Keerti Parchure

“युद्ध सुरू झालं, त्या वेळी एडिसन सत्तरीच्या जवळ होता, तरी त्याचे कामाचे तास कमी झाले नव्हते. तो तेव्हाही रोज १६ तास काम करायचा. त्याला विश्रांतीचा किंवा झोपेचा तिटकारा होता. ‘आठ ते दहा तासांची झोप घेणारे लोक कधीच पूर्ण जागे किंवा गाढ झोपलेले नसतात.’ असं त्याचं ठाम मत होतं. एडिसन म्हणायचा, ‘‘मला अगदी थोडी झोप पुरते. मला कधीच स्वप्नं पडत नाहीत. जर चुकून कधी जास्त झोपलो, तर आळसावल्यासारखं वाटतं. थोडी जरी कमी झोप झाली, तरी लोक खूप मोठं नुकसान झाल्यासारखे बोलत असतात. नुकसान झालेलं असतंच, पण ते संधीचं आणि वेळेचं झालेलं असतं, हे त्यांनी लक्षात घेतलं पाहिजे. मी एकदा उत्सुकतेने ब्रिटिश मेडिकल जर्नलचा पूर्ण अभ्यास केला, तेव्हा माझ्या लक्षात आलं की, कमी झोपेमुळे कुणालाही गंभीर आजार वगैरे होत नाहीत.”
― Keerti Parchure, Thomas Alva Edison (Bhannat manasa)