“الأفضل كان دايماً خوفنا
علشان نِسلم عين الناس
الأفضل كان نلغى وجودنا
علشان خوفنا من الحُراس
الأفضل كان لعبة قديمة
انك تمشى جنب الحيط
لو حكمت تتعلق زينة
ويبقى أساسك عيش وسميط
لازم نرضى عشان ننداس
ونعلى الأسعار ف مزاد
لازم يبقى أساسنا مداس
مركون دايماً ف الفاترينة
لو حبيت تعمل عصيان
مكانك ف رصيف بنزينة
ولو حد اتكرم ورماك
برضو هترجع أخر الليلة
مستكتر سببين جواك
انك لسه ليك القيمة
والمفروض لازم تختار
وان عيونك جوه السيما
شايفة حزن قرار محتار
المفروض تبعت جوابات
ترسم فيها كتير علامات
مهما تدور وتلف عليها
لازم تؤمن بعد ساعات
ان التعلب م الأموات
لازم تعرف جواك ايه
أخرك كلمة وعيون بيه
بتسطرلك بكره جديد
لو معرفتش امتى العيد
يبقى حياتك لونها رماد
امضا عليها الخوف ألوان
علشان لسه فيك أمراض
ومحددتش انت ف ايه
والأحوال من جنبك ليه
مبدأ فارض نفسه عليك
انك لازم يوم تختار
رشح نفسك جنب النار
واختار واحد م الأبرار
قدرك كده تفضل محتار
لحد ما ترسى لبر أمان

برلمان”