“நீ எத்தனையோ விஷயங்களைத் தெளிவாகச் சொல்லத் துணிந்து விட்டாய்! இப்போது நானும் ஒன்று சொல்கிறேன். அன்று நீ செய்தது, இப்போது சொல்லுவது இவைகளில் பெரும் பகுதி நீ படித்த இலக்கிய நூல்களிலிருந்து திருடியது. இதில் முக்கால் பங்கு நாடகம், நவீனந்தான்!"

"நாடகமா! நவீனமா!"

"ஆம்; நாடகம், நவீனந்தான்! அதுவும் உயர்தரமல்ல. இதெல்லாம் உன் சொந்த எண்ணமென்று நினைக்கிறாய். அது அவ்வாறல்ல. இது முற்றும் அச்சேறியுள்ளவற்றின் எதிரொலி. நீ ஒன்றும் அறியாத அப்பாவிச் சிறுமியாக இருந்தாலும் குடும்பத்தாரின் பரிவில் குறைவு ஏற்பட்டிராது. ஆனால், நடிகை நாடக மேடை மீதுதான் நன்றாக இருப்பாள். வீட்டில் அவளுடன் வாழ்வது நடக்காது.”