Allan N. Derain > Quotes

“Sapagkat ang harap ng klase ang kaniyang entablado, ang pagtuturo ay pagganap sa isang madamdaming papel, ang pagiging guro ay pag-aartista, at ang buhay ay isang palabas. . . . Sa palabas na ito, alam niyang hindi siya ang bida. Hindi iyon puwedeng mangyari kahit pa ang paksa ng naturang palabas ay sariling buhay. Hindi siya ang bida, ngunit hindi rin naman siguro siya kontrabida. Sa halip, siya ang karakter na laging nag-aabang, kasama ng mga manonood, kung kailan lalabas sa eksena ang tunay na bida. . . . Kung ang buhay niya ay isang palabas, marahil, ang tunay na bida rito ay ang kaniyang mga estudyante. Sila at walang iba. Pero kailangan muna nilang matuklasan, sa sarili nilang paraan, kung paanong magkakaroon ng hawak sa sarili nilang mga buhay. Kung paano magiging makaya. Na malamang na hindi mangyayari habang sila ay mga estudyante.”
― Allan N. Derain, Pamimintana sa Pintong Rosas Budget Hotel

“Alamin mo ang lugar para malaman mo rin kung paano ilulugar ang iyong sarili.”
― Allan N. Derain, Pamimintana sa Pintong Rosas Budget Hotel