Gehan’s Comments (group member since Sep 14, 2012)

Gehan’s comments from the بِقَلم ♥ جِيهَان أحمَد group.

جوايا فاضى
قلبى المخاوى
أحزان كتير
لو حب يفرح
يلقى اللى يجرح
جرح بضمير
جوايا سكة
طريقها زحمة
مليانة خوف
والخوف بيطلع
فى الضلمة دايمة
ازاى هشوف
وش الحقيقة
والناس بتلبس
وشوش كتيرة
عاملين ملايكة
بوش عيرة
ووش اصلى
فوق الرفوف
الوحدة حلوة
وفيها راحة
رغم الوجع
ما انا عشت عمرى
فى الدنيا ديا
لا لقيت حبيبى
ولا حد فيها طلع جدع .

فًاكرِين مَصر
زَمَان فى المَاضِى
كَانوا النَاس بِيخَافوا على بَعض
ومَكَنشى فى وِسطِينا رُمَادى
ومَكُناش بِـ نعُض فى بَعض
الفاظنا كان فيها شِيَاكَة
ومَكنشى فى قُلوبنا تَنَاكَة
أخلاقنا كانت حَضارِيَة
وبِنستَحمل دايما بَعض
الدنيا بِتتأخر ولا ماشية
الدنُيا بالمَقَلوب
القَسوَة فى قُلوبنا بَقيِينا
بِقلوب جَامدة وزَى الطُوب
طَيِب إيه اللى إتغيَر فِيِنا
بِنكَفر مَثلا فى ذنُوب
ولا الدُنيا اللى بِتتغَير
واتغَير ويَاها قُلوب
مصر زَمان كَان نَاسها غَلابة
كَانوا عَايشين بِيصَبَروا بَعض
مَصر بَقت لِيه شَبة الغَابة
وليه نَازلين كِدة عِند فى بَعض
نفسى نِلم الشَمل ونِرجع
ولا خَلاص مَبقاش مَكتوب
أنا متفائل رغم القَسوَة
اللى بَقت فى عِيُون النَاس
نِفسِى أشُوف النَاس مِبتِسمَة
وشَايلين مَصر دِى فُوق الرَاس
فًاكرِين مَصر

عَشان الفَرحة بِنعَافِر
عشان اللقمة بِنعَافِر
عشان الهدمة بِنعَافِر
عشان الحب بِنعَافِر
فى كُل حَاجَة بِنعَافِر
وحَتى لَمَا بِنسَافِر
بِنشقَى وبَرضُو بِنعَافِر
دَه حَتي العَقل بِيعَافِر
كَمَان القَلب بِيعافر
ولولا إيِمَانا مِش كَافِر
مَا كُنا في يُوم هانتنَازِل
ونِرضى نِعيِش في دُنيِتنَا
وبِيِنَا وبِيِنَها سُور عَازل
كأن الفرح شِىء مَعيُوب
كأنه شِىء مَهُوش مَرغُوب
ووصفُه فى الحَياة ساَفِل