“- شو يعني بدك كتاب تحبيه؟
- مش لح افسرلك، حقولك قصة:
بالجامعة وبالتحديد بالشتاء وبمتل هالأيام، بالفصل الاول من السنة الرابعة نوفمبير2007، كان في كتاب بحبه، بحبه بمعنى الكلمة، الكتاب من ٦أجزاء وفجأة وبدون توقع اكتشفت ترجمة منتديات للجزء السابع والأخير، مع العلم أول ترجمة كانت حتنزل بالكريسمس، وطبعاً هذا كان قبل التلفونات الذكية والتاب والايفون، فكنت مُطرة أدخل مختبرات الانترنت، مختبر الGIS عشان اقرأ الترجم عبرنامج الأكروبات pdf، وقبل ما اروح اهرب عمختبر الانترنت اطبع ٥٠صفحة لأقرأهم بالباص حتى أوصل البيت واقرأ من كمبيوتر البيت، والي كان كيس مش لابتوب لزيادة الغلبة.
اجت الامتحانات، وصرت مطرة بهالفصل الصعب والنهائي اركز وادرس، فضروري ما أهمل.
الكل بقولي متغيرة، وجهك تعبان، مالك؟
مرة فقعت معي وسألتني بنت ما بتعرفني منيح؟ ومش مطرة اجاوبها صح، بتعرفوا شو قلتلها؟
قلتلها، أنا مدمنة ومنقطعة عن الحبة، البنت انصدمت، انخرست، وراحت بلا تعليق.
عرفتوا شو يعني أحب كتاب
وللعلم فش بشري بستحق هالحب.”