“ანდა ის რუსი – ის ქერცლისსვირინგებიანი კაცი, იონი იაფოში რომ შეხვდა. აი, ზუსტად ის, რომელმაც პირდაპირ კამერას მიაპყრო დაჟინებული მზერა და თქვა, მე რომ ოდესმე გადავაწყდე ოქროს თევზს, ერთ ნატვრასაც არ ჩავუთქვამდი; შუშის ქილაში ჩავსვამდი უბრალოდ, თაროზე შემოვდებდი და ყოველდღე ველაპარაკებოდი, მნიშვნელობა არა აქვს, რაზე – ხან სპორტზე, ხან პოლიტიკაზე, რაზეც ოქროს თევზი მოინდომებს მუსაიფსო. – ნებისმიერ რამეზე, – აღნიშნა სერგეიმ, – რაც მარტოსულობას გამიქარვებს.”