ჰერმან ჰესე > Quotes

“ამქვეყნად ყველაფერი შენც გეხება და ყველაფერში იმდენად სრულყოფილი ცოდნა უნდა გქონდეს, რამდენადაც ამის ძალა შესწევს ადამიანს”
― ჰერმან ჰესე

“ტკივილის უნდა გეამაყებოდეს, რადგან ყოველი ტკივილი გახსენებაა იმ მაღალი ღირებულებებისა, რასაც შენგან ღმერთი ითხოვს.”
― ჰერმან ჰესე

“ადამიანებს არ სურთ ცურვის სწავლა, რადგან მათი დანიშნულება ხმელეთზე ყოფნაა, მაშინ რაღა გასაკვირია, რომ ადამიანებს აზროვნებითაც არ სურთ თავის შეწუხება. ადამიანი ამ ცხოვრებისთვის იმიტომ როდი შეუქმნია განგებას, რომ იაზროვნოს. ის, ვინც მიჩვეულია გონების ვარჯიშს და აზროვნებაში ხედავს ცხოვრების არსსა და დანიშნულებას, შესაძლოა, ერთხელ ფონსაც გავიდეს, მაგრამ საბოლოოდ მაინც დასახრჩობადაა განწირული, რადგან ხმელეთს წყლის სტიქიონი ანაცვალა.”
― ჰერმან ჰესე

“იუმორი უბედური, მაგრამ ნიჭიერი ადამიანების გამოგონებაა. მხოლოდ მას (შესაძლოა, კაცობრიობის ამ ყველაზე თვითმყოფადსა და გენიალურ მიღწევას) შეუძლია გააკეთოს შეუძლებელი; იგი თავს უყრის და საკუთარი სხივებით აცისკროვნებს ადამიანური ბუნების ყველა კუთხე-კუნჭულს. იუმორის წყალობით შეიძლება ცხოვრობდე ქვეყნად, მაგრამ შენად არ იგულვებდე ქვეყანას, პატივს სცემდე კანონს და მაინც მასზე მაღლა იდგე, მფლობელი გერქვას, არადა, "ცარიელ-ტარიელი იყო"; იუმორის წყალობით შეიძლება უარი თქვა რაიმეზე, მაგრამ ეს ნათქვამი უარის თქმად არ ჩაგეთვალოს.”
― ჰერმან ჰესე