“മോഹനന്‍ അപ്പോ സാറിന്‍റെ നേരേ നടക്കുന്നത് നിര്‍ത്തി, പിന്നെ വലത്തേക്കു തിരിഞ്ഞ് മുറ്റത്തെ ചന്ദനത്തിനടുത്തേക്ക് ചെന്നു. മുണ്ടിന്‍റെ കുത്തഴിച്ചിട്ടു തൊഴുതു. പിന്നെ അതിനാടകീയതയോടെ പറഞ്ഞു: 'ബുദ്ധം ശരണം ഗച്ഛാമീ. ഹേ, വിലായത്ത് ബുദ്ധാ! അങ്ങ് അഹിംസ പറഞ്ഞ ആളല്ലേ. ഞാന്‍ ഹിംസയ്ക്കില്ല. എന്‍റെ നേര്‍ക്ക് വെടി പൊട്ടിച്ച് ഹിംസ നടത്തിയ ഇദ്ദേഹത്തിന്‍റെ വീട്ടുമുറ്റത്ത് അങ്ങേയ്ക്ക് ഇനി നില്ക്കാനാവില്ല. വീണത് ചോരയാണ്. അത് ഈ ഭൂമിയില്‍ വീണ നേരംതന്നെ അങ്ങ് മനസ്സുകൊണ്ട് ഷാങ്ഹായിയിലേക്കുള്ള കപ്പല്‍ കയറാന്‍ തീരുമാനിച്ചുകഴിഞ്ഞു.”