“زحمة أفكار ونسمة هوا باردة قادرة تجمد كياني

والمكان بيوسع أوي رغم الزحمة اللي في دماغي

بيوسع وعمقه بيزيد وأتنهد وأفكر وأفكر وأفكر

وفي الآخر بغرق في التنهيد

وبحس إني طفل وحيد محتاج أوي لحضنك

............

أحضني يمكن أحس بحبة دفا

يمكن ابكي أوي ودموع عنيا تبكي عنيك

يمكن أحس ساعتها بحبي ليك

يمكن أحس إن المكان بقى أضيق

واني خلاص مش هغرق

وان أنت شط النجاة

وان الحياة من غيرك مش حياه

...................

طب أقولك حل تاني سيبني اغرق

أو سيبني أحاول أنقذ نفسي واهرب

سيبني وابعد

ولا أقولك قرب اكتر

أنا قلبي مش بيقدر

بسهوله يبعد

ولا عقلي رغم البعد

هيبطل يفكر

.....

أقولك آخر حل

أنا مليش حل... اخطفني واهرب”