Sally’s
Comments
(group member since May 18, 2011)
Showing 1-9 of 9
@Abdelhamidحمايه المستهلك من انه يدفع فلوس فى منتج هوا مش عايزه.. بس اشتراه لجهله ببعض المعلومات عن المنتج اللى ممكن تأثر على قرار الشراء.. سواء انى اشترى او لأ.. اى شركه ملزمه انها تكتب على غلاف منتجها المعلومات اللى يغلب الظن انها تهم المشترى
قانون حمايه المستهلك ماده 2
ب)الحق فى الحصول على المعلومات و البيانات الصحيحة عن المنتجات التى
يشتريھا أو يستخدمھا أو تقدم إليه .
ه)الحق فى الحصول على المعرفه المتعلقه بحمايه حقوقه ومصالحه المشروعه
"حماية المستهلك من أي شيء؟
من الأفكار و الكلمات..أعتقد أن كل واحد فينا يستطيع ذلك،هناك عقل ،
حوار يبدأ بين الكتاب و بين القارئ،من لم تعجبه فقرة أو فكرة ،
أو حتى كلمة سيعرف ذلك "
اكيد مش حمايه المستهلك من الافكار والكلمات.. هو اللى
بيشترى كتاب بيدور على ايه غير الافكار والكلمات والابداع..
وانا فعليا اقمت حوار بينى وبين الكتاب وعرفت انى مش عايزه اقرا الكلام دا.. حضريتك متفق معايا بحقى فى انى اختار بحريه.. لكن حضريتك بتدينى الحق دا بعد شراء الكتاب.. وكل اللى انا عايزاه هو اعتراف بحقى بالقانون قبل ما اشترى الكتاب.. واكرر تانى المشكله بالنسبه لى ماليه بحته.. مش عايزه ادفع فلوس فى حاجه مش هستخدمها
وبما انى بطبيعه الحال ارفض المصادره على الابداع.. فانا مش من حقى انى املى على احد اسلوب كتابه معين.. لكنى اقدر
انى ارفض انى اشترى الكتاب.. ودى من اكثر الوسائل سلميه وتحضر.. هو من حقه يكتب.. وانا من حقى ما اشتريش
... ومن حقى انى امارس حقى بطريقه واضحه ومباشره وثابته.. مش انى اسأل البياع يقولى لا حضريتك دا كتاب جديد مقرتهوش... او تبقى معاييره مختلفه عنى
طريقه واضحه ومباشره وذات معايير ثابته.. حقى السلمى والمتحضر
وانا مش متمسكه بالاسلوب على فكره اللى عنده فكره تانيه توصلنا لنفس الهدف.. اهلا وسهلا يبقى تكرم علينا.. بس ياريت تكون بتلبى الشروط اللى فوق.. طريقه واضحه ومباشره وذات معايير ثابته
كل سنه وانتم طيبين .. وشكرا جدا ليكم
P.S. انا مش عارفه قانون حمايه المستهلك ينطبق على الكتب ولا لأ باعتبارها سلعه.. بس دا اللى بنحاول ننفذه مادام الحق اصلا معترف بيه.. بس الفرق انه مش هيبقى قانون وانما اتفاق مع دور النشر على معايير موحده وثابته ومعلنه لكل كتاب
شكرا جدا لردودكم واهتمامكم بالفكره.. والحقيقه نقاشكم دا رائع جدا لدرجه انى مش هعرف اضيف عليه اكتر.. بس انا حابه اوضح شويه حاجات بخصوص الفكرهالموضوع مش اذا كان غلط اننا نقرا كتب فيها تفاصيل احنا مش حابنها ولا لأ.. دى مسأله شخصيه كل واحد رقيب نفسه.. يقرر بنفسه رغباته وحدوده الشخصيه اللى هو يحددها.. وانا كنت قلت قبل كدا انى ممكن اشترى كتاب لو عاجبنى جدا حتى لو كان تقييمه عالى جدا.. بس وقتها هيكون باختيارى
احنا لا نسعى لوضع حدود او قيود او حتى اصدار احكام على ابداع اى كاتب واحنا كا جودريدرز يهمنا الكتاب والكتب اكتر من الكتاب والناشرين انفسهم.. انا شخصيا بعيش على الكتب
المشكله بالنسبه لى انى انا واحده بقرا اكتر من اربع كتب شهريا بميزانيه محدده ويطلع منهم كتابين مينفعش يتقروا-انا مقدرش اقراهم- ينفع ارجعهم.. طيب حيلوهالى ممكن اعمل ايه؟؟
علشان كدا كان الاقتراح ان التقييم دا يكون فى اخر صفحه من الكتاب فى ضهر الغلاف
الموضع مش وصايه على القراء ولا على الكتب.. محدش هيفتح اخر صفحه فى الكتاب الا اللى مهتم بموضوع التقييم.. وغيره ممكن اصلا ما يبصش
ارجع اقول تانى حمايه مستهلك فقط لا غير
انا لا اقبل ان اى حد يفرض وصايه عليا فى اختيار قراءاتى.. فبالتأكيد مش هسعى انى افرض وصايه على حد
الموضوع اصلا ابسط من كدا بكتيييييييير
والله الموفق والمستعان
p.s. بالذمه ايه رايكم فى البيان بتاعى مش احسن من بيانات الناس التانيه
طيب بصوا بقى يا جماعه انا الموضوع كبر معايا جدا.. لا وكمان هزيد عليه حاجه... هزيد عليه ان الالفاظ اللى مش كويسه تتكتب حروف مفرطه... علشان اللى مش عايز يقراها مايقراهاش..بجد بقى علشان انا تعبت.. مش علشان اقرا روايه حلوه تضيع معاها جزء من اخلاقى.. ان هتكلم بصراحه يعنى... انا دلوقتى بقرا روايه حلوة جدا ملحمه حقيقه.. بس حقيقه زياده عن اللزوم.. بتستخدم الفاظ بشعه.. حقيقى والله ماكنت اعرف معناه... والروايه حقيقى حلوه.. ملحمه حقيقيه.. وواخده جايزة الدوله التشجيعيه.. بس الفااظها بشعه لدرجه انى مش قادره اكملها.. ودا حراااام يعنى انا نفسى اقراها اوى.. فانا خلاص الموضوع كبر معايا جدا.. قولولى رأيكم... واللى يعرف طريقه ننفذ بيها المشروع دا يقول.. اى اقتراح اى حاجه.. ايه رأيكم.. الله يكرمكم ساعدونى بجد
عزوز صديقى.. انا سعيده جدا اننا هنناقش عزازيل.. وانا من كتر ما حبيت الرواية سميتها عزوز صديقى.. مش هقدر اكتب دلوقتى.. هدخل تانى بعد شويه اكتب رأيى فيه.. بس اتمنى ان الناس اللى مش عاجبها الكتاب تدخل وتقولينا رأيها.. ليه معجبهاش
السلام عليكم شبابشكرا جدا لتفاعلكم مع الموضوع ولردودكم.. سواء مؤيدين او رافضين.. مع انى ماشفتش حد رافض
@Amira بالنسبه لموضوع المبيعات فانا معتقدش انه هيأثر اوى يعنى..بصى هحكيلك حكايه لطيفه جدا.. اناواحد صحبتى جات تسألنى عن شيكاغو.. فانا معرفتش افيدها اوى فى الموضوع.. فراحت سألت واحد زميلها فى الكليه.. طبعا هو اتفاجأ انها بتتكلم عن شيكاغو كدا عادى يعنى.. المهم قالها لو انتى مصرة انا ممكن اجيبهولك بكره.. هى وافقت.. جالها تانى يوم جايب الكتاب ملفوف فى جرايد ومحطوط فى كيس اسود.. تخيلى الكوميديا..وكل الحكايه انه هو واصحابه تناقلوا ان الكتاب فيه مشاهد علشان كدا كلهم جابوه.. وضع مزرى طبعا.. مع العلم انى بحب علاء الاسوانى وبحب كتاباته جدا.. بس قصدى كل حاجه ولها محبينها.. محبينها دول مش ناس وحشين لا.. بس هى مسأله اذواق وحريه..وكمان الموضوع نسبى يالنسبه لكل واحد حتى اللى ردوا على الموضوعنا هنا.. بالنسبه للمبيعات انا مطمنيه على الدور النشر
@mohamed كلامك عقلانى جدا جدا.. وانا قبل ما اعرض الفكره دى هنا فكرت كتير فى الموضوع دا.. فكره انى مش عايزه اخسر قرايه كتاب حلو بجد علشان حاجه زى كدا.. علشان كدا انا مش بطلب رقابه على الكتب.. وتعالوا نفترض ان الموضوع دا اطبق.. وفى روايه حلوه اوى والنقد بتاعها رائع.. بس الروايه دى واخده رايتنج خمس نجوم-يعنى اهى اعلى حاجه- هل دا معناه انى مش هشترى الكتاب الله اعلم.. ممكن اقرر اخد المجازفه واتنازل عن افكارى واشتريه.. بس باختيارى وانا عارفه انا بعمل ايه وبختار ايه فى مقابل ايه.. والموضوع اقرب لحمايه حقوق المستهلك
اما بالنسبه ان اتحاد الناشرين العرب مش هيرضوا.. فهو احتمال وارد جدا جدا.. ومش بالضرورة يكون عن طريق الاتحاد..لكنى اخترت انهم هما اللى يحطوا المعايير نجمه نجمتين او تلاته علشان هما المعنيين بتنفيذ القرار.. فشوفت انه من العدل انهم هما اللى يحطوا المعايير بنفسهم علشان مايبقاش حد بيفرض عليهم حاجه.. انا معرفش ازاى ممكن نطبق حاجه زى كدا.. يعنى اللى عنده افكار يقول
حاجه اخيره انا اتمنى ان النجوم دى او الالوان او اى حاجه يقرروها انها تكون فى اخر صفحه من الكتاب.. بلاش الغلاف علشان لامؤلف ولا ناشر يدايق
وكالعاده مستنيه ارائكم
المشكله ابتديت معايا مع شراء كتاب عراقى فى باريس..والكتاب اقل ما يقال عليه انه كتاب عجيب.. المهم انى مقدرتش اكمل الكتاب دا واتقهرت جدا لما اتكرر نفس الوضع مع كتب زى كدا واخد نفس المقلب دا.. وبصراحه اتعصبت -بصراحه يا جماعه انا مزانيه الكتب عندى محدوده-فباضطر انى اقضيها ودى حاجه سخيفه جدا..المهم انا كل مشكلتى مع الكتب دى انها فيها مشاهد خارجه كتييييييير جدا.. وانا معنديش مشكله ان كاتب يكتب بالشكل دا.. لكن انا من حقي انى مااقرهاش اذا كنت مش عايزه.. ففكرت وقولت احنا ليه ما نطالبش اتحاد الناشرين العرب.. انهم يحطوا علامه معينه على غلاف الكتاب.. عدد نجوم مثلا او خط بلون معين.. بدرجات متفاوته ينظموها بالشكل اللى يعجبهم.. مثلا طبقا لعدد المشاهد اوطبقا لمدى وضوح المشاهد وكدا.. يقولنا ان الكتاب فيه -قلة ادب-وبعد كدا بقى انا حره اشتريه او لا.. فانتو ايه رأيكم فى الموضوع دا
يا اهل الجروب الكرام.. دا رايى وتعليقى على الكتاب بشكل مفصل.. ياريت تقروه وتقولولى رأيكمhttp://anyhinguwant.blogspot.com/
انا عجبنى جدا الكتاب دا.. وفى البول انا اخترته علشان كنت حاسه ان كتير دا لو مكنش كل الكتاب ينطبق علينا دلوقتى.. وكأن الفساد والاهمال واستغلال الفلاح المصرى.. قديم قدم الانسان الاول.. وازاى ان كل الناس بتنظر للفلاح بشمئزاز فى حين ان مفيش حد بجد حاول محاولة جاده علشان يرفع من شأنه.. وازاى كل الخدمات اللى كانت مقدمه من الدوله للفلاح.. مجرد خدمات شكليه.. ماكنش المقصود منها اصلا خدمه الفلاح.. كتير منها ضره.. الجزء اللى بيتكلم فيه عن استيراد القوانين من الخارج..وتطبيق القوانين.. وكأنها عقوبات للتعذيب مش للتهذيب.. ومن غير تعليم الناس.. دا كان اجمل حاجه عجبتنى فى الكتاب
اعتقد اننا المفروض نفرق بين المشكله زمان والمشكله دلوقتى... دلوقتى الموروثات اللى تهين وتنتقص من المرأة بقيت اقل بكتير... بس الامراض النفسيه فى الشعب زادت وهى دلوقتى اللى بتنتقص وتهين المرأة
