“الجفون دبلانة مالنا

العيون سهرانة ليلنا

الدموع مش لاقية غيرنا

ليه السعادة ماتملي عينا

معقول ده يبقي حالنا

يوم جراحنا ما حد شالنا

ما حد ابدا طفي نارنا

ليه المشاكل شاغلة بالنا

دا إحنا جينا وليكو قولنا

محتاجينكم كل واحد فيكو لامنا

مين ف يوم فكر وزارنا

مين بعدنا
مين هجرنا
مين رحمنا

مين سقانا النار وويلنا

حد فيكو مرة جالنا

حد فيكو خدنا صانا

كل واحد فيكو هانا

كل واحد فيكو خانا

منكو انتو الدمع طالنا

انتو عشتو واحنا ضعنا

احنا مش لاقيين طريقنا

احنا مش عارفين حقوقنا

احنا غيركو وانتو غيرنا

انتو صح ولا احنا

رايحين لفين ايه مصيرنا

هيجي يوم ونلاقي نورنا

يوم نقول دي حياتنا ده طريقنا

هننام خلاص م غير عذابنا

هننسي خوفنا
هنعيش لروحنا
الكلام ده بيه حلمنا

احنا مين مجاش خذلنا

م السعادة مين حرمنا

و ف حياتنا مين ظلمنا

غيركم انتو حبايبنا

منكم انتو جه ندمنا
خلاص عرفنا
بعيونا شوفنا

ظلمكم مع جرحكم خلي فراقنا

م غير بكي بعدكم هنعيش فرحنا

دا انتو نسيتونا بعتو هوانا

واحنا كمان احنا نسينا

حبكم احنا نسينا
جرحكم بعده مشينا
وإن ف يوم جينا إلتقينا

مش هنروح نجري عليكو انتو صفحة م ماضينا

انتو دمعة كات ف يوم مالية عينينا

انتو دمعة نشفتها لينا إيدينا

حب مات عمره تاني مايداوينا

شوقكو لينا ماعادش هوه اللي بيحيينا

ابعدو م عذابكو خدنا مايكفينا

ارحمونا مفيش حد منكم يحمينا

هنحمي روحنا ولو عانينا

مش هنعيش ابدا معاكو غصب عنا واحنا ابتدينا

منكو شكينا كرهكم منه ارتوينا

بكيتو واحنا مش بكينا

ندمتو انتو ع اللي فات ودقتو م اللي منه انكوينا”