عبد الرحيم منصور > Quotes

“على قد ما حبينا وتعبنا ف ليالينا
الفرحة ف مشوارنا تانى ح تنادينا

طول ما القلب صافى بحر العشق وافى
وكل عذاب الدنيا ح يروق بكرة لينا
بس امتى أمانينا ع الحلم ترسّينا

بين أيوه و لا..الحب بنلقاه
ما أحلى الحياة بصحابنا وأهالينا
بس امتى ليالينا تيجى وترسّينا

لو تروق حيجينا كل ما إتمنينا

لو ممكن تطيب أحزان الحبيب
شمس الحب تطلع من بعد المغيب
وعذاب الحياة لمّا نكون وحدينا

ليه ما نكونش ذكرى فى الليلة الجميلة
ليه ما نكونش غنوة فى الرحلة الطويلة
دا احنا ياما شقينا من يوم ما إتنسينا

لو تروق حيجينا كل ما اتمنينا

على قد ما حبينا وتعبنا فى ليالينا
الفرحة فى مشوارنا تانى ح تنادينا”
― عبد الرحيم منصور

“ريتك معايا تطوفي
وسط البشر والزحام ...

وتشوفي حيرتي وخوفي
عليكي من دي الالآم”
― عبد الرحيم منصور

“منين أجيبك يا سمره
ياللي عيونك دوايا ...

حلمت ياما ببكره
وبكره أصبح مسايا”
― عبد الرحيم منصور

“دي عنيكي شبابيك أغاني
باطل منها وباشوف ...

خلت زماني حصاني
خلتني ع السر ألوف”
― عبد الرحيم منصور

“وده عايش فى كدبة.. كدبة كل يوم
جوه نفسه غربة.. وبرة حياته هموم”
― عبد الرحيم منصور

“بتعيشى وهم كبير
حواليكى بيغنوا فوارس فوق ضهور الخيل
ومخبيين السناكى فى جراب القلب
ومخبيين الغناوى فى جراب الليل
انا جيتلك وانا ماشى على كتفى حمل تقيل
لو كان جمل.. كان عض بنايبه الخزام”
― عبد الرحيم منصور

“بافر من تحت جلدى
واهرب والف وادوب
الود اشرب بيدى
نبع الشروق والغروب

فيه فكر عايش مهاجر
زى الطيور الجريحه
وفكر ميت وقادر
يجعل حياتنا مريحه

الدنيا دامت لمين
وكيف تدوم على حال
ما بين بكا وحنين
وبين ميلاد وزوال”
― عبد الرحيم منصور, الرقص ع الحصى