3.27 avg rating — 1,436 ratings

"نسمة أنتي أزاي مبدعة كده و لمستيني من جوة و خلتيني أعيط و انا بقرا الرواية و اندمج في الاحداث و اتأثر بكل اللي بيحصل و دقة وصفك و انتقالك بين الأحداث الصراحة .. موضوع الرواية فاق توقعاتي و كعادتك بتتناقشي في مشاكل موجودة و محدش بيتجرأ يتكلم فيها قد شخصية حلا على قد الغلطات اللي عملتها على قد ما حبيت اعترافها بالغلط و التوبة لربنا و محاولتها تتغير .. أحمد كان شخصية غامضة آوي نفرت منها في البداية بس مع الأحداث تعاطفت معاه و بدأت أعفيه من جزء من الغلط .. سميرة فعلآ في ميطلقش عليها قلب أم بس ك ست و زوجة كنت معاها و أثرت فيا دموعها و يوسف عندي فاق أحمد كان كرهي ليه أكتر منه معرفش ليه .. محمد كان طيب آوي كان كل ما بيحاول يقسى كنت بدعي اني اقرا في الصفحات اللي جاية انه فشل و انه لسه طيب و على طبيعته و عمل اللي بيحبه و اسعدتني نهايته جدآ .. هزني جواب أحلام لزهرة آوي و فتحلي أني فعلآ ميفعش اصدر حكم على حد قبل ما اسمعه عشان ما ارجعش اندم تاني .. سيف شوفت عقدته نابعة من أمه رغم ان ممكن ميكنش كده بس انا شايفاها كده .. عمر أكتر حد صعب عليا اللي شافه صعب بس تعويض ربنا ليه بالأحسن كانت مكافئة و نهاية حلوة لقصته و جرحه .. حبيت طيبة أمل و باباها آوي .. و عن النهاية بقى اللي فعلآ ماكنتش متوقعاها .. كان ممكن تعملي فيها نهاية سعيدة بس فعلآ كان هيبقى في جزء من رسالتك في الرواية ناقص " العقاب " و أنا فعلآ لازم أقولك ان النهاية عجبتني جدآ .. بعد الرواية حسيت قد إيه الاحتواء مهم في حياتنا حتى لو احنا اللي هنحتوي نفسنا مينفعش نسيب نفسنا تضيع مننا عشان احنا اللي هنندم في الآخر .. و لما عرفت الحكمة اللي ماما كانت بتتكلم عليها اتبسط آوي عشان انا بحب الحكمة ديه جدآ " من استعجل شيئآ قبل أوانه ، عوقب بحرمانه " قد إيه احنا محتاجين نعمل بيها في حياتنا عشان تتعدل .. من الآخر بجد اعتراف مهما بقرا روايات : رواياتك فيها حاجة مختلفة تجبرك انها تدخل قلبك زي شخصيتك اللي بتدخل قلب الناس بسرعة من غير استئذان .. انا فخورة ان جبت احتواء و قريتها و بجد انتي المبدعة اللي مافيش نقاش في جمال كتابتها .. دمتي مبدعة .. <3 "

3.88 avg rating — 349 ratings

".
مبدئيآ خلينا نقول اني كنت زي آدم في عدم حبه في مصر بس هو بسبب لكن انا بقى من غير سبب و كنت بدعي ربنا اسيب مصر في اقرب فرصة تسنح ليا بكده ومش هرجع أبدآ غير زيارات و كنت وصلت لدرجة اني بقولها في وش الناس انا بكره مصر .. و انا بقرا كامنيليو حسيت باحاسيس كتير متلخبطة و جميلة حبيت نجلاء آوي و وصفها لجمال مصر لآدم هي و حبيبة كأنهم كانوا بيكلومني لمس قلبي آوي كأنه مكتوبلي و حسيت اني بحب مصر منهم و انهم فتحوا عيني على حاجات ماكنتش شايفاها ..هما وجدوا وطنيتي جوايا لأنها ماكنتش موجودة او انا عمري ما حسيتها المهم اني فعلآ لما خلصتها قلت انا بحب مصر و مش عايزة اسيبها أبدآ و اتناقشت مع ماما عشان تحكيلي جوانب حلوة في مصر و كان لازم أشكرك جدآ أنك سبب في ده بكلامك اللي كان دقيق و كان راسم الصورة واضحة قدامي و حببني فيها بجد .. ده أول سبب للشكر .. تاني سبب بقى اني ثانوية عامة و في الآنة الأخيرة كنت مصابة بالاحباط و حاسة ان حلمي بيضيع مني و كنت بدأت استسلم للموضوع بس شجعني تاني اصرار حبيبة على حلمها و تمسكها بيها و تحديها للصعوبات اللي واجهتهم في تنفيذه و عجبني آوي يقيتنها بالله و ثقتها فيه و ده تاني سبب لازم أشكرك عشانه .. آخر سبب بقى كلام حبيبة مع أسماء اللي كان دايمآ بتشرحلها فيه صورة الحب و تقولها ان البنت مش كل حياتها الجواز و انها لازم يكون ليها رسالة تانية غير الجواز في حياتها كلامها ده هفضل فاكراه دايمآ و هحطه قدامي لأنه هيبقى سبب أني انجح بإذن الله .. يعني من الآخر أنا عايزة أشكرك على كمانيلو كلها من أول كلمة لآخر كلمة و على طريقة وصفك و انتقالك بين الاحداث و عن الجنان اللي كنت بحسه لما آدم بيكلم نجلاء "

3.29 avg rating — 309 ratings

3.35 avg rating — 591 ratings