“شقوقي دابت مــ الحفا
و شقوق سنيني ماتتداراش
بيوتي هيّ الأرصفة
و رصيفي دا لسه ببلاش
من حجر لكن حنين
بيحاجي على كل هيّن
قلوبكم انتو من حجر
و رصيفي قلبه من قماش
أنا الغريب محتاج وطن
أنا الشريد محتاج سكن
و سألت عن بيتي الخلايق
ردّوا بيتك ما اتبناش
الزاد !!.. ولا أعرف سكته
و جوعي يُصرخ أسكّته
الجوع ضنا.. منّا و علينا
مذلول.. و لكن ما اشتكاش
حكايتي مالهاش أي صوت
حكاية متقالة لصنم
أنا حرف مشطوب مــ الكلام
أنا عجز... أنا شيئ من عدم
و صرخة صوتها ما يتسمعش
و حرف أخرس ما انحكاش..!”