Primo Shllaku

“Profesion

Jam msue me të vra
me sendet ma të buta
me heshtje, me nji ''mirë, s'ka gja'',
me mendje të lehtë
ty që e vdekun dukesh
n'ballkon të pozës tande.
Kam me vra me mija herë dëshirën tande
me sendet ma të buta:
me ikje, me ndrojtje e mosvendim,
bile me gazin tim të kotë,
ty që dora ime kurr s'arrika me të ngjallë
nga hija e baltës tande.
Do të vras prap
prap e përsëri prap
mendimin tim për ty,
me çka të më vijë përdore
dhe mendimi yt,
në vdekjen e vet,
kah pak, kah pak
do të marrë me vete
pjesë nga unë,
të vrame edhe ato
me sende të buta
me ç'të vjen përdore,
me kohë, pritje,
indiferencë...”
― Primo Shllaku