Tarek > Tarek's Quotes

“وأسمع حكايات صاحبي الأنتيم
ونكلم بعض واسرح
ف ادوس علي حرف الميم دوستين ورا بعض
وبسيبه ساعات لما أزهق من كتر الحكايات
وأكتبله حاجات ملهاش معني زي الشفرة
وابعت للناس ف وشوش صفرا
وازعل منها ف أكتب طيب
وأزعل أكتر ف اكتب ماشي
وبراحتك اصلا أنا ماشي
واما أضحك ادوس علي حرف ال هه
وعلي قد الضحكه أفضل دايس
ازعل ملاقيش للحزن زرار
وبرغم بأنى معبّي وشوش
فعلا ملهوش.... إزاي حختار؟
فيه وش واحشنى وعمره ما جه
....مصطفى بيقولك
ب
ر
ب
......فيرد يقولي
ت
ى
ت

ف اطلع واقفل نور الاوضه....
واسند بدراعى على الشباك
وابص لفوق
واتمنى ساعتها اكون وياك
واسرح وافوق
واما ازهق م الوقفة لواحدى
اكمن مفيش حد معدي
ف بطّلّع شباك الدنيا
......واكتبله انا باك”
― مصطفى إبراهيم

“نظرتها ليك حتى .. ساعة ما بصتلك .. لو دامت لعين غيرك .. مكنتش وصلتلك ....”
― مصطفى ابراهيم

“الأوله آه ....
والتانية … آه
والتالتة ... مفيش
معنديش …
نفس أقول آه ...
معنديش …
قالو ..
إقلعوا … قلعنا
ومفيش ... بتعكوا
وبتعنا …
وصار متاعهم .. متاعنا ..
وألف مرة إتلسعنا ...
و برضك ... مفيش
الأوله …آه
والتانية .. آه
والتالتة ... مفيش ....
قالو إبصموا ...
بصمنا …
ده بكره ... سكر .. وسمنا
سيبنا غيرنا رسمنا
إتقسمنا …
على اد ما فينا من جراح ...
ابتسمنا …
الأولة .. والتانية .. والتالتة
مفيش …
الدنيا هاصت .. وهيصنا ..
ريحنا لما .. تيسنا
تاه الطريق من اتوبيسنا
يئسنا …
لا ... عرفنا ليه قلعنا ...
ولا عرفنا ...
إيه … ليبسنا ...
الأوله والتانية والتالتة مفيش
واهى .. ماشيه تجرى المسائل ..
ولا حد ... سائل ...تصحى مرسى ... ينام وائل
ده انا كنت واد م الأوائل ...
وكنت شاطر ... شطارة ...
وكنت فن .. وعمارة ..
وكنت صاحب تجارة ...
معرفش إيه اللى صابنى ...
فى قلبى ... ضاعت
سمارة ….
خربوها …..
خربوها ولاد ….القطقوطة
لا طرحت باميه ... ولا قوطه
وسابوها فى سرير مربوطه ..
و يا ريتهم طلعم رجاله ...
و يا ريتها .. رايقه .. و مبسوطه ..
خربوها …
دول سرقوا الهوا ... والضى ...
ويا عينى ... عليها بلد ...
يا ريتها ... ما قالت أى ..
ويا ريتها ما جابت ولد ..
خربوها …
دول سرقوا النخلتين .. والنهر
والمدرسة ..
والهندسة .. والجبر
سرقوا الشوارع ... والمعانى
والأغانى …
وسيد درويش .. والريحانى ..
سرقوا ... المشاعر .. والمزاهر
والبخور ...
سرقوا الحزن ...
سرقوا …حتى القبور ...
خربوها …
دول سرقوا الطيب .. والزين
وسرقوا …الكحل من العين
وسابوها .. تاكل بالدين ...
وان يوم أتعدلت ... عواجوها ..
خربوها …ولاد ال ..
خربوها ...
خربوها ولاد
ال ..”
― علي سلامة

“حين تختار أن ترحل معى على متن طائرتى الورقية الملونة ، بدلاً من طائرتك الخاصة النفاثة ، تصير حبيبي .”
― غادة السمان

“أيها الحاضر تحملنا قليلا، فلسنا سوى عابري سبيل ثقلاء الظل.”
― محمود درويش

“ثمة شئ ننساه في زحمة التسابق على حفظ الجمل الثورية الجميلة. هذا الشئ هو الكرامة البشرية، ليس وطني دائماً على حق، ولكنني لا أستطيع أن أمارس حقاً حقيقياً إلا في وطني.”
― محمود درويش, يوميات الحزن العادي

“مرّ القطارُ سريعًا
مرّ بي
وأنا مثلَ المحطّةِ
لا أدري .. أودّعُ أم أستقبلَ الناس
أهلاً, فوقَ أرصفتي
مقهى, مكاتب, وردٌ,
هاتفٌ, صحفٌ, وسندويشّات,
ومُوسيقىوقافيةٌ لشاعرٍ آخر يأتي وينتظر
..
مرّ القطارُ سريعًا
مرّ بي
وأنا مازلتُ أنتظرُ”
― محمود درويش

“يقول أرسطو عن سقراط :
كان سقراط يثير المشكلات ,ثم لا يقدم لها الحلول ,ولم يكن سقراط غافلا عن حقيقة موقفه السلبى هذا ,ولكنه أيقن أن رسالته الحقيقية هى فى تطهير العقول أولا ,لعلها بعد ذلك تتهيأ للوصول الى الحق .”
― زكى نجيب محمود محمود

“ أنا الذي مشيت أدوَّر باشتياق و حنين
... على مصر
، و المشي خَدني من سنين لسنين
لحد ما سنيـنهـا و سنـيني بـَقـُم واحد
و عاصرتها يوم بــِـيـوم ، لم فاتني يوم واحد
و حضرت شاهد عيان مَوْلـِد و موت ملايين
ما زعلت من كلمة قـَدّ .....: " البـَركة في الجايين " !
مين هم دول يا جدع .. ما توحد الواحد
، البركة فينا و في السامعين بالواحد
أنا قلتها بنرفزة ..، من غيرة الواحد
على اسم مصر .”
― صلاح جاهين

“بعد الطوفان الجو شبورة
ننده لبعض بهمسة مذعورة
بشويش نمد الإيدين
ياللي أنت جنبي أنت فين
كان فيه طوفان و خلاص
مابقاش طوفان
المسني ونسني أنا حيران
قل لي
إيه اللي بالإمكان”
― صلاح جاهين