“هو : نفسى اعرف انا بالنسبالك ايه
هى : بالنسبالى ايه ايه انت اخويا
هو : اخووووكى
هى :اه اخويا
اخويا اللى بيخاف عليا من الهوا وعاوز يخبينى من الدنيا عاوز يسعدنى باى طريقه بس يسمعنى اضحك فيضحك ضحكة بتخلينى اضحك اكتر
وسعات بحسك ابنى الصغير
طفل برئ صغنن مشاعره صافيه وقلبه حنين ابيض ابنى اللى عاوزة اخده فى حضنى و اطبطب عليه وابوسه فى جبينه
واقوله الدنيا دى متستاهللكش
وسعات بحس انك ابويا ...
اللى خايف عليا اللى عارفه انه هيحمينى من كل حاجه اللى نفسى اجرى فى حضه استخبى من قرف الدنيا ... و من الناس اللى بقت وحشه جدااا
واناام فى حضنه جمب قلبه الحنين
صحبى اللى بحب اتكلم معاه حتى لو معنديش كلام اسكت او يسكت فيعجبنى حتى سكوته
حبيبى اللى مغلبنى معاه
وبغير عليه لما حتى عيونه تلمح واحده تانيه لما احس ان فى واحده لفتت نظرة او حتى عجبه فيها حاجه انت بالنسبالى ايه صحيح انت ايه
انت قلبى
حد يقدر يعيش من غير قلبه”