Robert Fergusson > Quotes

“Auld Reekie's sons blyth faces wear,
September's merry month is near,
That brings in Neptune's caller chere,
New oysters fresh;
The halesomest and nicest gear
Of fish or flesh.

Whan big as burns the gutters rin,
Gin ye hae catcht a drookit skin,
To Luckie Middlemist's loup in,
And sit fair snug
O'er oysters and a dram o' gin,
Or haddock lug.”
― Robert Fergusson, Poems of Fergusson

“Ye wha are fain to hae your name
Wrote in the bonny book o fame,
Let merit nae pretension claim
To laurel'd wreath,
But hap ye weel, baith back and wame,
In guid Braid Claith.”
― Robert Fergusson, Poems of Fergusson

“Auld Reekie, Wale o' ilka Town,
That Scotland kens beneath the Moon,
Where couthy Chiels at E'ening meet
Their bizzing craigs and mous to weet;
And blythly gar auld Care gae bye
Wi' blinkit and wi' bleering Eye:”
― Robert Fergusson, Poems of Fergusson