“و فى يوم فوقت
و قولت مش راجعه ليك
اصلى اتعلمت
انى ما ابقاش باقيه عليك
و ان رجعت تكون نصيبى
ودبله ف ايدى يا كده يا بلاش
اصل الحلال عمره ما كان يوم ببلاش
ف رجوعى عمره ما هيكون بالساهل
اصلى عودت قلبى على القسوه
تستاهل
كنت زمان بمجرد كلمه ارجع و اجيلك
بس دلوقتى عمرى ما هغلط يوم و خلاص هسيبك
يمكن تلاقى حد تانى منك يستحمل قسوتك
اصلى كتير جربت اتحمل بس آسفه تعبت منك
كتير بررت جرحك ليا
و اقول انا يمكن غلطانه
لكن كتر ظلمك ليا خلانى خلاص تعبانه
و عمرى ما هقبل يوم تانى ب اهانه
انا كده كرامتى متصانه
مع انى كتير فرطت فيها و حطيتها بين ايديك امانه
انت اللى فرطت فيا و بعتنى و اشتريت ناس جبانه
ماتلومنيش
انا اديتك فرصه بالحلال يا كده يا مافيش”