“خُدی کا زوال


کوئی سچ چھپائے جا رہا،

  ظالم نظام کے خاطر،

کوئی جھوٹ بتائے جا رہا،

  اعلیٰ مقام کے خاطر۔


یہاں ہر شخص پہنتا ہے،

  نئی پہچان ہر شام،

تو بھی خود کو کھونا سیکھ ہی لے،

  دنیاوی آرام کے خاطر۔


مشعل اٹھائی تھی جس نے،

  خدمتِ عوام کے خاطر،

جلا ڈالا اُسی کا گھر،

  قومی انتقام کے خاطر۔


بجھا دے اب اس لَو کو،

  اب کیا ہی فائدہ،

کون خود اپنا قتل لکھے،

  کسی نُورانی الہام کے خاطر۔


راستہ ایک ہی بچا ہے تیرے لیے،

  مناسب ایک ہی سزا ہے تیرے لیے؛

نوکر بن، ناک رگڑ،

  نیست و نابود کر دے اپنی روح کو؛


کبھی مالِ حرام کے خاطر،

کبھی شہرت، کبھی انعام کے خاطر،

کبھی اس کھوکھلے معاشرے کے

  کھوکھلے احترام کے خاطر۔”