التلت الأسود في العلم

by محمد السيد

الديوان الفائز بالمركز الثاني في مسابقة كتاب اليوم الأدبية


باكورة أعمال الشاعر السكندري الشاب محمد السيد


سؤال فى راس كل الولاد
واجابته محتاجه اجتهاد
التلت الاسود فى العلم .. ليه حجمه زاد ؟؟

Genres: Poetry

104 pages, Paperback

First published January 1, 2010

About the author

محمد السيد
شاعر عاميه
صدر له ديوان التلت الاسود فى العلم عن دار اخبار اليوم
وديوان ابيض غامق عن دار دَوّن للنشر والتوزيع
وله بعض الاعمال الغنائية مع المطرب حمزة نمرة وفريق مسار اجبارى وفريق بلاك تيما والمنشد مصطفى عاطف والفنان هانى عادل ومحمد عباس ومصطفى امين وعلى الالفى ومحمد النحاس ومحمد المهدى وهشام شوقى وهايدى وعصام امام والطفل ثائر

Reviews

[Sarah Yehia · Rating 4 out of 5]

اكثر من رائع
حبيت وحسيت جدا بـ
انتظارك
وإيه يعني
يرضيكي
هدنه
نصيب

وإيه يعني
كلامك نصه يوجعنى
ونصه التانى شوق ليا
وايه يعنى
تمد الايد وتمنعنى
وتاخد ايدى بالتانية
مسيرك يوم هتتأكد
تقرب حتى او تبعد
ساعتها بس هتحدد
تجيلى او تودعنى
وهافضل برضه مستنى
وايه يعنى
وايه يعنى تغيبلك يوم
وترجعلى فى يوم تانى
فى حبك قلبى لو مظلوم
ياريتك تظلمه تانى
براحتك اوعى تستعجل
قرارك صعب مش ساهل
انا عن نفسى هاتحمل
لانك حد يستاهل
انا بتمنى تختارنى
ده بعدك شئ هيكسرنى
خسارتى لما تخسرنى
ياريت يا حبيبى تسمعنى
هتعمل مهما راح تعمل
هاحبك برضه وهكمل
بدات هواك من الاول
محال لو شئ يرجعنى
وايه بعنى

[أحمد الباب · Rating 5 out of 5]

تحفــــــــــــــــــــة
:)


محرومة احلامى
من لذة التحقيق
وتمللى ايامى
مشتاقة للفرحة
يادنيا يا جارحة
اخرتها ايه طيب
قلبى انا الطيب
ملهوش مكان فيكى
دمى اللى سايل شقى
مبقاش يكفيكى
والعمر بقى محتل
من يأس متعافى
محنية يا كتافى
والصبر منى مل
محتاج لفرصة امل
يمكن تكون الحل

************

مخنوق اوى
زهقان اوى
الظاهر انى هكتئب او هابقى انسان منطوى
ولانى محتاجلك اوى
ولان انتى بعيد اوى
يبقى طبيعى انى اكون
مخنوق اوى
من غير عنيكى الدنيا ليه مش مبهجة
والضحك زى الابتسام لون اللمون
مبقتش شايف اى معنى فى العيون
مبقتش حاسس ان انا موجود فى كون
وكان عمر الافتراضى بينتهى
وكانى ريشة فى وسط ريح عاصف اوى
وعشان كده مخنوق اوى
حتى الكلام اللى انتى كنتى بتفهميه
من غير ما اقوله
مبقاش فى حد بيفهمه
مش لاقى حد حبيبتى غيرك اكلمه
كل المشاعر والمعانى استسلمو ضد اللا شئ
مبقاش فى حد يحسنى بحق وحقيق
وكانى تايه فى الطريق
ومازلت محتاجلك اوى
وعشان كده مخنوق اوى

[ياسمين Thabet · Rating 5 out of 5]

انتظارك كان إجابة
والأمل هو السؤال
طول مالسّه البعد عنى
يا حبيبتى مش اختيارك
هتلاقينى
فى انتظارك


من اجمل الدواوين الشعرية اللي قريتها

اولا العنوان (التلت الاسود في العلم) عنوان عبقري بكل ما للكلمة من معنى

الغلاف ماعجبنيش اوي ومابيعبرش عن الكتاب

الاسلوب مذهل سهل شفاف خفيف صريح صاااادق جدا

كمية رهيبة من القصايد عجبتني تقريبا كل القصايد رائعة منهم :

ابن حلال
افتكريني
دايب في حبك
مصر هي امي
هدنة
افردي جناحك
نصيب
بشوفك
عفريت

شوقني كتير اقرا كتاب ابيض غامق
باشكرك محمد السيد انت حقا مبدع

[Reem Abdel-aziz · Rating 5 out of 5]

اوقات بشوف الامل
واقف قصاد منى
ويبصلى وشايفه
والننى فى الننى
وامدله ايدى
بيمدلى ايده
لكن مبلمسهاش
واضحكله يضحكلى
ضحكة مبفهمهاش
سبته ومشيت سابنى
ورجعتله قرب
بصيتله باستغراب
لقيته مستغرب
وسمعت صوت بيقول
ده اللى انت فالح فيه
ضيعت وقتك ليه
بتيص فى مراية

[Asem Elshora · Rating 4 out of 5]

شاعر موهوب
كلماته نفاذه
تشبيهاته رائعة
أنا كنت كاره الشعر العامي ..بس بعد قرأتي للكتاب اتضحلي
إن هناك ناس بتشوه الشعر العامي بكتاباتها وبيجنوا عليه
وارجو منهم أن يكفوا عن تشويهه
الشاعر ليس منهم بالطبع

أعجبني كثير من القصائد كــــ

عرقين خشب
عمدان لسقاله شقا
وايدين فقير متعلقة في الكام جنيه
طب يعمل ايه
الدنيا اخدت ضحكته وضحكت عليه
والخوف مكتف خطوته
ويوماتي عشان لقمته
الموت بيلعب لعبته قدام عنيه
ومفيش هزار
العمر مش لعبة قمار
والتضحية
أوقات مبتكونش اختيار
لكنه عشان الصغار
علق سنين عمره في هوا
عشان رغيف علشان دوا
علشان يحوش كام أمل ضد الظروق
محتاج يشوف
من تحت عقب الحلم حبه ضي جي
رغم أنه بيموت م التعب
لكنه حي
_____

شمس الشقا علي وشه بتزينه
سايبه الجوامع بصمة في جبينه
وقلبه ساحة ذكر للحمن
السبحة كانت جزء من كفه
كت هيا والعكاز من ايده يتدفو
والحصري صوته ايات علي الجدران
صوته بيعزف بالكلام حواديت
ريحة زمان ساكنة معاه في البيت
والراديو عارف سكة القرأن
ف عيونه شاشه عرض للطيبة
محبوب لكل الدنيا من يومه
انسان بمعني الحب والهيبة
المسك ريحته أحلي في هدومه
كان قبل صوت الفجر ما يزوره
يقوم يصلي ركعتين لله
يتلاقي ضي الصبح مع نوره
واليوم بيبدأ بالإيمان جواه
كت كل حاجة في دنيته بهدوء
حتي المرض مخرجش من جواه
بيقول تملي ان الشفا من فوق
علي ايه هنتوجع وننطق اه
في عيونه باين انه بيتألم
وشفايفه بتمتم بحمد الله
لاعمره حسسنا ولا اتكلم
بيموت لكنه في وشه ألف حياه
الفجر ادن واحنا مانمناش
بس الادان الليله صوته حزين
انا شفته بيصلي لكن بالعين
سلم ولسلم بالعنين الاتنين
غمض ومن يومها مفتحناش
_______

أنا عارف
بإن الوقت مش وقتي
ومتأخر لقانا كتير
ولا قلبي ولا قلبك
موجه ليهم التقصير
لكنه مصير
مصيرنا ان احنا نتقايل
ولكن ..بعد
بضمه قلبنا نفرح
ونتجرح
بنار البعد
وهأعمل ايه
زمان ومينقدرشي عليه
بقولك ايه
هاسيبك وامشي دلوقتي
عشان عارف
بإن الوقت مش وقتي
_______
لأنك لسه مش عارفة
وخايفة م اللي بتحسيه
هاخش في مرحلة هدنة
وهاعلن وقف اشواقي
ولما ليا تشتاقي
هتلقي قلبي مفتوحلك
وبيبوحلك بأسراره
ويوقف هدنته ويعلن
يكمل بيكي مشواره
لكن دلوقتي سامحيني
أنا ضد اللي بيننا يكون
محبة من طرف واحد
هتاخدي مني تديني
بلاش قلبك يكون جاحد
سهام الحب رايح جي
مهيش رايح حبيبتي وبس
وانا قدمت لعيونك
حاجات يامه اوي تتحس
ورد الفعل منك صفر
ومانتيش قادره تختاري
فحتما اني اعلنها
غرامي في مرحله هدنه
_______


قصيده في وصف مصررائعة

بشوفك أجمل الاحلام
واشوفك برضه في الكوابيس
ياضحكه تنور الايام
وزحمه في خنقه الاتوبيس
وشمس تدفي ايامي
وحر بيحرق البشره
بشوفك كل يوم نشره
واخبارك متبسطنيش
انا كل اللي يبسطني
تناوليني رغيف العيش
بحارب لجل اوصله
واعاني فيكي لجل اعيش
مانا معييش
تمن كفني ولا التربه
ولاتذكرتي للغربة
بقت فيكي الحياة صعبه
وياواخده وحالفه ماتديش
ومين يدي الامل غيرك
سنين بحلم بتغييرك
جعان نفسي ادوق خيرك
ومهما اعمل تقولي مفيش
بموت من الحوجه والضيقه
بموت في القطر بحريقة
قتلني الفقر في دويقة
واندهلك مبترديش
بموت في اليوم متين مرة
واموت فيكي واموت بره
معاكي تمللي ع المرة
وع الحلوه متفتكريش
لامتي هتفضلي في نومه
ياظالماني ومظلومه
رضولك تبقي محرومه
ياريت انتي اللي ماترضيش

[إبراهيم عادل · Rating 3 out of 5]

رهان جديد على العامية الحُلوة سهلة التناول
عجبني جدًا

[Amr Mohamed · Rating 3 out of 5]

إهداء إلى روح أبي

بيقولولى البركة فيك
رغم إن البركة فيك
مٌتّ لكن عشت فيا
عشت ليا و مٌتّ فيك

بشوفك

بشوفك اجمل الاحلام
واشوفك برضه فى الكوابيس
يا ضحكة تنور الايام
وزحمة وخنقة فى الاتوبيس
وشمس تدفى ايامى
وحر بيحرق البشرة
بشوفك كل يوم نشرة
واخبارك متبسطنيش
انا كل اللى يبسطنى
تناولينى رغيف العيش
بحارب لجل اوصلله
واعانى فيكى لجل اعيش
ما انا معييش
تمن كفنى ولا التربة
ولا تذكرتى للغربة
بقت فيكى الحياة صعبة
يا واخدة وحالفة ما تديش
ومين يدى الامل غيرك
سنين بحلم بتغييرك
جعان نفسى ادوق خيرك
ومهما اعمل تقولى مفيش
بموت م الحوجة والضيقة
بموت فى القطر بحريقة
قتلنى الفقر فى دويقة
واندهلك مبترديش

[Aml Aly · Rating 3 out of 5]

لحظة غروب لكرامة الأمة
مشهد مكرر كل يوم عادي
كان نفسي تبقى الورث لولادي
أنا مامتلكشي أي شىء يتساب
كل اللي حيلتي ذكريات مؤسفة
حبة جمل في الحلق متكتفة
حبة أمل مبقوش يجيبو الشفا
قفلوا عليا معبر الاحلام
مربوطة نظرة عيني ليه في الأرض
مبقتش بقدر ابصها لقدام
وبقيت مجرد من علو الشأن
مسجون ما بين مساواة وحرية
مساواة بتقسم دنيتي نصين
نص العرب والنص بني ادمين
حرية تعوج كافة الموازين
بتزيد تمللي نصيبي م الغمة
تخلق غروب لكرامة الأمة

[Esraa magdy · Rating 2 out of 5]

سؤال فى راس كل الولاد
واجابته محتاجه اجتهاد
التلت الاسود فى العلم
ليه حجمه زاد ؟؟؟

[أحمد صــــلاح · Rating 3 out of 5]

ممتع يشدك يغلبك
فجاة يقلبك
بعدين يرجعك معدول ... تحس بشئ مختلف
و أنت بتقرا كل قصيدة حكاية بوابة على عالم جميل
ممتع .. جميل كل القصايد ليها معنى
من القهوة ... للثلث الاسود من العلم
و الحقيقة هوا مش حجمه زاد بس
للأسف ده غطى الشمس و ما بقناش نشوف من وراه
و هاكرر كلمة واحدة مناسبة للديون
ممتع

[Ro'a جمال · Rating 2 out of 5]

بغض النظر عن الكتاب .. محمد السيد دلوقتي بيكتب أحسن :)

[Mohamed talaat · Rating 4 out of 5]

يا اجمل حد انا قابلته
ياريتنى بجد ما قابلتك
يا اجمل اسم انا قلته
ياريتنى فى يوم ماكلمتك
بحبك برضه وهسيبك
وعارف ان انا حبيبك
نصيبى انى اعيش وحدى
ياريتك ترضى بنصيبك

[جهاد أمين · Rating 3 out of 5]

وقت ضايع

اوقات بشوف الامل
واقف قصاد منى
ويبصلى وشايفه
والننى فى الننى
وامدله ايدى
بيمدلى ايده
لكن مبلمسهاش
واضحكله يضحكلى
ضحكة مبفهمهاش
سبته ومشيت سابنى
ورجعتله قرب
بصيتله باستغراب
لقيته مستغرب
وسمعت صوت بيقول
ده اللى انت فالح فيه
ضيعت وقتك ليه
بتيص فى مراية

.....

لوحدك

اكتئب
اقعد لوحدك
اصنع العُزلة اللعينة
وإعمل البحر بدموعك
وإرمى قلبك فيه سفينة
وأمّا تبكى البحر يعلى
يرتجف قلبك يتوه
وقتها روحك هتصرخ
إلحقونى ياناس ياهوه
قلبى غرقااااان ...إلحقوه
بس مين ياخد بايدك
وانت مختار تكتئب وتكون لوحدك

.....

صليت عليه

صليت عليه ؟
حسّيت بايه
دلوقتى احسن ولا ايه
بالله عليك سيرة النبى
بتخش قلبك تعمل ايه ؟؟
اوقات تكون مخنوق ساعات خلقك يضيق
وتحس انك وقتها ف شدة وضيق
وتلاقى ناس حواليك واحيانا صديق
بيقولك اهدى وبس صلى على النبى
وتلاقى روحك تصفى ما بتعرفش ليه
اول ما بتصلى وبتسلم عليه
حتى اللى كان تاعبك ساعتها تقوم ناسيه
ماهى هيا دى بركة صلاتك على النبى
دى سيرته بس لوحدها احساس جميل
بركة تحل لوحدها مالهاش مثيل
حتى النبى قال اللى ما يصليش بخيل
من فينا نفسه يكون بخيل ويا النبى
سيرته الملايكة تحبها تحضر أوام
تسمع قلوب متطمنة بتقول كلام
حتى المثل بيقول لكل كلام مقام
ومفيش مقام فى الدنيا أعلى من النبى
صليت عليه ؟؟؟
حسيت باييه!!!!!؟؟

......


افتكرينى

لو بكرة اتحررتى يا حرة ...افتكرينى
لو علشانك كنت الدرة.....افتكرينى
لو راحت روحى فى حريتك
لو بعضامى ولحمى بنيتك
ابقى افتكرى ان انا حبيتك
وافتكرى ان اسمى فلسطينى
انا ابنك مكتوب فى شهادتى
وعشانك قدّمت شهادتى
بشهدلك والحق شهادتى
نصرك جاى باذن الله
انا زرعك نبتك انا طرحك
انا عاشق ارضك ومطارحك
انا بكرة بنصرك وبفرحك
انا واثق من نصر الله
انا اقصاكى وصوتى ادانك
وكنايسك جرسك رهبانك
انا انجيلك انا قرآنك
يا بلادى يا مهد الأديان
انا عزمك نبضك احساسك
انا فاكهة ارضك انا ناسك
انا فتح جهادك وحماسك
انا نارك ضد الطغيان
وان راحت روحى فى حريتك
لو بعضامى ولحمى بنيتك
ابقى افتكرى ان انا حبيتك
وافتكرى ان اسمى فلسطينى
افتكرينى

:))

[Sameh Ebrahim · Rating 5 out of 5]

من أفضل دواويين الشعر اللي قرأتها
ديوان بسيط وعميق وفيه معاني جديدة وكل قصيدة مختلفة

ديوان عبارة عن حالة مميزة جدا هتعيشها مع الكاتب وكلماته
من أول الاهداء لحد ماتخلص الديوان وترجع تقراه من اول وجديد
ومش هتحس بأي ملل ابدا

بيقولولى البركة فيك
رغم إن البركة فيك
مٌتّ لكن عشت فيا
عشت ليا و مٌتّ فيك

شاعر موهوب وجدا
القصائد اللي عجبتني كتير اوي منها
بنزف ورق & شيطان الشعر & ابن حلال & بعرف أعد& اكتئب &مخنوق اوي
مصر هي أمي & ابن الابالسة & بشوفك & دايب في حبك & حي

مخنوق اوى
زهقان اوى
الظاهر انى هكتئب او هابقى انسان منطوى
ولانى محتاجلك اوى
ولان انتى بعيد اوى
يبقى طبيعى انى اكون
مخنوق اوى
***
اكتئب
اقعد لوحدك
اصنع العُزلة اللعينة
وإعمل البحر بدموعك
وإرمى قلبك فيه سفينة
وأمّا تبكى البحر يعلى
يرتجف قلبك يتوه
وقتها روحك هتصرخ
إلحقونى ياناس ياهوه
قلبى غرقااااان ...إلحقوه
بس مين ياخد بايدك
وانت مختار تكتئب وتكون لوحدك
******

شيطان الشعر جوايا مالوش توقيت
وبيحيلى بدون مواعيد
ومين يعرف معاد عفريت
اكون نايم يصحينى
يملينى ويسترسل
ولما يحسنى انى
فى حب الشعر بستسهل
ينشف ريقى على كلمة
******صليت عليه ؟
حسّيت بايه
دلوقتى احسن ولا ايه
بالله عليك سيرة النبى
بتخش قلبك تعمل ايه ؟؟
اوقات تكون مخنوق ساعات خلقك يضيق
وتحس انك وقتها ف شدة وضيق
وتلاقى ناس حواليك واحيانا صديق
بيقولك اهدى وبس صلى على النبى
وتلاقى روحك تصفى ما بتعرفش ليه
اول ما بتصلى وبتسلم عليه
***

سؤال فى راس كل الولاد
واجابته محتاجه اجتهاد
التلت الاسود فى العلم
ليه حجمه زاد ؟؟؟

[سُهاد · Rating 3 out of 5]

لو بكرة اتحررتى يا حرة ...افتكرينى
لو علشانك كنت الدرة.....افتكرينى
لو راحت روحى فى حريتك
لو بعضامى ولحمى بنيتك
ابقى افتكرى ان انا حبيتك
وافتكرى ان اسمى فلسطينى
انا ابنك مكتوب فى شهادتى
وعشانك قدّمت شهادتى
بشهدلك والحق شهادتى
نصرك جاى باذن الله
انا زرعك نبتك انا طرحك
انا عاشق ارضك ومطارحك
انا بكرة بنصرك وبفرحك
انا واثق من نصر الله
انا اقصاكى وصوتى ادانك
وكنايسك جرسك رهبانك
انا انجيلك انا قرآنك
يا بلادى يا مهد الأديان
انا عزمك نبضك احساسك
انا فاكهة ارضك انا ناسك
انا فتح جهادك وحماسك
انا نارك ضد الطغيان
وان راحت روحى فى حريتك
لو بعضامى ولحمى بنيتك
ابقى افتكرى ان انا حبيتك
وافتكرى ان اسمى فلسطينى
افتكرينى

[سمر محمد · Rating 3 out of 5]

من الدواوين المميزة اللي قريتها
واللي حسيت فيها بشئ من التجديد في الاسلوب
عجبني جداً الاجزاء اللي بتتكلم عن مصر وأهلها وناسها الطيبين اللي شايفين وبيشوفوا كتير
وفوت الجزئيات الرومانسية
هي جميلة طبعاً بس مش حساها
وخصوصاً جنب القصايد اللي بتتكلم عن حال الناس
واتمنيت لو كان الديوان كله يعبر عن عنوانه وغلافه
ويخرج منه الاجزاء الرومانسية او حتى اللي بتتكلم عن الفراق
ساعتها كان هيفرق كتير جداً ويكون اقوى واجمل

ووجود الرومانسية في النص فكرني بقول بهاء طاهر :D

التفاؤل في هذه الظروف يكاد يكون وقاحة!!

بس في المجمل ديوان يستحق القراءة :)

[Mohamed Fawzy · Rating 3 out of 5]

ما هو المُشكلة إنى قرأت أبيض غامق
قبل ما أقرأ الديوان دا .. فـ شوفت أسلوب محمد السيد بعد التطور قبل ما أشوف البدايات :)
و دا قلل من استمتاعى بالتلت الأسود فى العالم .. و مع ذلك فى قصايد فى الديوان كيّفتنى بجد ^_^

[إسراء البنا · Rating 3 out of 5]

اسلوبه سلس

[Ahmed Ashraf · Rating 3 out of 5]

حلو اوي و خصوصاً

1. وقت ضايع
2. انتظارك
3.قلبي العيل
4. اعتذار
5. يرضيكي
6. الكلمه
7. هدنه

و طبعاً المقدمه ..

بيقولولى البركة فيك
رغم إن البركة فيك
مٌتّ لكن عشت فيا
عشت ليا و مٌتّ فيك

[Rahma Hassan · Rating 3 out of 5]

معقول الكتاب وفيه اجزاء حبيتها أوي

لكن مش عارفة
حاسة إن عنوان الديوان روحه مش مسيطرة على النصوص قد كدا !

[عمر الخير · Rating 4 out of 5]

حالة من السكون هتغمرك بين صفحات الكتاب
رغم أن صفحات الكتاب ذات نفسخها فيها ثورة علي حاجات كتير
مش المفروض تكون

[Mohamed Ramadan · Rating 5 out of 5]

سحر الكلمات
شئ جميل بجد استمتعت مع كل كلمه

[ريهام يوسف · Rating 4 out of 5]

مسجون ما بين مساواة وحرية
مساواة بتقسم دنيتي نصين
نص العرب ونص البني الآدمين
حرية تعوج كافة الموازين
بتزيد تمللي نصيبي م الغمة
تخلق غروب لكرامة أمة

ديوان رائع ، شاعر فنان <3

[Tasneem Elnkhely · Rating 5 out of 5]

معرفتش لسه الإجابة !!
التلت الأسود فى العلم ليه حجمه زاد

[Ibrahim · Rating 4 out of 5]

ديوان اكثر من رائع والشاعر محمد السيد له مستقبل رائع في الشعر العامي

[Ahmed BenArfa · Rating 3 out of 5]

ديوان كويس وسهل جدا ومريح في القراءة لكن أوقات كان بيكون فيه شطر مش ماشي مع اللحن ووزن الأبيات لكن في الأغلب الشعر العامي أفضل حاجة إنه يتسمع من اللي كاتبه دايركت وبعدين يتقرأ لأنه بيديك اللحن اللي هو كتبه بيه وإنت بتاخده لا إرادياً بعد كده عن لسانه ونطقه ووقفاته ووصلاته.
لكن ديوان جيد.

[eman Salah · Rating 3 out of 5]

رغم اني مليش في الشعر العامي لكن بجد الديوان رائع

[Mohamed · Rating 4 out of 5]

ديوان رائع
واعجبني

يا قطر العمر.
ادم .
شعاع الشمس .
حي .
لوحدك.
افتكريني .
اعتذار .
فرصة امل .
ايه يعني .
مصر هى امي .
نصيب .
بشوفك

واقتبس
يا قطر العمر ليه سابق خيول الحظ
على مهلك عشان خاطرى
وهدى شوية يا قطرى
بلاش اسمع نفير الشعر لمّا إبيض
ما تحبسنيش فى قضبانك
ده لسه شقاوة العشرين
بتتشعبط يا دوب فى الارض
ولسه سنانى لبنيه
ولسه بكح من دخان سيجارة والدى بعد الفرض
وحلمى بشوقه بيرفرف
كأنه طير فى بنية
يا قطر العمرمن فضلك ......
بحنية
بلاش تجرى
انا قادر اقوم واجرى
فمتكتفش خطوة رجلى بالعكاز
بلاش دايما تكون دوغرى....
وكون منحاز
وسمعنى صدى صوتى وانا .. عيل
يا قطر العمر ما تمـيّـل
وترجع بيا للحارة
ومسكنى فى ايدى كتاب
وايدى التانية زمارة
واقولك تووووووووووووت
اقولك فوت وكبرنى
ولا انت كنت راضى تفوت
ومفضلتش مصغرنى
ووقت الفرح كنت بتجرى كالرهوان
وفى الاوجاع... مبتمشيش
وانا انسان وطبعى انى اكون طماع
ما تسمعليش
ولا تسرع ولا تهدى
يا قطر العمر لا بيدك ولا بيدى
ما تسمعليش
كفاية عليا انى اعيش
==================================
عرقين خشب
عمدان لسقاله شقا
وايدين فقير متعلقة في الكام جنيه
طب يعمل ايه
الدنيا اخدت ضحكته وضحكت عليه
والخوف مكتف خطوته
ويوماتي عشان لقمته
الموت بيلعب لعبته قدام عنيه
ومفيش هزار
العمر مش لعبة قمار
والتضحية
أوقات مبتكونش اختيار
لكنه عشان الصغار
علق سنين عمره في هوا
عشان رغيف علشان دوا
علشان يحوش كام أمل ضد الظروق
محتاج يشوف
من تحت عقب الحلم حبه ضي جي
رغم أنه بيموت م التعب
لكنه حي

[فاطمة سامى · Rating 4 out of 5]

راااااائع .. متميز
محمد السيد حيث للعامية مذاق خاص جدا:)
******************************
انتظارك
حالة من صبر اختيارى
بس انا مجبر عليها
تحت تهديد الوعود
انتظارك
معنى تانى للامانى
ومعنى أول للوجود
انتظارك
رحلة فيها الحلم زادى
وسِكّتى هى الآمال
كان يوماتى يزيد عنادى
رغم ان البعد عنك
حمل فوق الاحتمال
بس انا يا حبيبتى قادر
ع البعاد والانتظار
قلبى واثق من رجوعك
حتى لو سموه محال
انتظارك كان إجابة
والأمل هو السؤال
طول مالسّه البعد عنى
يا حبيبتى مش اختيارك
هتلاقينى
فى انتظارك

---------------
محرومة احلامى
من لذة التحقيق
وتمللى ايامى
مشتاقة للفرحة
يادنيا يا جارحة
اخرتها ايه طيب
قلبى انا الطيب
ملهوش مكان فيكى
دمى اللى سايل شقى
مبقاش يكفيكى
والعمر بقى محتل
من يأس متعافى
محنية يا كتافى
والصبر منى مل
محتاج لفرصة امل
يمكن تكون الحل

***************
عجبنى جدا :)

[Tina Hamed · Rating 3 out of 5]

حلو جداً


شيطان الشعر جوايا مالوش توقيت
وبيحيلى بدون مواعيد
ومين يعرف معاد عفريت
اكون نايم يصحينى
يملينى ويسترسل
ولما يحسنى انى
فى حب الشعر بستسهل
ينشف ريقى على كلمة
وبعد ماكان مظبطنى
يشحطنى احايل فيه
يشيطنى
معايا يبدأ الاشعار
وف القافلة يورطنى
شيطان الشعر ليه دايما
بيحلاله وجع بطنى
وحتى قصيدتى دى برضه
ف قفلتها ملخبطنى
كتير بقعد احايل فيه
واقوله الحقنى يا ابن الايه
يطنشنى
كمان يرفض يغششنى
مع انه
بيسكن كل ابياتى
وييجى فى اهدا اوقاتى
يوشوشنى ويدوشنى
ماهو شيطانى مالوش توقيت
ومين يعرف معاد عفريت
______________