“بكره اللي جاي بكره،
هيشعل الثورة وهينفجر سرب الفراش الحر لو مر بحماسة،
أو عدى بهدوء قصاد الوردة حتي لو كانت بلاستيك،
و يدب روحه في الجماد يحيا.

هيزرع الشجر المواسم قصاد البيوت،
يطرح أغاني وشاي وسهرة صباحي،
بكره..

ستات البيوت هينشروا الضحكة الصريحة والكدب الابيض فى وضوح الشمس،
ونياتى من حزن الحوارى
هيمد كورنيش الذوات لحد لقلب القاهرة والعشوائيات الحزينة،
بنات بتخرج في غنا الأزرق لباب الشمس،
ويراهنوا صف من الملايكة ع المطر ،
موظفين الحكومة هيواجهوا كل الناس من غير نميمة،
يمكن بيادات العساكر تاخد ايقاع مختلف،
وتحيي ثوار البلد أو تصمت
تصمت للأبد
بكره ..كل اللى هاجروا من الأغاني/ اتهجروا منها،
هيرجعوا سكان وعِشرة عُمر،
هيدبروا الاسطورة بالفطرة .. بكره”