“معلش ثوانى لو تسمح
أنا ليا حقيقى طلب عندك
تعرف تفرح
ممكن تضحك
ممكن تَتَفاءل من فضلك :)
الدنيا أكيد صعبة كفاية
ممكن تأذى وممكن تجرح
لكن مع كل الصعوبات دى
ممكن تواجهها بضحكاية
لو كل الدنيا معانداك
بلاش انت تكون واقف ضدك
تعرف تضحك وقت الشدة
تعرف تثبت عــ الضحكة ماتضعفش ف وقت الرِدّة
ممكن تدّى الأحزان ضهرك
وتقابل يومك بالبسمة
ياسلام لو جربنا الفرحة
ياسلام لو مرة نلاقى الناس
أفراحهم بينهم متقاسمة
وقلوبهم راضية ومتسامحة
هنلاقى الدنيا بأت أسهل
حياتنا أكيد هتكون أجمل
خَلّى شِعارك دايما
افرح
اياك تزعل
وان يوم قابلك واحد زعلان
قوله أنا عندى الحل السحرى لكل مشاكلك
تعرف تفرح
ممكن تضحك :)”