“عايز استقيل
من الناس
من الحياة
من كل حاجة فيها انا
وانا مش موجود من الاساس


عايز استقيل
من دماغى
من احساسى
وقفل عليهم بالقفل والمفتاح

وارمى المفتاح
بعيد
فى ابعد مكان
بعيد عن
الزحمة
والدوشة
والخنقة
بعيد عن ناس مابتقدرش الاحساس

بعيد عن بكرا
بكل تفاصيلها

بعيد عن الذكرى
بكل
آلامها

عايز
استقيل
من كان
ياماكان

من حب قديم كان

من فشل بيطاردنى فى كل مكان

من احياء اموات اصبحوا فى تعداد الذكريات

من نفسى اللى انتهت من قبل الاوان


من حلم اصبح محال”