Pablo Texón Castañón (1977, Felechosa, Ayer) ye un escritor n'asturianu, llicenciáu en Filoloxía Española, especialista en Filoloxía Asturiana y profesor d'Asturianu y de Llingua Castellana y Lliteratura.
Aparte de dellos testos espardíos en distintes publicaciones (La Nueva España, El Comercio, Eventual, Lliteratura, Les Noticies, Elsúmmum, etc.) espublizó'l poemariu Toles siendes (Premiu Nené Losada Rico), en Trabe nel 2005, el volume de narrativa Catedral (Ámbitu, 2006) y ta pa salir el poemaiu La culpa y la lluz, ganador del Premiu Teodoro Cuesta de Poesía. Apaez nes antoloxíes Escritores en Llanes y Versos Diversos.
Nel añu 2011 asoleya'l llibru L'alma robada, editáu por Publicaciones Ámbitu, catorce testos en prosa poética basaos n'otrePablo Texón Castañón (1977, Felechosa, Ayer) ye un escritor n'asturianu, llicenciáu en Filoloxía Española, especialista en Filoloxía Asturiana y profesor d'Asturianu y de Llingua Castellana y Lliteratura.
Aparte de dellos testos espardíos en distintes publicaciones (La Nueva España, El Comercio, Eventual, Lliteratura, Les Noticies, Elsúmmum, etc.) espublizó'l poemariu Toles siendes (Premiu Nené Losada Rico), en Trabe nel 2005, el volume de narrativa Catedral (Ámbitu, 2006) y ta pa salir el poemaiu La culpa y la lluz, ganador del Premiu Teodoro Cuesta de Poesía. Apaez nes antoloxíes Escritores en Llanes y Versos Diversos.
Nel añu 2011 asoleya'l llibru L'alma robada, editáu por Publicaciones Ámbitu, catorce testos en prosa poética basaos n'otres tantes semeyes de los fotógrafos Pablo Lorenzana y Mario Rojas.
Como traductor, encargóse de l'adaptación de Xulia (Ámbitu, 2006), que foi representada pola compañía de teatru Margen. Igualmente sería l'encargáu de tornar una escoyeta de poesíes del autor estauxunidense Raymond Carver.
Ta encuadráu dientro de la "Tercer Xeneración" del Surdimientu y ganó, amás de los yá mentaos, dellos premios: Fernández Lema, El Garrapiellu, Los Bilordios de Pinón, Bimenes, etc....more