جوزف حرب - سنونو تحت شمسية بنفسج > Quotes

“سميتك الوقت

سميتك:
الوقت.
لقيتو بيتغير.

ماحبيت الوقت.

سميتك:
البحر.
لقيتو بيسافر
بالغيمي،
وبالموج،
ماحبيت البحر.

سميتك:
الريح.
لقيتا
بتتقلب،
وبشعا
لما بتغضب
ما
حبيت الريح.

شو بدي سميك؟! ما بعرف.
الأشيا
كلا بتتغير،
وبتجي وبترحل
وكلا
منقلا:
خليكي.
وم بتقبل.”
― جوزف حرب - سنونو تحت شمسية بنفسج

“ضمٍي

بعد في مطرح بجسمي
رقيق،

هوي الضمي اللي فيا
ريحة الباب،

الباب الملان
بريحه الغياب.

إن فكرت تقطع إيديكن
ه الطريق،

ياريت فيكن توصلو
قبل الغياب”
― جوزف حرب - سنونو تحت شمسية بنفسج

“هـ الشهر
ستين حبي مدوره


حبي شمس
حبي قمر

حبي شمس
حبي قمر

ومدهبي ومبلورا،
وموشحا،

ومزيحا،

وألله
عملهن مسبحه.

وللأرض
حتى يغفيا،
ويوعيا،

قاعد على طراف الدني،
يسبح فيا.”
― جوزف حرب - سنونو تحت شمسية بنفسج

“بيطلع معي

كل ما قسم
ي حلو الزهر،

بيطلع معي
إنك عطر،

كل ما بجمع
تراب وبحر،

بيطلع معي
عيونك
خضر.

كل ليلة صيف
بضربها
بشهر،

بيطلع معي
نازل عكتفك ه الشعر

كل ما بقسم ع ناي
بريق خمر،

بيطلع معي خيمة رقص
حملت عريش الخصر.

ومن يوم
ما فليت،

حطيت راسي عا عنيي،
وبالبكي تغطيت.”
― جوزف حرب - سنونو تحت شمسية بنفسج

“يبست

ه العلاقه
ال بينا يبست،


ياريت فيي
رجعا خضرا.

ويا ريت كانت كلمتي:
"رايح"

"راجع أنا ومشتاق"،
ومبارح

ياريت فيي
أعملو بكرا.”
― جوزف حرب - سنونو تحت شمسية بنفسج