“მთელი ამ დროის განმავლობაში არ ვფიქრობდი, რომ სერიოზულად ვაპირებდი რაიმეს. ვიცი, რომ ეს უცნაურად ჟღერს, მაგრამ ნამდვილად ასე იყო. ჩემთვის ვიმეორებდი, რომ არასდროს ასეთ რამეს არ გავაკეთებდი, რომ ეს მხოლოდ ჩემს წარმოსახვაში ხდებოდა და წარმოსახვაშიც არ მოხდებოდა, რომ არა ფული და თავისუფალი დრო. ჩემი აზრით, ბევრი იმათგანი, ვინც ახლა შეიძლება თავისთვის უწყინარად ცხოვრობს, იმავეს გააკეთებდა, რაც მე გავაკეთე, ფული და თავისუფალი დრო რომ ჰქონოდა. იმის თქმა მინდა, რომ აიშვებდნენ, თვალთმაქცობას შეწყვეტდნენ და გააკეთებდნენ იმას, რასაც ახლა ჰგონიათ, რომ არ გააკეთებენ. ერთი ჩემი მასწავლებელი ხშირად იმეორებდა, ძალაუფლება რყვნისო და ფული ხომ ძალაუფლებაა.”