Hana > Hana's Quotes

“عمرك حسيت
إنك محتاج .. حُضن؟
مش شرط يكون من حد مُعين
أو عارفك
وكفاية أوي إنه يكون دافي
ومش متكروت
ف سلام مستعجل
ومجرد بس بروتوكول
(للحضن أصول)
فتحة دراعين ما تاخدش الا انت
وتسيب تفاصيلك برَّك
من غير تفسير
لتصرُّفها
غير رغبة لـ بث الدفا
جواك”
― مي رضوان, الشنطة البمبي

“والقُرب بيسيب ع القلوب
تجاعيد
وسط الروتين
وبين فراغات الزعل
بتزيد
فسيب مشاعرك
في الفطام
هتطيب..
وحب لكن
حب وانت غريب
القرب
أصعب.. حُكم إعدام ف التاريخ
والصورة أجمل
! طول ما هية بعيد”
― مي رضوان, الشنطة البمبي

“مش عايزة ورد ..
الورد فيه تغريبة تغري بالحنين ..
وأنا غربتي أوسع كتيير منه
والحب مش إعلان مؤقت بالحياة ف بوكيه
ويومين يكون دبلان..!
.
مش عاوزة أغنية ..
كل الأغاني كدابين
.
مش عاوزة جاوابات توسِّع المسافات كمان
.
مش عاوزة وعد بشيء جديد
ولاشيك أمل .. من غير رصيـد
.
مش عايزة ف اللحظا دي غير ..
غير إحساس ضروري بالأمـــان”
― مي رضوان, الشنطة البمبي

“الأنصاص لما بتلاقي
ممكن يطلع حد صحيح
وساعات بعد الجَبر .. الناتج
يفضل برضه كسور فردية
فانا مش طالبة أكتر من إنك
.. تقبل بس القسمة عليا”
― مي رضوان, الشنطة البمبي

“يافرحة جوا الغيب
ماتيللا بقى....كدة عيب
وانا لسة فيا شباب
تعاليلي قبل ما اشيب”
― مي رضوان, الشنطة البمبي

“يحدث أحيانا
أن تصاب بالاكتئاب
فتشعر بتفاهة الأحداث حولك
وتزهد بكل طقوس الحياة المحيطة بك
وتفقد الأشياء قيمتها وأهميتها لديك
ويخيل إليك أن الحياة توقفت عن النبض
وتتساوى لديك الأمكنة والأوقات
وتبقى وحيدا ....وتبقى بعيدا
لاشيء معك سوى إحساسك المقيت
وتفشل كل محاولاتهم لانتزاعك من وحدتك
وقد تبقى في دائرة الاكتئاب فترة طويلة
وقد ...تشرق شمس الأمل فجأة
فتشرق معها قابليتك للحياة من جديد !”
― شهرزاد الخليج