حبتهاش.
- لو كل واحد مربي دقنه فقيه، نخلي العزة توعظ.
- اللي بيزورك في محنتك مش جاي يواسيك، جاي يعرف التفاصيل.
- النمام هو اللي بيتكلم عن الغير، والممل هو اللي بيتكلم عن نفسه، واللبق هو اللي بيكلمك عن نفسك.
- لو وقفت خروف على رجليه الورانية موش حايبقى إنسان .. إنما لو وقفت مجموعة خرفان على رجليها الورانية حاتبقى جماهير.
- إوعاك تهد سور قبل ما تعرف هو إتبنى ليه.
- خليك لطيف مع الناس وإنت بتعلى، يمكن تقابلهم تاني وإنت بتقع.
- اللي يقولك خليك واقعي، عايزك تعمل حاجة غلط.
- فيه حاجات موش حاتصدقها إلا لو شفتها، وحاجات موش حاتشوفها إلا لو صدقتها.
- إتعلمنا نقرأ من غير ما نتعلم نقرأ إيه.
- كل ما تِقّل حججه، يعلى صوته.
- الراجل بيشتهي المرأة، والمرأة بتشتهى شهوة الرجل.
- السنين اللي الست بتنقصها من سنها ما بتضيعش: بتزودها على سن الستات التانية.

إجمالاً الكتاب ممتع للغاية وإن كان يعيبه بعض الأخطاء الفنية كالأخطاء الإملائية وعدم وجود فهرس والتنسيق الداخلي لبعض الصفحات

[Mahrous · Rating 5 out of 5]

كتاب ثري بالمقالات المهمة .. وهي ليست مقالات بالمعنى المعروف بل دراسات اجتماعية وسياسية ودينية وتاريخية ثرية بالمعلومات والتحليل والرؤية ..
أعرف أن الكتاب غير موجود بالمكتبات ..
أنا استعرته من مكتبة الجامعة .. وصورت معظم صفحاته قبل ما أرجعه

عائلة أمين لن تتوقف عن ابهاري وامتاعي .. فأبوهم أحمد أمين أديب ومفكر رائع وأنا أقوم بقراءة مقالاته (فيض الخاطر ) حاليا
وأبناء أحمد أمين هما جلال أمين كاتبي الأثير الذي قمت بقراءة معظم كتبه وحسين أمين مؤلف هذا الكتاب
وفي رأيي، إنهم يمثلون أعظم عائلة أدبية فكرية أنجبتها مصر على مر العصور

[H, Almutairi · Rating 4 out of 5]

حسين أمين، كعادته حسن الأسلوب أمين الفكرة.